去到巴士站，咁啱見到架巴士開走左，佢個樣就好心急又話好驚趕唔切班機，我咪叫佢如果真係驚就撘的士喇。佢又即刻話身上用淨即錢唔夠撘的士，問我可唔可以借住百五蚊俾佢先。我見佢咁急，我就借左俾佢。佢亦都俾左佢電話我，叫我whatsapp返佢，佢會匯返錢俾我，仲叫我睇下佢身上有冇野可以拎俾我抵押。但佢只係一個backpacker，我又可以拎啲咩呢？最後我目送左佢上的士之後就試圖whatsapp佢但都搵佢唔到。
本來都想當自己跌左百五蚊，拎唔返錢都叫做幫到人，仲一心希望佢趕到班機。點知竟然！係竟然俾我係油麻地地鐵站遇到佢！佢當時又係問緊路，於是乎我就即刻行埋去say hi, 點知佢走都走唔切咁款，扮晒野打左聲招呼，我問佢乜佢唔係喺日本咩，佢就話自己住緊ymca得閒搵佢喇然後就急急腳走左。我都廢事追，追到又做唔到啲咩。
宜家將件事打岀黎，係發現原來唔只得我一個中招。希望大家以後如果係紅色地鐵站沿線遇到個樣似三四十歲既日本人問路既時候提高警覺，唔好再俾佢用同樣行騙手法呃人
