legal executive

英倫風

9 回覆

1 Like 0 Dislike

英倫風 2017-07-04 17:19:32

有無巴絲做緊呢行
可以問下野

英倫風 2017-07-04 17:24:05

睇到好耐之前有巴打分享

今日我開呢個post希望同大家分享一個相對冷門嘅職業
其實一路都想開呢個post同巴絲分享下呢個職業
而呢個職業就係律師樓入面嘅師爺

但係由於大長篇關係
一路未有時間去打
今晚鬼咁精神又訓唔著(聽朝返工就死得…)
就用呢個時間同freshgrad或者係唔知入唔入行又或者係有意入行嘅巴打講下呢個帶有少少神秘嘅職業

雖然師爺呢一個名好似帶有一點江湖味之餘
總係俾人覺得係代大狀或者律師出去周圍抓客
而且總係俾身邊嘅人覺得你係三流法律人員
唔知點解係大眾眼入面
你唔係法官唔係律師唔係大律師唔係檢察官你就係三流
你就係一世都只可以做老二同老三
其實如果你係咁諗就真係好錯
因為師爺其實係有相當唔錯嘅發展

其實揀一份好工
我覺得要睇三點

第一
我地要睇呢個職業或者係呢個行業係市場上面係咪容易被他人取代
又或者應該話呢個行業會否容易氾濫
同埋呢個行業嘅經驗係咪值錢
我舉個例子
比如係你去做飛雞
由於飛雞嘅工作係低技術工種(洗廁所,捧餐....簡單急救)
主力係年輕人
到到三四十歲老左公司就會同你講bye bye
反之師爺日常所做嘅係做唔同嘅法律文件
即係行內所謂做bundle
因為律師由上庭到簡單嘅買賣樓宇等case
佢地都唔會自己落手落腳去做
反而佢地會交俾師爺去準備一切文件
如果你識得做愈多唔同類型嘅法律文件
你就愈係市場上面值錢
因為你要知道
律師都未必識唔曬咁多野
加上好多時如果個律師間firm本身唔識得做某一類case嘅文件
佢地就唔會接個類case
反之如果個師爺識得做呢類文件
就即係話幫間firm廣大左可做生意嘅客路
我以前係一間local firm度做過paralegal
個間firm入面佢地以做litigation為主
從來都唔做樓宇買賣
係因為兩個partner都唔太熟
但係當一個好senior嘅legal executive黎左之後(做左七八年左右)
由於佢做樓宇買賣嘅文件比較熟
就開始有接呢方面嘅生意
所以經驗可以幫一個師爺學識做唔同嘅文件
亦可以幫一個師爺熟悉唔同嘅法律情序
比如係庭上面大狀或者律師講野
好多時佢地須要唔同嘅文件
亦須要即時有人傳遞唔同嘅文件俾佢
呢個時候一個熟習有經驗嘅

英倫風 2017-07-04 17:24:39

呢個時候一個熟習有經驗嘅師爺就會係好幫得手
同時亦都唔會輕易被人取代

第二
我地要睇呢個職業係咪可以長遠發長落去
亦即係話做師爺係咪有持續發展性
首先所謂師爺係行內基本上大致分為兩類(其實並冇絕對嘅職稱)
一般黎講分為Legal Executive或者係paralegal
Legal Executive係得到Law Society認可嘅課程畢業生
而且亦須要附合基些基本條件
例如係英文CE要有D之類
今日我地唔係度詳談
上面所講Law Society認可嘅課程就係某兩三間專上學院所攪嘅High Dip或者係Advance Dip或者係asso
但係有一點值得留意
就係Legal Executive呢一個benchmark並唔須要係degree holder
亦即係話入行黎講相對容易
而paralegal就係行內一般有law degree(有啲情況係只有一般degree)但係讀唔到pcll又或者唔係common law system嘅degree holder係律師樓入面嘅職稱
一般而言paralegal都會係degree holder
但係須要留意
Legal Executive係法制上有部分權力係paralegal行使唔到嘅
香港的Legal Executive可以在佢間Firm有份嘅內庭審訊中
以有關人仕(Concerned Party)嘅身份出席審訊
同時如果佢個間firm向警察部及懲教署預先登記及批核後
可以到警署、拘留所、監獄、拘留、病房等以法律人員身份會見被拘留人仕或者係犯人
巴打千祈唔好睇少呢兩種權利
當你多左兩種接觸client嘅機會
你得到嘅經驗以致係學職機會會多左好多
好多時大狀嘅收費係高得好驚人 (呢句其實真係廢話 )
一般中產如果萬一撞上刑事檢控咁唔好彩
都唔會負擔得起下下都叫大狀去見佢地
所以如果師爺可以去到警署、拘留所、監獄、拘留同病房
就會令到client同大狀都得到一個winwin嘅情況
再者如果師爺可以入到內庭
咁嘅話佢就可以幫輕到律師唔少文書上嘅工作
所以我識得部分paralegal當佢接受到自己一世都再做唔到律師嘅時候
甚致會調返轉頭去讀Law Society認可嘅課程
要去攞legal executive嘅法定權力
當然我亦見過有好叻嘅legal executive
佢地雖然係係CE或者AL失意
亦當時佢地最高乎學歷都冇degree
但係由於佢地長期接觸法律關係
當佢地進修去讀LLB嘅時候
佢地係比一般人更易明白唔少嘅法律concept
最後成日讀到pcll而做到律師

英倫風 2017-07-04 17:25:06

第三亦即係最後
就係錢途啦
如果你有本事可以由legal executive進修咁叻仔去到做到律師
咁錢就梗係唔洗多講啦
但係即使你一世都做唔到律師都唔洗灰心
當你有返超過十年或者係更多嘅經驗個陣時
你嘅人工一定會過20k(而且仲會隨年資而增加)
我當你二十歲入行
其實當你三十歲嘅時候做份寫字樓工有兩萬蚊
老老豆豆其實今時今日係香港已經係好唔錯
我就真係唔信個個高登仔未夠三十就已經個個年薪100k
係大firm甚致係city firm度做嘅師爺甚致有四五萬蚊一個月都唔係奇事
所以當大家後退一萬步黎睇
其實做唔到律師又有乜所謂
最緊要係穩定賺到錢
因為你做師爺累積返黎嘅經驗係點都冇人拎得走嘅
試問你係一個大企業度打工
又有幾多人可以做到Director做到GM
所以大家唔好俾人閒言閒語影響
其實做師爺一樣可以好專業
好多時係firm入面一個有經驗嘅師爺隨時得到人尊重仲多過新人嘅律師
但係記得一般local firm入行個陣人工都係九千左右
同local firm嘅audit junior差唔多
但係你嘅經驗係絕對絕對值錢嘅

今時今日係香港
做sales做前線其實係好冇保障
靠把口搵食食最冇保障
花無百日紅
做sales冇專門技能最易被人取代
流動性極大
個人而言亦都唔贊成做相對低技術工種
原因同上
亦都係好易永被人取代
所以如果有dse雞畢左業唔知讀咩而自問又對法律行業有興趣
不仿可以考慮下讀相關課程幫助自己第時入行
又或者係有巴打做緊冇乜前途嘅工
諗緊想轉個有得發展嘅行業的話
又不仿考慮下師爺呢一個行業

殺戮都市 2017-07-04 17:34:39

我記起藍藍天空高掛我的夢