淘寶最貴先人仔98，佢賣成港幣268比人喺Ig踢爆左之後出聲明話自己係搜集不同款式既織品再叫織工姨姨打版從新製作？人地有冇賣個版權比你？有冇出教學比你？咁即係喺淘寶買翻嚟然後照住整一條就當係自己既原創產品？有冇人會買幅畫翻嚟照住畫然後就話幅畫係自己既作品再賣出去？
你既回應係真係假冇人知，但你咁樣做明顯係抄襲人地既作品啦，仲好意思作出咁既回應？
仲喺dm回覆人話唔知產品背後有設計師，咁到底件產品係邊個諗同整出嚟？唔通個人唔叫設計師反而你先係設計師？
香港真係多得呢啲人唔少，搞彎哂香港手作。幾多手作人好努力咁係呢個圈子設計同創作產品，要呃錢翻去澳門呃啦，香港人唔係咁樣比你攞嚟搵笨
再講，你話唔係賣淘寶貨，但你條頸圈既設計同淘寶個條一模一樣喎，連啲細節位都一樣，仲要話自己係手工整所以貴咁多，人地淘寶夠係手工整啦，你連設計都唔洗設計仲好意思賣咁貴。問你係唔係抄襲又唔回應，仲去擺市集繼續呃人，唔好以為轉另一個顏色就唔代表抄襲啦！你做得YouTube 會唔知咁樣係抄襲？
前一日係Ig聲明講已經將產品下架，但市集依然攞出嚟賣，係唔係喺淘寶入得太多貨呀驚會賺少一筆入貨錢呀？都估到你唔會咁好架喇，有良心既人一開始就唔會咁做！自己Ig story po就冇擺出嚟，影完就即刻攞出嚟賣，今日市集呃左幾多錢？
無論你係抱住食花生/想一齊追擊佢既心態睇到嚟呢到，我都希望你地可以share出去。我會咁樣做既原因真係唔想佢以手作既名義去呃錢，本土手作唔係抄襲，唔係賣淘寶貨，而係一班努力創作既香港手作人用時間、心機去設計同製作產品，希望用手作傳遞溫暖比大家。
香港人呢幾年都過得好難，相信收到手作人親自設計，用時間同心機製造既產品同了解產品/品牌背後既意念後會感到一點點既溫暖同窩心。呢一點點既溫暖同窩心雖然冇辦法改變現實，但希望可以成為大家堅持落去既動力。
推到佢出嚟道歉同回應！！
