見好多人一早冇心機追po 當最後嚟個總結 等大家一次過了解17個po嘈緊乜：
事源某ig shop嘅某員工公審老細
1. 拖糧
原來根本係公司早期嘅事，當時公司啱啱開始多人處理唔切，解決咗唔知幾耐都要俾hy摷返出嚟講。
2. 雙黃線影完相p走
老細後來道歉，件事大唔大單見仁見智，不過發現爆料人班fd啲鋪頭都有雙黃線影相，有人認為老細最大問題係p走，既然雙黃線小事，p走唔想影響構圖有咩問題？
3. ot冇補水+做錯嘢冇bonus+壓價
頭兩個太on9唔詳講 壓價就後來發現原來爆料人讀design本來asso grad 12.5k人工 半年升到變23k
4. 遲到罰錢俾冇遲到嘅人（玩攪珠）
原來係公司每日太多人遲到，成班開會提議出嚟，仲講得好興奮，連老細自己遲到一樣要罰錢。後來老細share咗grp對話，一買完攪珠材料成班同事好興奮，爆料人當時仲打咗個好開心嘅sticker(後來聲稱鳩send)。後來爆料人又出嚟投訴，最後攪珠制度就取消咗。
5. 冇供mpf
原來老細定時供，但填錯嘢報錯俾政府，啲錢俾政府hold住咗，之後有入返俾同事，件事已經解決咗段時間，仲俾政府罰咗錢。而爆料人冇講，老細出嚟講返大家先知。
6. 冇裝貓網，啲貓污糟要員工執貓屎
原來公司有獨立貓房，從來都唔開窗所以冇裝貓網。爆料人話貓周身屎好污糟，po咗張豆沙套上面有屎嘅相出嚟。但原來係有隻貓盲嘅所以成日痾污糟自己，豆沙套張相係有人影嚟通知老細貓又亂痾，老細喺wts grp講即刻返嚟處理。不過有員工會自發幫佢執（事後又唔妥攞返出嚟講）
7. 要員工洗廁所
正當個個聽片面之詞以為員工都要負責洗廁所，原來其實只係一次意外，爆料人稱冇佢份，但聽聞洗廁所班人當時齊心協力洗完（包埋老細），其中一個返到屋企問人先意識到唔妥去投訴，老細最後話一早講唔會逼你 放心唔會再咁
8. 寫信去新公司話佢唔認真工作
帶咗成晚風向，到有人問老細點知你新工contact，爆料人先講其實係新公司主動做既ref check，仲要有佢既授權，老細只係跟住張form tick。爆料人被揭穿先話sorry講得唔清唔楚，要中止炒車
9. 情緒勒索
老細叫新同事一齊玩狼人殺，問新同事咁靜嘅，爆料人認為老細情緒勒索人陪佢玩。
老細話想同大家做朋友，爆料人話老細情緒勒索人同佢做fd。
老細出post請人返嚟清潔，話點都總會有人入嚟做嘅，爆料人話老細情緒勒索人in嚟做清潔。
10. 屈佢del咗公司文件
爆料人初初堅稱冇del，到老細話有log睇到del咗，爆料人改口話有del，不過當初份嘢佢自己整嚟方便大家睇share喺google drive，所以佢覺得del咗冇問題（爆料人冇回應份doc係咪上班時間整）
11. 屈鳩佢背叛公司
原來爆料人一路又幫公司寫網頁，但又同時幫其他網店寫。佢堅持佢冇收錢幫fd寫所以冇問題
(後被踢爆有收人啲衫)。試過有次老細真係誤會錯佢，千字文認低威係咁講對唔住
12. 完全唔俾人搶演唱會飛、大聲講粗口同大聲播歌
後兩個俾粒膠算
，主要講頭一樣
原來一早開會有同大家講可以搶但要低調，hy自己搶飛po咗上story先俾人話又唔講
-
上面啲「原來」絕大部份係老細講返大家先知，爆料人係完全講啲唔講啲，不停誇大嚟講搞到大家係咁炒車然後再聲稱自己只係語癌，mon po駁嘴好快，但一炒車就唔見人，出返嚟就話自己miss咗。仲要公開老細生活炒車照，肚腩相，老細條仔疑似玩交友app。有人dm爆料人稱老細條仔周圍send老細閃卡，爆料人公開「好心」咁提醒，叫有人如果有閃卡歡迎俾佢睇下係咪真有此事。
爆料人目前叫大家唔好起佢底驚會社會性死亡，但話自己整到老細柒咗同多咗follower其實都幾爽皮。
起到幾張，剩低之後再補
多數圖cap自班現職員工
