原來面對生離死別，情感真係可以咁複雜

其實都唔係第一次有親人死
但係突然地發生始終會帶嚟無限嘅震撼感
每樣情緒都湧緊上嚟
真係每一種情緒都有
我成個人亂到完全唔知應該處理邊樣好先
連起身刷牙都覺得好無力，好唔想做
食咩落口都好似有陣苦味
夜晚根本瞓唔到淨係諗到個死狀

究竟我可以點樣渡過呢個階段
喊已經喊唔出
我已經好努力但係我成個人已經唔能夠好正常咁運作

好想對任何嘢都唔再有任何感覺

媽媽，願你安息
對唔住，自我大個之後我冇講過我愛你或者攬吓你

努力做好自己 佢會見到 加油

生死本有命數 節衰 巴打

哀 自膠 對唔住

R.I.P.

如果覺得有遺憾就要更加堅強
之後去愛同珍惜仲係度嘅家人，媽媽都會睇到

加油 頂住

悲傷過後就要企番起身
活好自己就係送俾你媽咪最後既禮物
從今日起珍惜身邊人

其實本身全家都好疏離
就算今次就喪事去傾，永遠長輩都覺得自己乜都識
完全唔比我做決定

有時唔知點珍惜
老豆十年前走咗，而家突然出嚟話自己好內疚
點點點，要為喪禮出返分力
然後又話我冇人生經歷乜都唔識唔會搞到後事

聯絡返仲發現係藍到紅

rip
真係得時間先可以慢慢平復心情

一個星期多少少已經比屋企人催緊
問我點解唔開心咁耐

頂住
就算無講出口，媽媽會知道嘅

RIP

老母早幾年有cancer
但醫生話年紀大 都話佢支持到咁多年 已經好叻

前排佢係醫院檢查係病房攬住佢喊到仆街
但咩說話都講哂

成日講自己要接受
但屋企得返自己真係接受唔到

過來人...
計下佢份人壽, 同保險deal 都有排煩..
揀下樓上車,
總之比多d 野自己諗...
上樓一刻你會覺得一切都值得..加油!

佢乜都冇留底比我㗎
上樓都係靠自己⋯⋯

唔洗理佢地
自己既情感 自己知就得

係點接受呀
我頭一日冇喊因為我身邊嘅人都喊
但之後發生我連條屍都冇機會見到
死亡來得太突然

Rip
人生真係好苦，所以更加要好好保留甜嘅回憶

希望回憶可以寄到比我

只要佢仲係你心入面，佢就仲存在喺呢個世界

世界有太多東西發生 不要等到天上俯瞰