p牌買車問題

Fb marketplace睇中架2手車
3萬蚊到
話換左電同偈油 又7月係政府驗埋車
咁我係咪唔洗再上架或者搵ipmc個啲？
約完睇車ok就可以拎牌薄搞保費 定上架再驗多次穩陣啲？

政府驗車淨係驗安全, 架車有手尾跟都會過到政府

政府驗車好hea，好多暗病唔check
雖然話3皮野車價但唔好個一千幾百都驗下啦

換電換偈油有冇單先? 有單都未必信得過,冇單一律當9up

即係我出面再搵人驗多次好啲？

政府驗車係驗下啲基本野，例如車窗、安全帶、brake之類

而你去自己搵車房/驗車公司驗會睇埋有冇大撞過、漏油、散熱、電腦系統

同埋視乎你覺得呢個車價負擔程度，重既就俾多幾百驗埋佢。
3萬蚊冇乜所謂既就預左之後最壞情況total lost都唔會咁心痛

YYes

政府驗只係睇架車安唔安全

而出面驗係睇架車行得好唔好

上門驗車都主要係驗D大獲野，睇下有無水浸過或者大撞之類
到你買左車之後，都係要渣去車房睇多次，睇下仲有無野要執，換下消耗品

所以如果賣家肯渣去你既指定車房驗就當然最好，好過上門驗車
不過賣幾萬蚊車，賣家未必肯搞咁多野，或者會要求你落多D訂

如果話換左電，你自己可以打開車頭蓋睇下電池盒面有無寫到更換日期

搵個識車既睇下試下算啦
3萬蚊唔好搞咁多野
睇完車岩心水叫佢平幾千俾你第二日一齊去轉名啦
驗車都1000蚊
當你驗完唔要晒錢晒時間

搵個識車既人幫你去睇, 上架驗當然最好
但係我而家果部車果陣真係唔驗, 朋友幫手睇完直接俾訂就成交

無知一問，改包圍改turbo 個啲車， 驗車係咪要完全還原原裝先得🤔

如果唔上架，分分鐘揸1個禮拜就要畀多1、2萬維修費
上架有平有貴最多咪$1500
Hkmi ipmc果啲驗唔到太多，我都唔會搏
如果賣家唔肯上架，架車好大機會有問題，你咪睇多幾個盤囉
我自己就唔會慳上架費亦唔會搏
唔洗心急買

有鬼

唔識，真心一問

再講就，總之有鬼

呢個世界有鬼驗, 唔好信哂政府驗車
新手比千幾蚊上架睇睇, 好過比完錢又洗多一萬幾錢維修去交學費