打敗古天樂 謝君豪 林雪
金像獎男配馮皓揚 入讀TVB藝訓班
網民勸退學︰你咁樣同DSE狀元報ASSO有咩分別
#馮皓揚(羊羊)憑《#媽媽的神奇小子》飾演少年 #蘇樺偉，形神俱備的演繹，擊敗一眾前輩對手 #古天樂、#謝君豪、#林雪、#柯煒林，勇奪今屆金像獎「最佳男配角」。
正當外界關注這位只有17歲，前途冇可限量的年輕演員去向，昨晚他在TVB娛樂新聞台的報道出現，原來羊羊入讀今屆TVB藝員訓練班，是24位本地學員其中之一，今屆擔任校長是執導《十月圍城》的陳德森，而導師則是 #錢嘉樂，及雙料視帝 #袁偉豪。
由閃亮的金像獎男配，一個轉身變成TVB藝訓班學員，唔少網民都覺得浪費羊羊才華，紛紛在他社交平台留言勸退學！「唔好入TVB啦！你咁樣同DSE狀元報ASSO有咩分別」、「Drop out啦，拎咗獎仲讀咩藝員訓練班」、「快quit啦，你咁有潛質，唔好浪費時間」。
連專欄作家渾水都出po說︰「點睇金像獎男配角入TVB藝員訓練班？🤓：就好似一隻新嘅殼股炒高5倍，然後中微信女，突然之間一下跌9成」、「唔通今時今日嘅我，又會走返去做bank嘅intern咩？」唔少網民更覺得只有17歲的羊羊，已經好戲過兩位導師，「你教返袁偉豪做戲就差唔多。」、「想學戲，去讀演藝好過啦，你啲戲好過TBB班導師，點解電影都拍埋，走回頭路。」
當晚奪得男配角獎的羊羊，在台上一番感言，說得相當激動︰「要多謝爸爸媽媽，我好唔爭氣，但會用自己最大嘅努力，演好之後每個角色去報答家人，繼續謙虛做每個角色，做個出色嘅香港演員。」去年羊羊為專注演戲，選擇休學當全職演員。
羊羊小學時發現有語言問題，及後診斷患有輕度亞氏保加症、過度活躍及專注力不足症，不過程度輕微外人不易察覺。天資高的羊羊雖然難以專注，但他小學及中學均就讀沙田區傳統名校。喜歡演戲的羊羊，兒時曾在童星學校接受訓練，入TVB藝訓班前，去年曾參與大台劇《愛上我的衰神》演 #胡鴻鈞 少年版的「陳北河」一角。
#娛壹
佢邊估到自己7月17號拎到金像獎
跟住咁啱18號tvb開學
