有信心捱到4年教育嘅就恭喜你先
之後你就要諗
點樣用4年嘅數學知識
幫自己搵工或者搵 post-graduate offer
先講搵工
純數人唔駛諗 嗰啲唔會俾hr當係人咁睇
讀機器學習或者程式算法相關嘅
「電腦科學」/「計算機工程」a.k.a. computer science呢科嘅人會俾你更有say
佢寫程式多過你 種類雜過你
個 github page 晨早整靚咗 profolio
分分鐘諗緊下個 side project 要做乜
然後你盲中中去同人爭
就算搵到都可能係辛苦工 俾人壓價嗰隻仲要係
讀統計/金融數學嘅同樣面臨商科人嘅挑戰
人地砌presentation當食生菜
又識用excel寫啲數學系冇教嘅 vba 腳本
更莫講商科學院好識推自己學生搵見習職位砌靚履歷
但數學系冇 唔駛諗個系真係冇
某程度上嚟講 用數學系畢業生個名去撈呢範
真係同喺鱷魚潭爭肉食冇分別
當然你可以揀做阿sir / miss
做份狗都唔屌嘅教職真係冇人阻到你
再嚟講搵 grad school offer
再一次 你會俾嗰批渣着first hon嘅 NDS 屠
上文講過 呢度唔再詳細講
聽吓數學系教授或者助導啲口音就知咩事
好彩俾你做到數學研究
又變做另一個輪迴嘅開始
你真係分分鐘對着個研究課題十年八載
然後r爛腳寫教科書咁寫本thesis出去俾教授屌
屌完唔啱再嚟過
年中一堆研究生真係會頂唔順走人
所以你見到有時教授身邊啲助導
每三兩年換一批就係咁解
所以我先話 畢業之後發生咩事 完全睇際遇同運氣
