身邊真係排骨仔同埋大肥仔都出到pool
又唔靚仔又冇錢又矮 真毒黎
俾十幾廿個女仔拒絕之後都繼續努力
又真係比佢哋出到pool
女朋友仲要係好女仔唔係港女
不過佢哋前前後後都努力咗好多年
當然有好多女人都死港女
但係撫心自問有冇真係極度想出Pool嘅決心先
如果做盡都冇咁就冇得講
但我真係見自己身邊好多人連開始都唔開始就已經放棄
有個朋友就三十歲a0正常樣
成日呻冇女朋友叫人介紹
真係介紹俾佢又話個女仔個樣唔OK（普通樣）
叫佢哋單獨食飯又話尷尬
咁好啦話叫幾個人出嚟食餐飯冇咁尷
食飯個時係咁撳電話
又唔同人哋講嘢
成餐飯就係食野又或者撳電話
主動幫佢哋講啲大家common嘅話題
又話個女仔唔主動同佢傾偈
肯定對佢冇興趣
但如果個女仔真係好鍾意佢佢都唔係唔可以再食多次飯
叫佢玩app就話啲女係倫敦金傳銷
死都唔玩就話所有女都係港女死臭雞
好人好姐唔會玩app
公司識到個OK正常女仔又話自己唔會俾人睇得上
一定唔會揀佢
叫佢約人食飯完全唔肯驚俾人拒絕
明明個女仔都有晒暗示肯交換電話
有一日見到人哋帶咗隻戒指喺手就話人哋有男朋友
畀大大個藉口自己問都唔問
最後就自己一個人勁唔開心同成班朋友講自己點樣俾人玩弄
俾我哋睇個WhatsApp對話加埋都冇10句
講緊交換電話成個月
講真嗰句邊一個會天生識得溝仔溝女
個個都撞過板黎啦
除非天生靚仔靚女到神級
大把人都柒過喺感情路上
真係享受單身生活冇問題
想要拍拖又冇努力過（講梗係用盡所有方法）
淨係識怨完真係好難頂
有冇諗過點解矮仔MK仔肥都可以拖住條女
可能只係好簡單就係佢肯去溝一百條女
面皮夠厚總有個中
。
