tvb史上最高收視10大電視劇

吉邨春袋子

427 回覆

37 Like 324 Dislike

吉邨春袋子 2022-07-17 18:16:28

我知道好多連登仔唔好鍾意cctvb,我都一樣

但係細個唔睇cctvb真係無野睇,睇下呢10套係咪你地心水
同埋以前既cctvb係好睇好多

第十位：巨人由萬梓良、陳玉蓮、陳法蓉、張衛健等人主演嘅《巨人》喺1992年播出，平均收視為36點。故事背景係以80年代嘅百貨業為主，講述兩個家庭之間嘅恩怨情仇，亦即係大家俗稱嘅「爭產劇」。

吉邨春袋子 2022-07-17 18:18:22

9.第九位：刑事偵緝檔案III

《刑事偵緝檔案III》於1997年播出，係由陶大宇、郭可盈、梁榮忠及鍾麗淇主演嘅懸疑劇，平均收視達36點。劇情主要圍繞偵查幾宗個案，講述警察們與嫌疑人嘅故事。

吉邨春袋子 2022-07-17 18:20:16

第八位：西遊記 1996年播出嘅《西遊記》改編自同名嘅中國四大名著，由張衛健、江華、黎耀祥等人主演，平均收視係36點。當年台慶劇《新上海灘》備受重視，唔少人都似乎唔太睇好呢套劇，不過最終呢套劇成為該年度收視最高劇集！

呢套當年hit到爆炸
捧紅左張衛健同江華
yo洗乜驚當時人人都識講

吉邨春袋子 2022-07-17 18:22:04

7.第七位：大鬧廣昌隆
由林家棟、周海媚主演嘅《大鬧廣昌隆》喺1997年播放，平均收視為36點，最高收視達45點，成為當年嘅黑馬！電視劇嘅熱潮亦令林家棟躍升為一線男星，而周海媚就人氣攀升

呢套野我印象中無咩睇野,鬼怪野

吉邨春袋子 2022-07-17 18:23:38

第六位：陀槍師姐II 《陀槍師姐II》喺2000年播放，由歐陽震華、關詠荷、魏駿傑、滕麗名等主演，平均收視係36點，最高收視達47點！而主角之一嘅歐陽震華亦因此被稱為「收視福星」明，佢有份出演嘅17套劇集收視都成功衝破30點，佳績暫時尚未有演員突破到。

當年既滕麗名,關詠荷仲係好好j

吉邨春袋子 2022-07-17 18:25:25

5.第五位：十月初五的月光

2000年播出嘅《十月初五的月光》由張智霖、佘詩曼領銜主演，平均收視36點！當中張智霖所飾演嘅「初哥哥」成為經典角色，劇集仲獲得「亞太電視大獎最佳連續劇獎」！其後二人喺2015年拍攝電影版《十月初五的月光》係電視劇嘅續集版本，係佢哋事隔12年再度合作。

呢個唔洗問啦,應該有咁上下既年齡既連登仔都有睇過
初哥哥

吉邨春袋子 2022-07-17 18:26:25

4.第四位：宮心計
古裝劇《宮心計》喺2009年播出，由佘詩曼、楊怡、陳豪及鄭嘉穎領銜主演，講述喺宮廷中嘅一連串勾心鬥角嘅劇情。劇集平均收視為36點，最高收視就有50點，亦係當年嘅台慶劇！

呢套又係唔洗講

睫角守宮 2022-07-17 18:28:09

低B仔 can cool仔

吉邨春袋子 2022-07-17 18:28:10

3,第三位：溏心風暴之家好月圓

由陳豪、林峯、黃宗澤、李司棋、夏雨等主演嘅《溏心風暴之家好月圓》聚集咗唔少好戲之人出演，喺2008年播出，平均收視係36點，最高收視係50點！而劇集仲成功橫掃當年《萬千星輝頒獎典禮》嘅多個獎項：「最佳劇集」、「最佳男主角」夏雨、「最佳女主角」米雪、「我最喜愛的電視女角色」李司棋。