本身好中意飲湯,但由於D新鮮野越嚟越貴,加上收入又少咗好多,覺得成百幾蚊煲個湯真係好奢侈。
所以近月試下用急凍肉煲湯。
圖為兩塊急凍雞柳「蒸」既湯。
事實上,可能近年D新鮮野質素差左好多,個人覺得兩者用來煲湯,味道係近乎無分別。 營養就冇乜研究,但價錢差距係1比3。
半個月以來,感覺有以下分別
豬骨豬肉,新鮮會好少少,但價錢差大,視乎要求。
雞,可以話你聽,係冇分別。
牛,真係睇邊部分,但牛本身急凍都唔平,而且我習慣係煲牛骨湯,急凍唔會有,所以都會買新鮮。
而有一點係,急凍肉通常都係預你用來食,肉質會較好,習慣食湯渣(好似我咁),呢點都係考慮因素。
最後,因為窮,無辦法。