在線解答養貓新手問題(5)

我瞓係床/梳化個陣佢爬上嚟個陣聞到

我果隻仔
無味
會唔會係肛門腺？

但我個隻貓女先5個月大，咁快就要幫佢排毒？

排毒？排咩毒
定你講驅蟲？

咁會唔會係整濕左屎忽隔離啲毛
乾左有陣味

唔好意思 我指肛門線，我上網睇d人幫d貓清潔個肛門線整到射d屎液出嚟咁

我都有諗過係咁，不過我幫佢抆屎個陣都睇過應該無

我兩隻女哄得埋個patpat都有少少屎味
唔係惡臭既話我覺得係正常既
平時除非有屎跡，如果唔係都無特別幫佢地抹

收到 今朝起身陣味又少咗好多

頭一兩日唔食唔痾都正常，可以比有安全感既環境佢冷靜下先
有機會係有人喺到所以驚唔敢食，夜晚夜闌人靜又餓個時就會自己走去食架啦
祝bb健康呀

貓仔5個月大係咪準備換牙？ 個口真係幾撚臭

今日係接貓貓嘅第三日
第一日接佢返嚟嗰陣時佢好活躍，我無困佢喺籠，佢通屋咁跑而且都好親我，我以為佢已經適應啦

到第二日朝早佢就瞓咗喺貓架其中一個箱入邊
一瞓就瞓咗全日係講緊24小時嗰種
期間唔飲唔食唔痾，有幾次我忍唔住拍拍叫醒佢俾野佢食
佢都好似有食但係食得少少
我又出去買咗啲幼貓罐頭，開嚟俾佢食，佢好似食咗三份一到，跟住唔食又瞓返，但係瞓覺嗰陣時就有煲水聲

到夜晚我忍唔住捉咗佢落嚟地下，跟住佢就開始喵喵叫，好似想上返個架
我見佢成日冇屙我就擺咗佢喺沙盤度，冇幾耐佢又屙咗尿，未見有屎

到今日第三日朝早，我起身去廁所行過個貓架，我睇一睇佢佢又叫幾聲，我餵咗啲濕糧加少少白開水俾佢，佢食咗一個匙羹仔到嘅份量跟住又唔食，依家又瞓返

我係養貓新手，都知呢啲可能係應激反應，要俾啲時間佢適應，但係佢再唔飲唔食唔屙嘅話我應該點做？同埋點樣判斷貓貓係病咗定係抑或真係需要瞓咁多覺？

同埋有冇巴絲遇過呢種情況
第一日一切如常，到第二日先開始出現驚嘅反應？
前主人話可能因為佢以前同佢啲兄弟姊妹同埋其他貓貓一齊生活，第一日嘅時候佢應該未清楚發生咩事，到第二日先發現身邊冇晒啲兄弟姊妹
你哋覺得有冇可能係咁？

你係餵緊急凍生肉定凍乾生肉糧？凍乾有無推介
已經買過幾款凍乾，隻衰貓都唔肯食罐又唔鍾意

你有無比籠佢？試下用布蓋住個籠，比個安靜同暗既環境佢休息，正常佢知無人理佢就會訓教或者做自己野
如果猛咁嗌有機會想出嚟玩，或者搵人陪
可以試下陪佢玩睇下佢咩反應，如果佢驚就繼續比佢冷靜下，如果願意玩就可以同佢放下電

如果真係訓咁多又唔願郁既話，有機會身體唔舒服，去睇個醫生穩陣
可以摸下佢耳仔睇下熱唔熱，如果熱就有機會發燒

我覺得你試下搵個籠先
用深色布遮住
我2隻主子其中細膽嗰隻初初都唔鍾意比人望住食同屙
隔住布聽到食緊糧
一開布即刻停
永遠睇唔到佢幾時屙左

真如果真係驚既話困籠好幫到手，比到好多安全感佢
我隻細貓頭兩日都係咁，完全唔知佢幾時痾左
好彩好快適應到，而家好為食好貪玩

我隻貓之前都係食凍乾，肯食k9, Stella , ziwi , purpose , ve，但係primal , 汪喵就唔肯食 宜家索性轉食生肉

你有冇諗過餵生肉？計返條數其實兩樣差唔多價錢，但食凍乾其實吸收嘅水又冇生肉咁多