居屋2022 (17) 等揀樓

請問以往房署大概會喺揀樓前幾耐正式公告開始日期？

綠置幾時攪珠

第四季
可能11, 12月

一月公佈

預計「綠置居2022」將在二○二二年第三季至第四季起接受申請，第四季進行攪珠，並於二○二二年底或二○二三年初開始邀請合資格申請者選樓。

https://www.info.gov.hk/gia/general/202201/06/P2022010600686.htm

所以今期好多變數，以前嘅居屋數據唔準

有朋友住個頭
佢話唔好以為東涌東站開左，會好近
其實都遠，仲要無遮掩

兩頭唔到岸

係 好多人以為三房就狗衝之前有個介紹居屋既YouTuber 都有講 ，試行去新站位置 ，行到一半太辛苦太曬，頂唔順走左 而且買野貴 ，交通貴 ，時間成本高，後生要番工 都幾攰😂

Btw,d 負評我個d 人，祝你成功買到東涌住得開開心心

啱，最緊要睇自己需要，要考慮好多嘢

三球三房兩廁接近600尺，仲要望海景，仲要現樓即買即住，一步到位。
真係有自住需要咁都唔鳩沖？
定其實你想擾敵係咪？

其實睇價錢就知
安達臣表面缺點一大堆，冇乜機會有鐵路站，賣6千幾蚊尺
東涌表面上唔錯，地鐵站又起緊，只係5千幾蚊尺，唔通真係多單位，賤賣益街坊咩...

個人意見係有老人家，有工人或家人照顧，陪佢出市區覆診，或買餸，住東涌三房兩廁係幾好，地方大，周邊環境又幾好
但如果後生要返工，請假唔方便，要兩老篤柺杖搭巴士成粒鐘出市區，或者上上落落轉地鐵再出去，隨時想搵廁所都搞唔掂，就算你比幾百蚊叫佢哋搭的士出去，老人家都會走去搭兩蚊車等你放工返嚟又呻出去覆診拎藥，行到腳痛

反而安達臣搭的士出入平d

認真, 如果今年市區有 3房2廁, 個價起碼貴成倍啦, 大家都是將價就貨姐, 個定價已定反映優缺點, 睇你接唔接受到

如果裕雅苑3房賣5百萬以上唔知仲多唔多人買

5百萬就完全唔同講法啦

認真表達自己睇法就話擾敵
犧牲生活質地素 換大D 真係不了
你自己幻想下每日來回兩個鐘 諗係都


咁鐘意大 咁鐘意海景 其實應該住長洲 離島

梅窩銀河苑唔錯
2018年入伙，可以做925
未補呎價6千幾，買唔到裕雅苑又想遠離市區可以諗諗

隱居

每日來回兩個鐘算好幸福
你諗下大西北啲私樓樓主
點都好 東涌唔會係首選 除非想要佢個3房2廁

呢樣野真係值得討論，但講第日樓價升值會唔會反而係山麗好點

分享下，真係實地去睇清楚個地方，要睇既除左係座向，最緊要睇埋黎緊果個屋苑左近有咩工程項目發展，例如樓下有冇用途車位比吸屎車用或上落貨車用，其實什麼東南樓真係為樓價日後可以叫高小小only，比如啟朗之前個個買東南位，點知下面原來起哂球場同公園，日日下面d拍波聲真係嘈爆你，就算你高層。

唔好係YouTube睇，自己親自落去睇，假如你個number大約可以選到呢堆單位，你就現場代入當自己住係到去搵d問題出嚟，最後因應自己個組別號碼選定好幾個單位既先後次序，去到選樓果刻萬一比對上幾個人選左你間屋，你即場要有第二方案甚至第三方案，呢d都係事前諗定

另外唔好忘記d邊邊單位係有側窗，當你一樣係380尺，有側窗的話你用磚牆間左2房之後都不至於黑廳，如果唔係就要整玻璃門間房，但亦都要小心側邊窗出面到時會對住d咩

重要考慮下生活配套

果邊番工唔係塞爆？

好多人眼中， 只有買左賺硬。 最少賺幾百萬。
啟德搞到好似大型迷宮， 全都係高牆，自己圍住自己