[四月懸疑新番] 夏日時光 (2)

好鍾意呢首歌，睇埋佢歌詞更加有feel

其實想知一開始男主角隻眼唔同咗啲人唔會覺得好奇怪嘅咩

神劇

應該一般人睇唔出 只有影 hine 4手 同自己先睇到

呢兩日放假一次過睇哂 好正
好耐冇試過睇完一集想再睇下一集既感覺

而家去睇返漫畫
慎平第一次係夏祭見到著浴衣既潮,然後一直追到去海邊
呢個潮係邊個黎,定係單純係幻覺

隨住潮聲

想sad end只除咗最後2個loop 其他loop 睇完唔再睇落去就可以

用咗3日睇曬,真係好精彩
想問,影澪話起初要對付澪,至少令佢訓醫院,之後忘記咗要做啲咩,而且又唔係母親嘅命令。睇完曬,但係未諗到點解。
如果話影澪想取代澪同慎平相處,咁頭幾集影澪點解會殺慎平兩次?佢係咪因為被慎平發現係影先要殺佢?如果無被發現,就暫時扮澪同慎平相處?

影取代本體係本能，如果冇母親指令優先，正常會照基本程序：取代本體、產生家人的影子、幫佢哋取代相應的家人。開頭殺慎平兩次應該係因為慎平的影子係葬禮已經誕生，殺咗佢就可以完成「取代本體」任務。

高質
原來漫畫無ただいま呢句

漫畫番外影子審訊

呢個思路都好正常,比如兩個一樣嘅人,記憶上一個無經歷戰爭,一個有,兩者係性格同處事上都會唔同。
咁問題變成,有唔同記憶嘅人,仲算唔算係一樣嘅人?
若將人定為3個元素,容器(外表+肉體),記憶,行為
容器上無分別,而記憶同行為都係唔同。
咁我嘅答案係,已經唔係一樣嘅人。有唔同嘅經歷+記憶,令你同我有所不同。

點解disney+得21集

Disney+遲日本幾周更新，日本一早播完晒

Disney+唔係網上獨佔咩,點解會咁慢

各地版權既野..

晒咗套佳作

好好睇 即刻想去和歌山

最後四手點解要滅世？唔係等蛭子食夠人恢復返體力後就可以繼續扑野生自己咩，係咪要重睇

四手目的係想永生
應該唔係去蛭子世界果隻永生
係想係人類世界永生

但波稻想祭典回完體就帶全部影子番蛭子世界
所以中間講過 波稻同四手目的唔同

蛭子我理解為流落異星既高次元外星人
一路都只係想回夠體就番屋企
所以都無亂殺其他人 只係食死屍
龍之介既死應該真係餓到就死忍唔住出手
所以後悔到分裂左另外一個人格出黎
變左比四手利用

四手就一路都想利用蛭子去永續自己生命
但波稻只係想回夠體就離開地球
所以本身佢都講祭典就係終結
(如果無慎平 應該會尾刀蛭子終結世界)
四手24集都有講
既然睇唔到世界終結
就終結世界


點解唔再等蛭子食人回體
我理解為
蛭子變波稻(善良)
波稻(善良)食龍之介後分裂左
波稻(詩織) + 右眼(潮)

係最尾 潮 一拳打 波稻(詩織)果陣
蛭子以經合二為一番(潮意識)
剩低既波稻(詩織)以經無曬能力
所以四手都知無得救
要殺潮先可以達到終結世界既願望

利申動畫黨，我理解係蛭子同波稻已經分裂成兩樣嘢，四手只要喂飽蛭子佢就已經可以返故鄉，蛭子只要得閒返嚟同四手扑嘢就得（加上動畫只係一個窿可以隨時連接？），兩件事好似冇衝突而且蛭子（故且咁叫）唔同普通影，波稻個人格只係佢copy出嚟，應該唔會影響到蛭子本體？之前波稻後悔到爆眼係因為本體意識一直沉睡用緊波稻mode，分裂咗出嚟之後冇理由會再俾自己copy出嚟嘅意識影響到自己㗎喎，話曬都係高等外星生物

sor for 1999，btw 呢part其實唔重要，只係我自己諗唔通

我都係動畫黨
四手真身雁切真砂人一路靠蛭子吊住條命(3百幾年)
唔係完美轉移去分身到
堆分身人偶咁
係真身好似打機咁控住個人偶活動
所以殺左堆人偶copy 唔到任何記憶/資料
如果蛭子一走
佢真身應該會即死

我都無諗過蛭子本體既意識
但睇詩織同四手對話
都係四手比意見多
詩織都係想典祭回夠體走人
我傾向蛭子本體意識都只係想番故鄉
可能人類世界對佢太恐怖
(佢記憶應該經歷過一戰二戰)

但我認為蛭子最尾都係無消失
影子潮最尾已經係蛭子(潮意識)
一黎佢可以係時間穿梭入面消滅隻鯨魚
(影子消滅本體後自己就唔會消失)
二黎佢送到慎平係第二個無影子既世界

其實係慎平未返嚟搞事之前咁多年
基本上波稻/蛭子都係冇壓力進食(冇人阻住晒)
但佢嘅力量明顯係衰退緊
連離開洞穴都開始要靠分身
有提過可能係長年累月資料缺失的影響
就好似一架漏油嘅車咁，食極都補唔返
唯有係常夜，時間唔流動
咁資料就應該會維持原狀

所以波稻的諗法係，食返次祭典放題，一口氣收集力量就走，走咗之後真係仲會返嚟同四手玩交配？雖然望落常夜同現世只係隔個窿，但個窿係切開蛭子先打開。蛭子走咗唔一定開到，假設就算蛭子有心同四手玩交配，常夜入面冇時間觀念，點樣係四手需要的時候返嚟？

所以四手好明白，依家點餵佢都返唔到去永續交配，蛭子走咗可能就唔會返嚟。四手的願望應該係以人的肉體永生，否則佢一早已經變咗影子。但肉體係常夜會崩壞，而且佢自己應該係想留係現世生活(始終仲要打FF7remake)。兩個人目標完全唔同，咁就唯有扮幫手搞放題，等佢食飽就支配佢。

我係咁諗

啱啱睇完未發生的事故物件
最後既真相有啲直接同簡單