(重post)《天使與光之劍》 一次困𨋢，使一個學生妹莫名奇妙地被傳送到異世界 (奇幻/穿越)

「不過你頭先講有結界保護？但點解別西卜佢可以入嚟襲擊我哋嘅？」

「因為佢用魔族嘅力量強行穿過結界。」

「原來係咁，唔怪之得佢比之前遇到嘅魔獸難應付啦。」諾晴有點恍然大悟地分析著。

「所以，希望你可以拎起紹利亞之劍啊！」奧斯拉仍然不放棄向諾晴請求道。

「但我始終......」

「求吓你啦，因為呢個世界嘅惡魔族又開始肆虐，所以我希望你可以拎起呢把紹利亞之劍，幫手對抗佢哋，保護呢個世界。」

「我點得啊......我自己嘅地方都未保護得到呀，仲邊有能力去幫手守護你哋呢個世界啊？我只會害死你哋世界㗎咋！」

諾晴自貶著自己沒有保護這個世界的能力，同時悲觀地認為自己只會拖後腿。

始終，突然被人要求要幫手保護世界的責任，對於一個只有十五歲的學生妹來說是相當沈重的，加上她現時仍然一心目的只不過是想找辦法回去香港而已，所以她並不太想和這個世界扯上太多關係。

「雖然我唔知你以前發生過咩嘢事，但如果你唔試過嘅話又點知唔得呢？」

奧斯拉對於諾晴的自眨和憂慮產生了疑問。

「你又講得啱嘅……」諾晴頓時表示沒法反駁。

「咁你想唔想救你同伴？想唔想複活先？你唔通真係忍心由得你嗰兩個同伴因為魔族嘅詛咒白白死去呀？」

「同伴？係喎！頭先我就係為咗救安薩斯同伊娃先會不顧一切咁一個人同別西卜戰鬥㗎！」

諾晴開始想起伊娃和安薩斯的事情。

「所以你？」

「我決定咗啦，我要用呢把紹利亞之劍，成為紹利亞之劍嘅劍主，去救返同保護返我嘅同伴。」

諾晴帶著堅決的眼神說出了決定，看來是被奧斯拉成功說服了。

「咁好啦……我會先幫你複活，之後開始以紹利斯之名和你建立劍主契約。」

在說完後，奧斯拉就開始合著雙眼作咏唱，同時諾晴也見到周遭的虛無景色開始崩塌，看來諾晴的意識和靈魂開始返回現實中……

第26章: 帶有如晨曦光芒的劍
在經過了一陣子，諾晴回神過來後，發現了自己躺在環境陰暗，一個湖的湖底，看來應該是地底湖的湖底，即是諾晴的意識已返回了現實。

同時，雖然是在湖底，但諾睛完全沒有浸在水中的感覺......

「咦？我被魔劍刺中的傷口竟然消失，而桔爛咗嘅衫局然補埋！甚至連血跡都消失吖......」

諾晴亦順便望一望自己的身體，並非常驚訝地說著。

「你好啊，我哋又再見面啦，嗄......總算將你複活成功啦......」

接著，奧斯拉再次出現在諾晴面對，並放下心球大石般對已返回現實中的諾晴作打招呼。

「奧斯拉.......點解我完全冇浸水嘅感覺嘅？而且我可以喺到呼吸，我唔係喺水裡面嘅咩？」

「我用魔法建立咗個防護罩，用嚟分隔啲水，之後再複活返你㗎，順便將你嘅致命傷都治療好。」

奧斯拉解釋著她自己剛才所作的事。

「原來係咁……你真係好叻嘅精靈啊。」諾晴稱讚著奧斯拉的能幹。

「好啦，宜家先同你建立劍主契約，令你可以成為紹利亞之劍嘅劍主，使用佢嘅力量對抗魔族嚟保護你嘅同伴。」

「明白！」

「吾以太陽女神──紹萊斯之名，與汝建立劍主契約......」

就在奧斯拉開始唸出一些應是用作建立劍主契約的語句的同時，突然間有一把全新，在劍柄近劍環的地方鑲有一粒寶石的護手刺劍出現在奧斯拉和諾晴之間，這亦當堂令諾晴嚇了一跳。

與此同時，在太陽之湖的湖邊......

「諾晴......你有冇事啊？」

伊娃嘗試抬著頭望住湖水飄散的血跡，流住眼淚說道。

「應吓我啦！」

「頭先俾我把魔劍咁插入去，加上流咁多血，我諗你講嘅諾晴應該都實死冇生㗎啦。」

別西卜非常得威地說道。

「你個殺人兇手！」

伊娃對別西卜怒吼定著，同時嘗試在全身乏力的情況下，強行再度站起來。

別西卜見伊娃的表情如此憤怒時，卻是選擇使用一些的方法令其““冷靜””。

「啪！」

在別西卜一下的彈指聲後，突然間一陣紫色的電流在伊娃及安薩斯身上出現......

「吖......吖呀！」

伊娃及安薩斯就像觸了電一樣，被這些紫色的電流電得麻醉及痛到尖叫著。

最後，伊娃及安薩斯亦因全身麻醉而只好繼續被迫躺著，連再次拿起武器戰鬥也不能。

「啲噪音真係煩啊！」

「諾晴......你唔好嚇我啊......」伊娃流著眼淚說著。

「死得好慘啊......諾晴......我真係冇用啊！連保護自己同伴都做唔到！」

此時，安薩斯在心裡已對諾晴的生死打定了輸數，同時亦自責著自己沒有保護到諾晴。

「仲有啊，你哋做乜話我““殺人兇手””啊？明明係““天使之女””佢自己無喇喇拎住把劍沖過嚟，我都係自衛先用魔劍稍為攻擊佢咋喎，佢乖乖地投降跟我走就唔會咁啦。」

別西卜以挑釁的語氣對安薩斯和伊娃說道。

「你......我唔會放過你㗎！」安薩斯繼續吳咬牙切齒地說道。

「你去死啦殺人兇手！為咗你嘅咩嘢巴力大人居然要咁樣殺死諾晴！」伊娃亦加入咒罵。

「收聲啊！」

別西卜說著的同時，亦再次打起了彈指......

「吖......吖......吖呀！」

安薩斯和伊娃再次被剛才的紫色電流所電著，而這次的力度比起上一次更大，使他們發出痛苦而悽慘的叫聲。

「還番......諾晴......俾我......」

雖然全身非常痛苦及麻醉著，但安薩斯仍鍥而不捨地說著。

「你真係煩啊！好......就先直接殺咗你先啦！」

接著，感到不耐煩的別西卜亦再次變出曾經將諾晴弄得重傷並奄奄一息的魔劍，並慢慢地行到安薩斯的面前，看來是準備先對安薩斯下手。

「安薩斯！」

伊娃對於此種情況，亦只能無能為力地叫道。

「諾晴......艾莉......睇嚟我好快可以過嚟陪你哋啦......」

安薩斯在見自己應是難逃一死時，帶有點安祥的語氣說道。

同時，安薩斯卻提及了另一個女性的名字，看來她與過去的安薩斯是有點不為人知的事......

然而，就在此時，太陽之湖突然發出了一陣黃色的光芒，使湖上的血跡被這陣黃色的光芒所覆蓋......

同時，突然出現了一聲響亮的水聲，這亦引起了在場所有人的注意。

「個湖係？唔通......」伊娃對此疑惑著。

之後，有一束光球從湖中出來，在光球消失後，有一個拿著一把全新的護手刺劍，伊娃和安薩斯所熟悉的少女重新出現在面前，而這少女就是剛剛被別西卜打至重傷並墮入湖中的諾晴。

同時，諾晴手握著的刺劍，在劍柄近劍環的地方鑲有一粒寶石，同時劍尖亦發出了如晨曦般的光

「你......居然冇死？」

別西卜見到諾晴居然重新活生生般出現在眼前時，感到有些目瞪口呆地說著。

「諾晴......真係你啊？」

伊娃這一刻亦不敢相信著自己的雙眼，因為本以為已經死掉的諾晴，居然活生生地再次出現在她面前。

「咦......真係諾晴......佢冇事啊！」安薩斯亦說著。

「你冇睇錯啊伊娃......安薩斯......我返嚟啦......我決定要保護你哋同救返你哋！」

「試吓先用紹利亞之劍進行刺擊，宜家你嘅速度同力量同之前提升咗唔少㗎啦。」

奧斯拉附身在劍內，並以劍上寶石發出閃光的方式來和諾晴對話。

「嗯......知道啦奧斯拉！」

「仲有啊，頭先我使用魔法嚟出光球幫你上返水，你要多謝返我啊！」

「明白......奧斯拉，多謝哂你啊！」

之後，諾晴亦再次將注意力回到別西卜身上......

「別西卜！我而家要打低你！用我手上呢把紹利亞之劍嘅力量......」

在諾晴對別西卜聲言要打敗她之後，諾晴亦立即手握著這名為紹利亞之劍，以極快的速度衝向別西卜，而別西卜亦因而被迫迎戰，把眼睛變回複眼狀態......

然而，諾晴在紹利亞之劍的力量下，速度比起之前提升不少，加上劍尖所發出的光亦干擾了別西卜的複眼，因而使其未能看清楚其動作，於是只能臨急地用魔劍擋住諾晴的攻擊。

在相抗的期間，諾晴的光屬性魔力和別西卜的暗屬性魔力亦在劍與劍之間相撞著。

然而，別西卜對於諾晴現時的力量居然開始逐漸地難以招架......

「你區區一個半人半神嘅力量居然......」

在與諾晴以劍對劍進行抗力的時候，別西卜對諾晴的力量居然可以令其難以招架感到非常震驚和不忿。

「你收聲！」

接著，別西卜和諾晴亦因為雙方之間相抗時所使用的魔力太過激烈的關係，雙方最後亦被所產生的反作用力各自彈開。

在被彈開並再迅速地調整姿勢後，諾晴亦立即事不宜遲，把已充滿了光魔力的劍再衝向別西卜，以對其使用突刺擊。

「烈光突刺！」

諾晴以極快的速度嘗試對別西卜使用突刺，但這次卻被其躲開了……

「佢喺七點鐘方向！」

附身在劍中的奧斯拉在別西卜躲開攻擊的一刻突然提示著。

原來，別西卜在躲開諾晴突刺的同時，亦以其迅雷不及掩耳的速度，繞到諾晴的背後進行突襲，但卻遭到附身在諾晴劍中的奧斯拉所察覺。

在諾晴依照奧斯拉的提示轉身後，果然發現了別西卜正在從後使用魔劍劈斬著諾晴。

「想偷襲我！」

諾晴在別西卜舉起魔劍的一刻時，直接使用還留著大量光魔力的刺劍，直接快狠準地刺中了別西卜的複部……

「吖呀！」

在別西卜的一聲慘叫下，別西卜亦被刺擊的力度擊飛了好幾米並狠狼地摔到地上，同時亦流了不血。

同時，雖然她身邊的烏蠅亦有嘗試集體以其身軀減底諾晴對牠們主人的傷害，但效果近乎其微，牠們亦因受到了猛烈的光屬性魔力攻擊而當場死亡。

「激氣啊......」

別西卜被光屬性的魔力直接擊中，受到了很大的傷害。

「因為你光屬性嘅魔力本身就勊制到別西卜佢嘅暗屬性，加上我嘅力量又可以勊制到魔族，所以喺雙重勊制嘅情況下，受到嘅傷害都幾可觀㗎。」

附身在紹利亞之劍中的奧斯拉突然對諾晴說明著。

「原來係咁，即係宜家我係佔盡優勢啦！」諾晴興奮地說著。

「冇錯！」

「既然係咁嘅話，就乘勝追擊啦！」

接著，別西卜亦可以勉強地再站起來並再次拿住自己的魔劍，同時諾晴也開始把自身的光屬性魔力注入並集中在劍上，同時這把劍亦開始收集從洞頂照射入的陽光來增強其能量。

「係喎，其實紹利亞之劍可以喺吸收到太陽光線嘅情況下，喺短時間增強威力㗎，所以日頭戶外有太陽嘅時候使用嘅話，力量會更上一層樓㗎。」

奧斯拉對此另外說明著。

「刺劍光束！」

諾晴使用了增強了威力的刺劍光束，直接射向剛剛再次站立起來的別西卜......

然而，別西卜雖然嘗試拍翼飛起來避開這發的光束，但因為受重傷而速度減慢的關係，仍然被擊中了其中一隻腳......

「吖......」

別西卜被光束射中其腿部後，卻仍然強忍住痛楚握著魔劍飛向諾晴......

「竟然......」

諾晴對於別西卜這樣的行為有些感到出乎意料的，但仍然鎮靜地選擇先用劍格檔著別西卜迎面而來揮斬的魔劍。

「噹啷！」

在諾晴格檔著魔劍的一刻，亦發出了響亮的碰撞聲。

然而，雙方的力量卻是不相伯仲，儘管別西卜受了重傷。

「我估唔到我堂堂烏蠅女王會俾你呢啲死靚妹搞到咁狼狽呀吓！」

別西卜在和諾晴格劍對抗的期間，仍保有一點尊嚴般說著。

「因為我係紹利亞之劍嘅劍主......所以我要打倒你呢啲傷害人嘅惡魔！」諾晴亦不甘示弱地回應。

「睇吓點！」

然而，在僵持了一會後，別西卜亦因為之前受到了不少傷害的關係，力量亦有所下降，於是她的劈斬亦被諾晴的劍所擊退......

同時，諾晴亦找緊了別西卜鬆手時的空隙，對於別西卜的腹部使用了威力不大的斬擊。

「哎呀！」

在被諾晴斬擊擊中後，別西卜亦痛得退後了好幾步，並痛得半跪在地及喘著氣。

「宜家試吓用““神光劍刃””，將大量光魔力集中喺劍到，再向前一揮。」奧斯拉突然再向諾晴作出提示。

「冇問題！」

接著，諾晴亦跟了奧斯拉的指示去做，把集中了大量光魔力的劍向前大力一揮......

「神光劍刃！」

紹利亞之劍向前揮劈之後，產生了一個好幾個光之劍刃飛向別西卜......

此時，別西卜選擇對這幾個光之劍刃發射了好幾個暗紫色的能量球來作迎擊......

「磅轟！」

暗紫色的能量球和這幾個光之劍刃在空中互相猛烈碰撞著，並產生了猛烈的爆炸，而諾晴和別西卜亦被爆炸的爆風所波及......

「吖呀！」

她們兩人均被爆風及爆炸的衝力弄至倒地，造成兩敗俱傷的局面......

「嗄呼......嗄呼......」

在經過了剛才又一波激烈的戰鬥後，就算別西卜本身稍為強大是魔族，以及諾晴借用了紹利亞之劍的力量也好，她們的體力亦開始漸漸見底。

「諾晴你仲得唔得呀？」

在旁躺著的安薩斯見到此情況時，仍不忘以自身變得有些虛弱的語氣關心著諾晴的情況。

「我仲堅持到！」

諾晴喘著氣但仍倔強地表示自己仍可戰鬥。

「就喺下一擊決勝負！」

別西卜在感覺到自身體力也開始見底時，只好決定於下一擊決勝負。

「正有此意！」諾晴不甘示弱地回道。

之後，別西卜再次撿回自己的魔劍，並加強了它的力量，使其發出了更為猛烈的闇之光暈......

「今次應該係決勝負嘅一擊啦，一定要嬴啊！」奧斯拉提示著諾晴。

「唔洗你講我都知！」

與此同時，從洞頂照射到洞穴內的陽光卻比剛才的有所增加......

「睇嚟連個天都幫你喎......」奧斯拉對諾晴說道。

接著，諾晴開始把自身的光魔力再次注入到劍內，同時亦開始吸收著太陽的光源來進一步提升力量......

第27章: 痛下殺手的猶豫？
在別西卜和諾晴也分別把自身最大的魔力注入到各自的武器後，她們可以說是為了這戰鬥的最後一擊蓄勢待發準備好了。

「進行了斷啦！你輸咗就將你交俾巴力大人！」別西卜仍有餘威般說著。

「嬴嘅會係我，你死咗條心啦！」

諾晴亦不甘示弱及有些信心地回道。

接著，別西卜亦在使用魔劍對諾晴作全力攻勢前，也使用了魔力作了幾個暗黑色的能量球，看來是輔助進攻用的。

「小心啊，別西卜佢宜家用嘅能量球比之前嘅強好多㗎！」奧斯拉突然提醒著。

「受死啦！」

別西卜在一聲怒吼下，先把這幾個暗黑色的能量球作發射，之後自身才手握著魔劍衝向諾晴......

然而，諾晴對此卻還是企定在原地，並握著劍及手伸向前。

但是，若有細心留意的話，諾晴是把所有的魔力及從陽光接收到的能量均集中在劍尖上，因而在此處形象了一個發出強光的光球。

「刺劍光束！」

接著，諾晴再次從劍尖處使用了刺劍光束，強光的光球亦發射了非常強大的光束，其能量和之後的比很明顯不是同一個量級。

而這招提升了力量的““刺劍光束””在碰到了別西卜發射的暗黑能量球時，卻因為威力真是提升太多的關係，輕鬆地把暗黑能量球突破並部份吸收掉，接著直接命中了對此頓時感到一片茫然的別西卜......

「吖......吖呀！」

別西卜直接被這串的光束所命中，她被擊飛到遠處並狠狠地摔在地上，同時她手握著的魔劍亦在此時應聲斷裂，從中亦可見這次吸收了陽光及部份暗黑能量球的刺劍光束，所提升的威力是多麼的強大。

「你！咳唉......」

別西卜摔倒在地上後，仍然嘗試再次站起來，但卻咳出了好幾口血出來，並只能跪著，連站立都不行。

「呼......呼......」

然而，諾晴剛才的攻擊也基本止已耗盡了她和奧斯拉絕大部份的能量，所以她也只能喘住氣站著，以作回氣。

「呼......應該搞掂......啦啩......」

此時，雖然諾晴見別西卜連再次站立的力也沒有，但仍戰戰競競地行近別西卜前，確認一下其情況以以防萬一。

而別西卜除了吐血外，全身的衣服亦損破及多處的傷口均流出了一些黑紅色的血液，同時她身上的翅膀亦出現了一些燒焦及破洞的情況。

「你......點解要捉我，究竟你講嘅為咗““巴力大人嘅計劃””係咩意思？」

諾晴走到別西卜面前後，亦質問著已遍體麟傷的別西卜。

「我唔會講。」別西卜只是冷冷地回應著。

「你口中嘅““巴力大人””係你嘅咩嘢人，點解你要為佢咁仆心仆命？」

「我唔會講俾你知......而且你已經嬴咗，你宜家點對我都得。」

「你......」

「殺咗我呀！你唔係好憎我嘅咩？用你把光劍嘅話好容易......」

「要我親手殺咗你......我做唔到。」

然而，雖然別西卜基於自己是敗者的關係，向諾晴要求把自己殺掉，但諾晴卻難以痛下殺手。

「點解啊？佢本身係惡魔，加上佢曾經殘暴咁殺死你......點解宜家你又要放過佢啊？」

同時，附在劍中的奧斯拉亦質疑著諾晴的決定。

「因為我過唔到自己個關......」

終於，諾晴也說出了自己難以親自痛下殺手的原因。

這也難怪的，雖然別西卜是魔族，但其外表始終是人形，對於諾晴這個本身是生活在現代都市，只有十五歲的學生妹來說，親手殺一個““人””在心理上的確是難以接受的。

「諾晴......」奧斯拉對此也不知如何是好。

「你真係好愚蠢啊......居然會對我哋呢啲魔族手下留情。」別西卜苦笑說道。

「因為我真係無辦法親手對人痛下殺手啊。」

「你有大天使血統都咁軟弱，真係......」

「大天使血統？」

「順便一提啊，其實我本身都係天使嚟，不過只係墮落成魔咋。」

別西卜突然無預警地說出自己本來也是天使的事實。

「竟然......」

諾晴和奧斯拉在聽到後，不約而同地感到出乎意料。

「咁講咪即係墮天使？」

諾晴在想了一想後，對別西卜說著。

「冇錯，墮落之後我就魔化，成為咗有天使血統嘅魔族。」

「咁點解你要墮落啊？」

「你區區一個半人半天使只係需要知咁多就得。」別西卜拒絕回答諾晴剛才提出的問題。

「仲有你唔宜家殺我嘅話，只要我嘅魔力同能量都恢復返嘅話，你唔會驚我會又對付返你同你啲同伴咩？」

「仲有啊，““巴力””佢又真心對你好咩？如果真係對你好點解要你一個人就咁喺人間到追捕我，又唔俾咩支援你，而佢自己就坐享其成。」

突然之間，諾晴提出了一個尖銳的論點質疑著別西卜對巴力他的效忠。

「唔好再講啦！」別西卜掩著雙耳並搖頭說道。

「睇嚟我講中咗你痛處喎。」諾晴面不改容地繼續說道。

「你......咪亂講嘢啊！巴力大人佢不知對我幾好啊！」別西卜嘗試繼續反駁道。

「你真係好傻啊......」

「收聲呀......咳咳......！」

別西卜擺出一副完全不想再聽的樣子激動地叫道，同時又再次因之之前受的重傷而再次吐血。

「你......」

不知為何，諾晴見到別西卜這樣的慘況時，雖然是曾經殺死自己的仇人，卻踐對其起了一些的同情。

「哈哈......你真係唔殺我呀嗎，咁你之後一定會因為今日愚蠢嘅憐憫之心而後悔㗎！」

別西卜再次嘗試站起來並成功，接著大笑起來並對諾晴說道。

「嗯......雖然你咁講......但我真係......」

諾晴仍然顯得對於現在是否親自殺掉別西卜一事表示非常猶豫及有些抗拒。

「咁多謝你先啦......再見，我哋可能後會有期。」

「不過我會解除你同伴嘅咀咒......」

「真係......睇嚟雖然佢係惡魔，但都有信用嗰喎......」諾晴此時在心裡想道。

接著，別西卜就使用魔法化為一隻烏蠅並從洞頂飛走，留下還在呆站的諾晴。

「走咗喇......」

諾晴見別西卜已離開後，就把紹利亞之劍放回劍鞘內，而它卻出奇地適合放入。

「咁就放咗佢啊......都唔知話你太善良定軟弱好吖！」

同時，附身在諾晴劍內的奧斯拉亦忍不住地吐糟著諾晴放別西卜生路的行為。

「諾晴！」

在過了一陣子後，伊娃和安薩斯突然以緊張的聲線呼叫著諾晴，並走過來諾晴的身邊。

「伊娃，安薩斯，你哋身上嘅詛咒真係解咗啦？」

「好似係啊，因為別西卜嗰隻嘢一走，我同伊娃軟弱無力嘅情況就消失哂啦。」

「冇錯。」伊娃亦附和道。

「咁真係應該大家都冇事啦！」諾晴頓時放下心頭大石般說著。

「我諗應該都係啦......」伊娃表示同意。

「咁諾晴你有冇受傷啊？」

「我冇......唉......」

「喂......諾晴你見點呀？應吓我啦......」

然而，諾晴在說到一半時，卻突然眼前一黑並暈倒，接著開始陷入昏迷......

第28章: 哭泣的劍主
「嗯......」

在經過了一段時間的昏迷後，諾晴亦漸漸地醒來。

「你醒啦......」

坐在旁邊等待的安薩斯，見諾晴醒來時，立即對其關心道。

「太好啦！擔心死我啦！」

伊娃對於諾晴醒來時，亦當場感到放下心頭大石。

「你宜家終於醒啦......劍主。」

此時，諾晴突然聽到了另一股熟悉的女孩聲音......

「奧斯拉！你出咗嚟嘅？」

諾晴見奧斯拉居然以在意識空間時的形象實在存在於這裡時，也當堂嚇了一跳地說道。

「我係可以有能力隨時喺現實中現身㗎。」

同時，諾晴同樣發現自己是在一個陌生的小小石洞內，在她左邊是一個可以通往戶外的出入口，而從這裡昏暗的景色，可以見到現時已經是夜晚。

另外，她也發現了在山洞的中間，有一個小火堆用作照明，

「不過話時話，呢度究竟係？」諾晴問及自己現時的位置。

「依度係近納普山山頂到嘅石洞。」奧斯拉如實回答著諾晴的問題。

「石洞？山頂？我頭先暈咗之後發生咗咩嘢事？點解我會突然間暈咗嘅？」

此一刻，諾晴在心中存有了不少的疑問。

「你喺太陽之湖到同別西卜戰鬥完，喺別西卜佢變烏蠅飛走之後就因為體力損耗過度而暈倒......」奧斯卡先說出諾晴早前昏迷的原因。

「之後我見你突然咁暈咗都好慌張，而安薩斯就先選擇揹住你再睇吓有冇出口，就係嗰陣時，佢就突然間喺你把刺劍到走出嚟啦......」

伊娃接力說著，在說完的同時亦無奈地指著奧斯拉。

「奧斯拉你......」

「當初我同伊娃見到佢突然間走出嚟都嚇咗一跳，雖然嗰陣時我哋見佢稱諾晴做““劍主””都感覺到一頭霧水......」

「但佢就二話不說咁用魔法整一個光球嚟，亦用呢個光球將我哋一齊送上洞頂離開佢口中嘅““太陽之湖””，途中佢都對我哋講咗自己個名......」安薩斯接力說著。

「之後原來洞頂一出就係納普山嘅山頂，之後奧斯拉佢就帶我哋嚟呢個石洞，俾你喺度先好好咁休養。」

伊娃亦簡約地說出了奧斯拉帶他們到這個石洞的過程。

「原來係咁......」

「你宜家見點啊？有冇事啊？」安薩斯對諾晴關心道。

「依家好啲啦。」

「不過呢......我對諾晴你都有啲意想不到喔......」伊娃突然表示好像有事想說。

「係咩事啊？」

「原來你就喺太陽之湖嗰陣，同奧斯拉佢建立咗契約，成為立夫尼斯傳說中嘅光之劍—紹利亞之劍嘅劍主……完全係難以置信啊……」

「點解你會知呢件事嘅？」

「頭先奧斯拉將呢件事講咗俾我同安薩斯知啦。」

「因為我直覺推斷，呢兩個人應該就係諾晴你信任得過嘅人，所以就把你有使用同成為紹利亞之劍能力，將你複活同建立咗劍主契約都講咗俾佢哋知啦。」

奧斯拉如實地向諾晴說明著。

「不過宜家最大問題就係……你嘅身體好似未可以完全應付到使用紹利亞之劍所帶嚟嘅負擔……」

突然間，奧斯拉開始變得嚴肅地提出了一個問題。

「的確……我喺別西卜敗走之後，就可以成個人都感覺到好攰同暈暈地，冇幾耐就失去意識瞓倒咗啦……」

「所有你就因為咁，成個人都虛脫而昏迷......咁樣之後再戰鬥嘅話會產生好大嘅問題。」

奧斯拉說出諾晴對於使用紹利亞之劍力量的身體負擔，與她因而在戰鬥後昏迷的因果關係。

「但我又唔係要真係用呢把劍去幫助你哋，我只不過係諗住稍為用一用下嚟打敗咗別西卜就算，因為我始終淨係一心想返去我原本所屬嘅世界，對於同你哋世界啲咩嘢惡魔戰鬥，我完全冇興趣同唔想理......」

對於奧斯拉的警告，諾晴卻以一片沒所謂的樣子回應道。

「你想死嘅話就咁諗啦！」奧斯拉立即以嚴肅及不滿的語氣向諾晴訓斥道。

「點解咁講呀？」

「呢個係因為你今次可以復活，代價係你條命只能同我以及紹利亞之劍連結咗，即係只要我或者紹利亞之劍因有事而摧毀或完全失去咗力量嘅話......你都會死！」

奧斯拉開始指出問題的嚴重性。

「咩嘢話！你咁講即係？」諾晴感到極為驚訝地說道。

「即係你宜家只能夠一直要保護好呢把劍，唔可以俾魔族摧毀，因為你放走咗別西卜，佢可能會對其他魔族通風報信，知道紹利亞之劍覺醒而佢嘅力量會成為咗魔族嘅竊取目標。」

「咁諾晴佢都可以繼續搵方法返去““香港””㗎？佢將奧斯拉你同把劍帶返去唔得咩？到時你又唔洗驚俾魔族追殺......」

就在此時，原本並未有參與對話的伊娃，亦突然嘗試以局外人的身份為諾晴對奧斯拉問道。

「““香港””？咩地方嚟㗎.....聽都未聽過喎......唔通係你諾晴你出生嘅地方？」奧斯拉感到有點疑惑地反問道。

「嗯。」諾晴點頭默認著。

「係咁嘅......其實諾晴佢係......」

接下來，伊娃就開始對奧斯拉解釋著諾晴是來自第二個世界的人。

「唔得呀！咁做太冒險啦！」

「點解啊？」諾晴表示有點難以接受而反問道。

「因為紹利亞之劍嘅力量本身就係要靠呢個世界大氣裹面嘅魔力嚟維持，所以如果你嘅世界本身係冇魔力係到嘅話......」

「返到去之後......把紹利亞之劍可能會失去力量，然後我可能會死......」

諾晴推斷到這裡時，雙手亦不禁地掩住口鼻，像是不敢想像現時這樣直接回到““香港””的話，她可能會面對的結果。

「你知道就好啦。」

在諾晴見到奧斯拉點了頭承認這推斷時，整個人亦當堂失落得一沉不起般。

「你明知我一直都係要想返去原本嘅世界㗎嗎！你咁樣我咪要一世留喺度！」

到了此刻，諾晴的理智亦因為自己可能““回家””無望時，剩餘的樂觀和理智亦斷掉了，因而開始忍不住亦不憤地指責著奧斯拉。

「我為咗復活你，我不知用咗幾多魔力啊......而且我仲要將把神器紹利亞之劍嘅力量都俾哂你咁濟去打底別西卜，但係宜家你竟然鬧返我轉頭！」

然而，雖然奧斯拉的外表和一個只有約九至十歲左右的女孩，但她罵人及說話方式卻是和一般十來歲的少女無異。

「但係你......」

「但咩嘢呀？我本身都只係精靈嚟㗎咋，去復活一個人你估唔洗代價㗎？呢個世界係冇免費午餐㗎！」奧斯拉繼續責罵著諾晴。

「咁我屋企人同原本喺香港嘅朋友點啊？宜家咁樣即刻要我同佢哋永遠分開？」

說到這裡，諾晴臉上的不憤亦開始消退，同時亦因想念之情而開始流淚......

「嗚咽......嗚咽......」

「喊喊喊……你宜家係紹利亞之劍嘅劍主，已經係以紹利斯女神之名簽咗契約啦，點你仲可以咁鬼死軟弱喺到哭哭啼啼呀？」

「你嘅意志同覺悟連四百幾年前......上一任劍主嘅一半都唔知有冇啊！」

奧斯拉繼續批評及責備著諾晴現時只在哭泣。

「你宜家仲喺到講風涼話！你試吓永遠返唔到屋企，同屋企人朋友永久分離同見唔到面嘅感受呀！睇吓你到時講唔講得出呢啲風涼話？」

諾晴哭得淚如雨下並對奧斯拉駁斥道。

「諾晴……你依家嘅心情我都明白嘅……」

對於諾晴的哭訴心情，在旁看見的伊娃亦替她感到傷心。

「屋企人……朋友……」

奧斯拉在聽到諾晴提及了屋企人和朋友這兩個詞彙時，她心中突然感覺到這兩個詞彙是有點陌生亦有點熟悉的奇怪感覺。

「屋企人？朋友？係咩嘢嚟……有啲熟但又唔太明……」

的確而言，由於奧斯拉本身就是紹利斯女神在創造紹利亞之劍時，一同創造出來的守護精靈，因此從她一誕生起，基本上就是為管理及守護紹利亞之劍而生，所以對奧斯拉她來說，屋企人或朋友這兩個比較人性的概念，奧斯拉她是難以理解的。

「奧斯拉，我都覺得你講得有啲過份。」

在旁的安薩斯亦有點看不下去，於是亦選擇為諾晴幫口說道。

「過份......我咁講我嘅劍主......」

奧斯拉收起到諾晴不怠的表情，同時亦開始反省自己剛才指責諾晴所用的說話是否有點過火。

「嗚咽......嗚咽......」

如此同時，諾晴仍然繼續哭泣著，看來自己有機會永遠沒法回到香港的推論一出，對她心理上的打擊不是一般的大。

而且，在諾晴因意外穿越到來這世界並和安薩斯他們相遇，以及開始共同生活以來，她可以仍然保有稍為樂觀的心態去面對這個陌生的環境，是因為她仍然保有她未來有機會回去的希望所支撐住而已......

所以，在聽到奧斯拉說她回去原來世界的機會變得渺茫的時候，她整個人僅有保持的樂觀也轉為絕望，因而只好大哭起來，以流淚的方法把心中的抑鬱舒發出來，希望可以減低心中的傷痛。

「劍主你......我諗我都係返入劍到休息吓先......」

一陣子之後，奧斯拉向大家表示想先回到紹利亞之劍中休息一會，接著就自己化為一道光球並進入放在一旁的紹利亞之劍，其劍中的寶石上。

「睇嚟大家都需要冷靜吓......」

伊娃對此有點無奈地說道。

「嗚咽......嗚咽......」

在一會後，諾晴亦開始慢慢收起自己的眼淚，看來她亦開始冷靜下來......

第29章: 但願人長久
「咽......」

諾晴收起了自己的眼淚，同時亦拭乾自己還在臉上的淚水。

「你依家見點啊？」

安薩斯見諾晴停止哭泣及開始冷靜下來時，當刻立馬關心問道。

「冇咩嘢嘅，但聽完奧斯拉佢咁講，心情始終唔會好得去邊......」

諾晴誠實地說出自己雖然已冷靜下來，但心中的傷感和悶悶不樂並沒有消除。

「都係嘅......有機會永遠返唔到屋企嘅話，確實係殘酷嘅......」

「而且奧斯拉佢話你嘅說話的確係有啲過火......」

伊娃表示同情說著，而且她亦有些不齒著奧斯拉剛才的言行。

「唉......奧斯拉佢又番返入劍裡面......都好嘅，我同佢依家都需要各自靜一靜先......」諾晴嘆氣道。

「唉......」

「咕咕咕......」

接著，正當諾晴他們都在搖頭嘆息時，他們的肚子卻不約而同地開始打鼓.......

「有啲肚餓㖭......」諾晴摸著肚子說道。

「正常嘅......自從今日我哋中午食過吓嘢之後，都冇再食嘢啦。」

伊娃對此感到不太意外。

「食啲嘢先啦，反正我哋都仲淨低咗啲乾糧同水......」

「都好。」安薩斯同意道。

之後，諾晴他們就各自從自己的腰包中掏出今日所剩下的食物作果一果腹......

「喂，奧斯拉你出唔出嚟食啲呀？」

諾晴在拿出食物的同時，亦對放在一旁的紹利亞之劍，內裡的奧斯拉問道。

雖然諾晴和奧斯拉剛剛才大吵一輪，但其實諾晴也自覺是有點失控，儘管奧斯拉的說話的確是帶刺，但此刻諾晴仍會想把自己手上的食物部份分享給奧斯拉，這證明諾晴並未有因剛剛的吵架而徹底討厭她。

「唔洗啦，而且劍之精靈係唔會肚餓，唔食嘢都可以生存㗎。」

看來奧斯拉也已冷靜下來，所以回應諾晴時的語氣亦好了不少，沒有吵架時的兇惡。

「咁好啦......」

接著，諾晴他們三人就把各自手上的食物也吃完，同時亦因感到口渴而飲了好幾口水......

「係喎......宜家飲哂啲水......之後點算啊？」

諾晴在發現自己帶來的水已經喝完時，才急忙地向安薩斯問著如何是好。

「頭先嚟呢個石洞嗰陣，我見到呢到附近有條小溪，聽朝喺個到斟咪得咯。」

安薩斯毫不慌張地回道。

「唉......咁都冇咁驚......」諾晴鬆一口氣說道。

之後，在經過一小段的休息後，諾晴他們亦都因為經過今日激烈戰鬥後，身體早已疲憊不堪，於是也開始出現睡意。

「哈呵......」

故此，伊娃和安薩斯亦不由自主地打了一個呵欠。

「有啲眼瞓啊......今日都夜啦，不如就喺到瞓一晚啦。」伊娃睏睏地建議道。

「吓......依家就瞓？唔沖個涼先？」諾晴對此提出一些疑慮。

「呢到附近都冇湖或河，點涼啊？」

「直接瞓咪算咯。」

雖然同是女生，但伊娃卻對於沒法洗澡一事顯得沒有所謂的樣子。

「咁你又講得有啲道理......」

「而且其實我都留意咗你一排㗎啦，點解你基本上晚晚都走去沖涼嘅？因為我哋通常都係每隔幾日到先沖一次嘅，除非嗰日出得特別多汗先可能會連續兩日沖涼啦......」」

安薩斯說出他在劍館時，見到諾晴每晚都會走去洗澡，和他們這裡生活的人習慣大相逕庭，於是就此好奇地向諾晴問道。

「冇錯啊，我都係通常幾日先沖一次嘅。」伊娃同時亦附和道。

「因為喺香港，基本上個個都每晚沖一次㗎，原來你哋世界唔係咁㗎？」

諾晴聽到安薩斯和伊娃也這樣說時，也驚訝地反問著他們兩人。

「嗯。」

「但你哋咁樣唔驚全身會好污糟咩？或者全身都有臭汗味體味之類呢......」

「我哋又唔係太覺得太污糟喎......」安薩斯憑自身的經驗回道。

「原來係咁......不過我同安薩斯憑你同房瞓嗰陣，的確唔會話有好大陣體臭味，可能因為呢個世紀嘅天氣係無咁悶熱啦......」

諾晴回想起自己在劍館時，和安薩斯同房就寢時的感覺。

「咁可能大家生活習慣唔同啦。」諾晴總結著。

「呵......都係唔講咁多啦，大家都好攰同眼瞓啦，不如先瞓覺先，有咩事聽日再算啦。」

伊娃先打了呵欠，並感到昏昏欲睡地說著。

「都好嘅......」其餘兩人亦表示同意。

「咁早抖啦。」

「你都早抖啦，奧斯拉。」

「咁你都早抖啦，劍主，好好咁瞓一覺先啦......」在劍內的奧斯拉回道。

在各自作了晚安後，諾晴他們三人亦各自躺在地上就寢，但很明顯地，諾晴仍然為今日所發生的事感到有些耿耿於懷......

過了一陣子後，伊娃和安薩斯亦已沉沉入睡，如入夢鄉，但石洞內卻有一個人例外......

諾晴雖然都感到非常疲憊，但不知何故整個人也感覺到悶悶不樂及心不在焉的樣子，因而輾轉反側無法入睡。

「睡唔著啊......」

諾晴躺在地上，眼望著上方的石壁說著。

「佢哋兩個反而瞓得好稔咁啊......」

諾晴坐起來另外望著已進入夢鄉的安薩斯和伊娃，有點羨慕地說道。

「唔通我真係永遠都要喺呢個世界生活......」

諾晴同時想起了奧斯拉的話，憂心不已地沉思著。

「可能就係因為擔心呢件事，所以瞓唔著啦......」諾晴在心中嘆氣道。

接著，諾晴見自己一直仍然沒法入睡時，決定走一走出石洞，在這裡附近戶外看一看其景色來散心。

在走出石洞後，她選擇在洞口旁邊，靠住岩石就地坐下......

「個月亮好大好圓......又光又靚呀。」

「喺呢個世界成兩個禮拜......都未試過真係專注望吓個月亮㗎......」

已坐下的諾晴，抬頭望著掛在天上的月亮，同時驚訝地感覺到這個世界的月色比起地球的稍為光亮和皎潔的。

「唔知爸爸媽媽佢哋宜家點呢？芷喬同雅兒又點......做緊啲咩呢？」

與此同時，在洞內睡覺的安薩斯，卻突然自行睡醒起來......

「尿好急啊......都係先解決咗先啦......」安薩斯整個人朦朧地說道。

原來，安薩斯是因為太過尿急而被迫醒來的，因此他亦急不及待地先選擇走出洞外附近的草叢就地““解決””......

但是，由於安薩斯仍然整個人是睡意朦朧的關係，所以在走出洞外的時侯，卻未有留意坐在地上賞月中的諾晴......

「明月幾時有......把酒問青天......」

「不知天上宮闕......今夕是何年......」

另一邊廂，諾晴在繼續抬頭望著皎潔的明月時，不知不覺開始用國語哼唱起““但願人長久””這首歌出來。

不久後，已““解決””完的安薩斯在回到石洞內的時間，卻被諾晴清脆亮麗的哼唱聲線所吸引，故此在石洞洞口前停了下來，同時從哼唱聲的源頭注意到坐在洞口旁邊的諾晴......

「人有悲歡離合......月有陰晴圓缺......此事古難全......」

「但願人長久.....千里共嬋娟......」

諾晴並未有留意到安薩斯，反而繼續把整首““但願人長久””也唱完。

「你首歌唱得好好聽啊......雖然我唔知你唱緊咩嘢。」

安薩斯稱讚著諾晴的歌聲。

「安薩斯.....點解......你會走咗出嚟嘅？你唔係瞓緊覺嘅咩？」

諾晴在聽到了安薩斯對自己的讚譽時，才發現安薩斯在此，因而嚇了一跳並變得慌張地問著他為何會在此。

「我出一出去小解咋嗎。」

「原來係咁......」諾晴感到鬆一口氣說著。

「咁你點解又會坐喺到嘅？」安薩斯反問道。

「因為......我瞓唔著咯。」

諾晴有點不情願地說出會坐在此的原因。

接著，安薩斯卻突然在無預警的情況下，走到諾晴的旁邊與其一同坐下。

「安薩斯你做咩事啊？無喇喇坐埋嚟嘅......」

諾晴頓時感到大吃一驚並有些慌張地問道，同時她在說完的同時，卻不知不覺地臉上出現了淡淡的紅暈。

「無嘢......我見你坐喺度，好似成個人有心事咁，所以就嚟關心吓你，順便聽你傾訴囉。」

安薩斯向諾晴解釋著他突然坐過來陪伴著的原因。

「多謝哂喎。」諾晴收起臉紅，並以其平時的語氣回應道。

接著，安薩斯亦和諾晴一同坐在地上，抬頭賞著這個光亮而皎潔的月亮。

「不過呢......我有啲好奇想知道，你同時用唱歌嗰陣係唱緊啲咩嘢啊？雖然好好聽但我完全聽唔明。」

在賞月的期間，安薩斯開始嘗試對諾晴打開一個話題。

「咪用普通話唱囉。」

「普通話？」安薩斯完全不明白這個““名詞””的意思。

的而且確，在這個尤加拉大陸中，大多是使用一種叫尤加拉語(和地球的英語非常相似)的語言作溝通的，;所以安薩斯他不會聽普通話和諾晴本來的母語──廣東話也是正常不過的。

「係我哋世界裡面嘅其中一種語言，我哋世界裡面有好多唔同嘅語言，順帶一提我住嘅香港大部份都係講廣東話嘅，同樣都係我哋世界其中一種嘅語言。」

諾晴很用心地嘗試用回尤加拉語對安薩斯說明道。

「原來......咁你頭先唱嘅歌詞個意思係？」安薩斯好奇地繼續追問道。

「首歌主要係講一個人同親人分隔兩地，再唔到面好一段時間，但即使係遠隔千里都好，大家都可以睇到同一個月亮，就此用呢種方式把雙方都連繫起嚟，同時亦祝願雙方都可以平平安安喔。」

諾晴略為解釋出這首歌歌詞的意義。

「原來係咁......你哋世界嘅人諗嘢都幾有深意喎。」

「因為本來佢係一首我哋世界裡面，古代嘅其中一個詩詞去改編㗎。」

「唔怪之得啦。」安薩斯回應道。

「咁睇嚟你都仲非常掛住你嘅故鄉同家人喎，見你突然唱出啲咁嘅詩出嚟。」

安薩斯從諾晴的解讀中， 一箭中的般估中了諾晴現時思念家人的心情。

「安薩斯你......好犀利啊......居然俾你估中咗......」

諾晴見自己藏在心中的想法居然被安薩斯成功估中的時候，頓時整個人感到有些害羞起來。就像一個普通花季少女的秘密無意中被一個異性拆穿的反應一樣。

第30章: 打開心扉
在見到諾晴如此害羞和慌失失的反應後，安薩斯亦得知自己的確是截中了諾晴的內心想法......

「俾我估中咗呢？」

於是，安薩斯先特意地以挖苦的語氣問道。

「你......好聰明啊，安薩斯你的確估中咗啊。」

諾晴收起了自己荒失失的表情，並以不否認的態度來回答安薩斯的問題。

「今晚嘅月亮好圓好光啊......」

安薩斯抬頭望一望天上掛著的月光，並對此讚嘆著。

「講返轉頭，係咪今日奧斯拉同你講嘅嘢，令你好擔心會返唔到你嘅世界，所以就咁樣啊？」

「唉......雖然唔想應承認，但自從奧斯拉佢話我依家返去原本世界會好大機會死嘅時候，我就一直擔心我可能被迫之後要永遠喺呢個世界度生活啦......」

說到這裡時，諾晴雙眼的眼眶中亦不禁再次出現少許閃爍的淚光。

看來，雖然諾晴被迫在來到這個世界以來，大多數時候均會裝作堅強及樂觀，但一要面對可能永遠都沒法回去的事實，其心中軟弱及思念，以至相應的恐懼亦表露無遺。

「你唔好喊啦。」

安薩斯搭一搭了諾晴的膊頭，嘗試以此方法安撫著諾晴......

「咽......但我真係好驚啊......」

諾晴在此刻，亦被安薩斯如此體貼的安撫行為為之心動，於是雖然不知道他是否可以完全理解她自己的心情，但都在心中決定了把現時的安薩斯作為傾訴對象。

「咁大個女除咗老豆之外，基本上都未試過有男仔咁搭得膊頭㗎……」

與此同時，諾晴在心中有點害羞地想道。

「不如睇吓我可唔可以嘗試吓安慰你啦……雖然我唔係好識安慰人……」

安薩斯就像會讀心一樣，知道諾晴此刻應該需要其他人的傾訴和安慰。

「都好嘅，或者咁樣心情可能會舒服啲呢。」

諾晴毫不猶豫地同意著安薩斯的建議，同時亦開始對安薩斯完全放下心防，展現出一片小鳥依人的樣子。

接著，諾晴開始把安薩斯當作社工一樣，對其傾訴著自己現時的煩憂......

「如果我真係會永遠要留喺呢個世界嘅話......我都唔知點面對啊......」

「因為......你掛住你屋企人......同你原本嘅住嘅地方？」安薩斯問道。

「係啊......而且我今年得十五歲咋，之後我仲可以點樣喺到孤伶伶一個咁生存落去啊？」

「而且已經就快兩個星期啦！即係對於原世界嚟講，我已經無喇喇失蹤咗咁耐！我諗我媽咪爹哋一定呢個幾禮拜都好擔心我，日日都周圍咁搵緊我......食唔安坐唔落㗎啦。」

諾晴同時亦擔憂著其父母現時因自己突然失縱，不斷擔心著自己安全時的心情。

「孤伶伶一個......」安薩斯一時間不知如何安撫著現時這樣的諾晴。

「唔差在同你講啊，我喺香港本來都有對我好好嘅朋友，會關心我嘅屋企人......但我依家就要喺呢一個咁陌生嘅環境，甚至連再見佢哋一面，或者只係用最簡單嘅書信聯絡都做唔到......我好辛苦呀！」


接下來，諾晴又開始在哭泣著，連想欣賞月光的心情也沒有。

「而我淨係想返屋企咋！咩嘢紹利亞之劍嘅劍主我先唔想做啊！」

「其實你唔係孤伶伶一個㗎！」

在諾晴不斷在哭的情況下，安薩斯突然以堅定的語氣對諾晴提醒道。

「吓......」

在聽到安薩斯這樣說時，諾晴停止了哭泣，並選擇望向安薩斯。

「你仲有我、伊娃、英格麗師傅佢哋，大家都願意幫你㗎......所以你點會孤伶伶一個呢？」

「我......安薩斯你......」諾晴一時之間亦不知如何回應。

「雖然安薩斯你、英格麗師傅同伊娃你哋都好照顧我，又肯收留我，但始終取代唔到我真正嘅屋企啊......」

諾晴在想了一想後，就以稍為婉轉的語氣說出自己對於安薩斯他們的一些想法。

「而且你哋可以收留同幫我一世咩？如果我真係好不幸地一生都返唔到去嘅話......」

另外，雖然諾晴對於安薩斯他們依然是心存感激的，但亦憂慮著安薩斯他們也不能照顧及收留自己一輩子。

「你點可以咁講㗎！」安薩斯反駁諾晴的說法。

「雖然你同我、英格麗師傅佢都冇血緣關係，但我哋都當你係真正嘅親人咁照顧你㗎。」

「真正嘅親人？」諾晴自問道。

「你冇發現咩？」安薩斯繼續疑問道。

「的確......英格麗佢喺呢個幾星期以嚟，都一直當我係親生女咁照顧我，喺我做幫手做家務唔小心搞到劍館裡面一鑊粥嘅時候，佢都唔會去鬧我，反而仲安慰我㖭啊......」

諾晴開始回想起過去在劍館生活時，英格麗對自己的待遇，比起普通的師徒關係，更像是一般母女之間關係的對待方式。

不過，由於諾晴始終都是想著她終有一天都會回去原本的世界，故此她亦認為自己在劍館以至這個世界來說都只是一個過客......

基於這樣的心態，諾晴在和這個世界的人相處時，始終都會在情感上保持一定的距離。

「但我始終都係同安薩斯、英格麗姐姐、伊娃以至呢到嘅所有人都好，喺情感上始終保持住一定距離，唔通咁嘅做法係錯？」

同時，諾晴開始在心裡自我懷疑著。

「而且，我認為只要係喺同一屋簷下，誠心而互相體諒咁一同生活，其實都係屋企人嚟㗎，因為雖然我同英格麗都冇任何血緣關係，但其實我哋之間都係當姊弟關係咁相處㗎。」

安薩斯說出了自己的看法。

「同一屋簷下......咁又係嘅，安薩斯佢自細都已經被英格麗師傅佢收養同養大嘅，所以佢會咁諗都唔出奇嘅......」

諾晴此時在心裡想著，安薩斯會有這樣的看法應該也是他的成長環境所徒然的。

「而且英格麗師傅佢同我都已經講過嘅，喺你返到去原本世界之前，都會一直收留你㗎，你唔記得咗啦？」

「但係......」

「而且英格麗師傅佢當年都同文森塔斯叔叔收養我到成人啦，所以我諗英格麗師傅佢宜家都唔介紹長時間咁收留你㗎。」

「不過呢......就算係我宜家同我住嘅老豆，其實都係我繼父嚟啫，所以點解我又可以當佢係屋企人啦，點解安薩斯佢哋我又唔可以呢？咁的確係有啲矛盾嘅......」

諾晴在心中想起了自己和現時““父親””的關係，從而認為自己是有些雙重標準的想法。

「嗨......你的確又講得幾有道理，而且就算大家本身冇血緣關係都好，其實我哋之間接近朝夕相對，其實同屋企人呢種關係的確冇咩關係......我真係傻啊！」

諾晴像已想通了一樣說道。

「冇錯，就算你被迫同屋企人朋友要分隔兩個世界都好，喺呢個世界都我、英格麗師傅同伊娃佢哋陪伴你㗎，做你呢個世界裡嘅屋企人，朋友......所以你唔洗驚㗎。」

安薩斯以真誠的語氣來說出可能有助打開諾晴心扉的說話。

「講得冇錯啊，因為我哋係同伴啊！」

諾晴收起了自己臉上的憂愁，並回眸一笑地對安薩斯回應道。

「所以或許奧斯拉佢鬧得我都好啱㗎，我的確係有啲軟弱嘅，雖然佢講得有啲難聽，或許係因為我嘅成長環境同你哋比簡單係““溫室””一樣呢......」

「所以我諗我可能真係冇資格做乜嘢紹利亞之劍嘅劍主呢。」

同時，諾晴也在安薩斯面前自我反省及自嘲著，並認同了奧斯拉她所指出，自己現時的缺點。

「諾晴你......」

安薩斯此時卻只是先閉上眼睛，並陷入了沉思當中。

「其實你唔算軟弱......」

安薩斯沉思了一會後，對諾晴鼓勵道。

「吓……點解啊？因為我嚟咗呢個世界之後，我淨係喺安薩斯同伊娃你哋面前，起碼都喊咗成三次囉喎，而且我基本上只係識得叫掛住屋企人想返屋企......又嗰樣嗰樣......搞到又要麻煩你哋要安慰我……」

諾明自己也對於安薩斯的否認有點難以置信。

「因為對願意為保護同伴而勇敢起嚟囉。」

安薩斯說出諾晴不算軟弱的理由。

「為保護同伴而勇敢起嚟？」諾晴對此疑惑著。

「唔講前兩次啦，就喺你今日對別西卜嗰陣，為咗保護同伴而勇敢起嚟，明知好大機會冇命，都義冇反顧咁獨自同隻實力強大嘅惡魔戰鬥，我哋都有眼睇㗎，雖然你口講好驚好細膽，但有事起嚟你都唔會選擇退縮逃走，掉低你嘅同伴唔理，如果你真係軟弱細膽嘅話，你又點會咁做呢？」

安薩斯一面微笑，同時以實質例子解答著諾晴對自身的疑問及懷疑。

「你唔好忘記你嗰陣時，咁樣做基本上同送死冇咩分別㗎。」安薩斯繼續補充說道。

「其實我嗰陣時係因為別西卜佢講你同伊娃會喺一個鐘頭後死之後，雖然心中仍然有啲恐懼，但我最後為咗救你同伊娃，就決定把心一橫咁選擇同別西卜決一死戰，完全連好可能會死呢種後果都冇諗過㗎......」

諾晴說出了在早前決意獨自與別西卜戰鬥時，她當時的想法和誘因。

「而且我最後都真係戰死咗，如果唔係奧斯拉佢......我宜家應該唔係到㗎啦.......所以我其實失控咁鬧佢都有啲唔啱㗎，因為佢始終都算係我救命恩人喔。」

諾晴有點內疚而帶有歉意說道。

「仲有啊......其實我當時俾別西卜用魔劍插中身體，再流哂血咁俾佢掟落湖裡面彌留之際，除咗全身都好痛之外，心中仲好自責......因為我始終都救唔到你哋......仲好對唔住我香港嘅爸爸媽媽......因為我太魯莽冇保護她自己......令到自己客死異鄉啊......」

諾晴帶有點悲傷說著，自己在第一次死前彌留之際時的感受。

「對唔住啊......要你受咁多苦......」

安薩斯對於諾晴曾經因救回自己而死亡，感到非常抱歉。

「都唔關你事……係我自己決定要咁做嘅。」

諾晴急忙掙手回應著安薩斯的抱歉。

「諾晴……你真係一個好女仔嚟啊......而且又夠堅強同勇敢喎。」

「你突然間咁讚我......令人好難為情㗎。」

對於安薩斯突如其來的稱讚，諾晴感到有點害羞及難為情。

「真係㗎，而且你要對自己有信心。」

接著，在聽完安薩斯這樣說後，諾晴也開始思考著這句話的意義，同時亦再次抬頭望月，希望現時皎潔的月亮可以有助於得到相應的靈感。

「信心......堅強？勇敢？其實我本來的確只係一個掛住讀書，爭取好成績以希望將來入三大嘅柔弱女仔，但我自從經歷咗““嗰件事””之後，的確成個人都有啲變化......變得堅強同勇敢咗......而且睇生活其他事嘅態度都唔同咗。」

在見著月亮思考了一會後，諾晴意味深長地說出自身對於堅強及勇敢的一些想法。

「““嗰件事””？」安薩斯感到好奇地問道。

「““嗰件事””......我就算講咗，對於你哋世界嘅人嚟講都係難以理解㗎啦。」

諾晴很抗拒地拒絕說出““嗰件事””.是甚麼。

「唔緊要，你唔想講我都唔會強求你嘅，每個人都有唔太想面對同俾人知嘅事喔。」安薩斯寬容地表示理解諾晴不想說出來的苦衷。

「嗯......而且雖然你哋呢個世界嘅物質同科技方面同香港比的確差好遠，但生活睇落都幾無憂無慮同平和呀......」

諾晴同時亦評價著她自己目前在這裡的生活。

「呵......平和嘅生活.....我都想一直係咁啊......」

安薩斯打著呵欠，並意味深長般細聲說道。

「即係點？」

諾晴隱約地聽到了安薩斯剛才的說話時，亦立即反問道。

「噶......噶......」

就在此時，諾晴亦發現坐著的安薩斯已經呼呼入睡......

「瞓著啦......我諗大家今日都好攰㗎啦。」

「呵呵......」

同時，諾晴亦察覺到自己也已睡意正濃，於是不消一會後，她卻無意中自己挨著安薩斯，漸漸地進入夢鄉......

第31章: 請再次多多指教啦 ！

在經過了與安薩斯的月下對話後，諾晴的憂愁亦已開解不少，同時因為已非常疲憊及充滿睡意的關係，兩人最後在石洞外以互挨膊頭坐著的方式一同睡著，像一對情侶互相挨膊坐下在外渡過了一個的通宵。

與此同時，還留在石洞中獨自呼呼大睡的伊娃及放在一旁的紹利亞之劍，也未知安薩斯和伊娃他們兩人已在出面睡覺著，而洞內的篝火亦已經熄滅......

同時，早晨的晨光亦照入石洞中......

「嗯......已經朝早咯......」

被晨光照著臉上而醒來的伊娃，矇矓地望著周遭的環境說道。

「咦......諾晴同安薩斯佢哋兩個呢？」

此時，伊娃終於發現了諾晴和安薩斯並不在洞內。

接著，伊娃在想了一想後，決定先走出外面找他們兩人。

然而，當伊娃一走出石洞時，卻在周圍望望的時候，立刻發現了還在互挨膊頭，就像一對情侶般坐下睡著的安薩斯和諾晴......

「嘩！你哋兩個做咩呀？」

伊娃對此頓時感到大吃一驚地說道，因為伊娃從未見過安薩斯和諾晴兩人會作出如此親密的舉動。

與此同時，奧斯拉亦自行從劍中走了出來，並在見洞內沒有人的情況下，走了出洞外看看，因而和伊娃一同看到了這樣一同坐下睡著的安薩斯和諾晴......

「嗯......」

在被伊娃突然叫一叫後，安薩斯和諾晴亦不約而同地醒來。

而安薩斯和諾晴醒來後，他們兩人才察覺到了自己原來是這樣互相挨著得有些親密般，於戶外渡過了一個的深宵，因而立刻分開並一同以尷尬的眼神對望著......

「點算好啊』我居然尋晚就咁同安薩斯佢坐喺到挨住瞓，仲要到第二朝俾伊娃見到......今次都唔知點解釋好啦......」

同時，諾晴有點慌亂和尷尬地在心中想著。

「原來劍主你尋夜就係咁同個男仔喺戶外就咁瞓埋一齊呀。」奧斯拉突然恍然大悟地說著。

「你哋兩個......唔通尋晚一齊喺出面做......？」

伊娃對於安薩斯和諾晴兩人在剛才睡覺時的動作，帶有點奸笑般問著他們昨晚究竟發生了甚麼事。

「冇呢啲嘢啊！唔好亂講！」安薩斯和諾晴異口同聲以否認的語氣回道。

「嘩......你哋兩個連講嘢語氣同速度都同步嘅，你哋兩個仲唔係一對？」伊娃以挖苦的語氣說道。

聽完伊娃這樣挖苦說著後，安薩斯和諾晴亦一同不由自主地臉紅……

「當然唔係啦……我同安薩斯只係普通朋友同暫時一齊住嘅室友咋，而且我因為尋晚攰得濟先會無意中挨咗落佢度瞓咋……」

諾晴嘗試澄清著她自己與安薩斯的關係。

「冇錯，就係咁。」安薩斯亦附和道。

「咁你哋兩個點解尋晚瞓覺嗰陣會無喇喇走咗去出面㗎？」伊娃繼續質問道。

「因為......」

諾晴準備嘗試向伊娃解釋著昨晚的事情，但此刻還在想如何交代是好。

「我尋晚瞓緊嘅期間，因為尿急嘅關係，就走咗出出面解決，之後返嚟嗰陣就順便見到諾晴佢一個人坐咗喺出面......好似賞緊月咁......」

安薩斯率先為諾晴代為解釋道。

「嗰陣時我因為一直瞓唔著，所以就想出一出去散一散心，之後見個月亮咁靚就決定坐一坐低賞月，之後就咁啱撞到安薩斯佢啦。」

諾晴打斷了安薩斯的話，並自行為安薩斯補上了自己會無端端獨自在外賞月的因由。

「之後我見諾晴好似諾晴好似有啲心事咁，於事就一齊坐低陪佢並開解吓佢，之後不知不覺就因為太眼瞓就瞓著咗啦。」安薩斯亦很有默契地接著諾晴說明道。

「冇錯啊，我同安薩斯會一齊坐喺到同會挨住一齊瞓純粹係巧合嚟㗎咋，絕對冇伊娃你諗嘅嘢啊。」

諾晴再次對伊娃重申著她與安薩斯並沒有甚麼不為人知的親密關係。

「呵呵…….你哋兩個啲口供又幾夾喎。」

「因為係事實啊嗎，伊娃你唔係唔信我哋嗎？」

諾晴立即驚惶失措地再次強調著她和安薩所說的均是事實。

「講吓笑咋……唔洗咁緊張嘅！」

伊娃見到諾晴如此驚惶失措的反應時，亦自知這次的捉弄對諾晴來說可能有點過火，於是亦決定收斂一下。

「伊娃你又唔好咁玩諾晴啦。」

安薩斯亦幫助諾晴對伊娃勸喻道。

「對唔住啊諾晴」

同時，伊娃也對諾晴為剛才對其說挖苦話的行為表示抱歉。

「唔緊要啦，我都冇真係嬲......」

雖然諾晴仍有些不齒伊娃的捉弄行為，但卻表示自己並沒有真的因而討厭她。

接著，安薩斯他們亦一同前往附近的一條小溪先進行最簡單的梳洗並補充水份，雖然當中奧斯拉亦跟隨著，但她亦表示自己並不用梳洗和喝水也可生存，所以只是純粹跟隨而已......

之後，安薩斯他們亦選擇在附近採集一些的野果作為早餐，其中奧斯拉亦有作幫忙，因為他們從考內利斯所帶來的食物基本上已經在昨晚吃完。

「嘩......真係好似真人版人在野咁啊......」

對於這樣在野外採集野果充飢的行為，諾晴在心中以在現實世界的一套電視節目來比喻著。

而在確認採集好足夠的食物，以及水壺裝夠了足夠的食水後，他們亦選擇返回石洞內準備開餐。

「呃......唔好意思啊奧斯拉，我有啲嘢想同你講一講㗎。」

「又咁啱嘅劍主，其實我都有嘢想同你講㗎。」

就在此時，奧斯拉和諾晴均突然表示有點說話想說給對方……

「對唔住啊！」

奧斯拉和諾晴不約而同地互相道歉，使她們均感到有些茫然。

「其實……諗返轉頭，尋晚我鬧劍主你嘅語氣的確係有啲過分咗嘅……亦都有啲不近人情同冇考慮咗你嘅感受，所以我想而家同你道一道歉㗎。」

「奧斯拉你又唔好咁講，其實依件事上面我都有錯㗎……雖然我因為我同你生命連結嘅問題係可能令我返唔到去香港……」

「但諗返起轉頭，如果唔係奧斯拉你幫我，我已經真係死咗，所以你可以話係我救命恩人，我尋晚咁樣失哂控咁發你脾氣都係唔啱㗎。」

在互相道歉之後，諾晴和安薩斯亦互相承認自己各自的錯誤。

「不過你放心啦……」奧斯卡突然拍著心口對諾晴說道。

「放心乜嘢啊？」

「就係之後如果你搵到可以返去原本世界嘅方法都好，我都願意冒住可能會失去力量甚至因為咁而死嘅風險陪你返去原本世界㗎。」

無獨有偶地，身為紹利亞之劍守護精靈的奧斯拉，雖然是擁有長生不老的生命，但同樣地如果這劍因故而完全喪失力量或摧毁的話，她也會因而死去……

「真係㗎？」諾晴難以置信地反問道。

「冇錯，經過尋晚之後我諗通咗㗎啦，你始終都係我嘅劍主，所以我點都會遵從你嘅一切決定，依個亦都係我嘅職責所在。」

奧斯拉同時向諾晴承諾會遵從於她的一切決定。

「好多謝你肯信任我呢個咁懦弱嘅劍主啊。」諾晴以感激的心態回道。

「咁睇嚟你哋兩個已經和好啦喎。」

伊娃走到她們兩人之間，並帶有點高興般說道。

「嗯。」

「咁再次多多指教啦，奧斯拉小姐！」

「你都係啊，我嘅新劍主！」

諾晴和奧斯拉各自向對方會心一笑說道，這也象徵她們一人一精靈也為昨晚大吵一架的事原諒了對方。

看來經過了一晚的反思沉澱後，諾晴和奧斯拉雙方也想通了並同樣意識到自己均有錯的地方，於是決定向對方道歉並決定要一同面對之後可能的難關......

「不過呢......你唔好劍主劍主咁叫我啦。」

「但係我嘅職責......」

「你叫返我諾晴啦，大家都係朋友叫返本名啦。」

諾晴真誠地表示希望奧斯拉她可以直呼其名。

「朋友啊......」奧斯拉細聲自說著。

「做咩事啊奧斯拉？」

諾晴察覺到奧斯拉自言自語著，於是對其關心問道。

「冇嘢啊！」

「諾晴佢對我真誠嘅方面同莉雅佢好似啊，佢嗰陣時都係咁樣希望我可以直呼佢嘅名㗎......」

在奧斯拉表面上對諾晴裝作若無其事的時候，她亦在心中另外想道。

而奧斯拉她也想起了一個女孩的名字，看來在過去時，奧斯拉是與這女孩有不可分割的關係......

「不過呢......你如果真係唔想講都冇所謂㗎。」

同時，諾晴亦表示不會勉強著奧斯拉一定要說出自己的想法。

「咕咕......」

與此同時，除了奧斯拉之外，其餘三人的肚子亦開始咕咕作響著。

「不如食咗早餐先啦，大家都肚餓㗎啦。」

於是，伊娃亦向在場其他人提議道。

「都好喎！」

接著，諾晴他們三人就開始把收集到的野果分配好了以作今日簡單的早餐，並各自在石洞中坐下進食，而奧斯拉亦選擇暫時不回到劍內並陪伴著......

第32章: 過去的光之劍

「奧斯拉，啲生果睇落好甜好好食咁啊，你都食啲吖。」

一名帶著仿似歐洲中世紀村姑打份，帶著劍鞘的深啡色及肩短髮少女，拿著一堆色彩鮮艷的生果並坐在地上對奧斯拉說道。

「我唔洗食嘢都得㗎，所以劍主你唔洗遇埋我嗰份㗎喎。」

奧斯拉婉拒了這名少女的好意。

「但大家都算係出生入死過嘅同伴喎，當然就係要分甘同味㗎啦。」

然而，這名少女仍然希望奧斯拉可以接受她自己的好意。

「但我只係劍主你嘅守護精靈咋喎，同你最多只算係從屬關係......」

「點會只係從屬啊，我已經當咗你係我同伴兼最好朋友咁看待㗎。」

「但係......」奧斯拉仍然有些的猶疑。

「唔洗但係啦，仲有你唔好再叫劍主啦，咁樣搞到我好似係奴役緊你咁.......你叫返我做““莉雅””啦，大家都係好朋友嚟，唔需要啲尊稱㗎……」

同時，這名稱自己為「莉雅」的少女希望奧斯拉之後都可以直呼其名。

「咁啊，劍主……唔係……莉雅你真係啊。」

奧斯拉微笑地嘗試以直呼名字的方式對莉雅叫道。

「冇錯，大家唔需要有隔膜㗎。」

在莉雅說著的同時，她亦主動把手上其中兩個水果分給奧斯拉吃，而這次奧斯拉亦欣然接受。

「朋友......同伴係咩嘢嚟呢？點解莉雅佢會笑住真誠咁講嘅？」

在接下了莉雅給予的兩個水果後，奧斯拉還是在心中想著朋友和同伴的真正意思。

「喂......奧斯拉，食唔食返個野果啊？試過個都幾甜㗎！」

突然之間，有另一把熟悉少女的聲音把奧斯拉叫回了現實......

「諾晴？」

「不過話時話......你做咩事頭先成個人發哂呆咁嘅？」

原來剛才奧斯拉與莉雅相處的情景只是奧斯拉自己的回想，所以諾晴一叫著，就把奧斯拉的意想帶回現在。

「我冇嘢啊。」

奧斯拉裝作沒事來回應著諾晴，並沒有把剛才突然回想起““莉雅””一事說給諾晴他們。

這是因為，奧斯拉認為就算說了都好，諾晴他們應該難以明白。

「咁不如食啲野果啦，或者成個人會舒服啲㗎。」

雖然奧斯拉裝作沒事，但諾晴卻隱約看出奧斯拉是有些未了的心事而悶悶不安。

「都好喎，就算我唔需要食物嚟維持生命，但都可以享受吓食物嘅味道嘅。」

奧斯拉接下了諾晴給予的一個野果並說著。

接著，諾晴他們三人與奧斯拉均一路吃野果並一路交談著，當中奧斯拉也加入了諾晴他們三人的聊天中，這也反映出諾晴他們已接納了奧斯拉為他們的同伴，同時奧斯拉亦隔入了這個的群體......

「不過話時話呢......我見到諾晴你把紹利亞之劍出現同佢發出嘅光芒，加上奧斯拉你提及過四,百年前嘅上任劍主，我又諗番起一個立夫尼斯歷史上嘅一件事，但唔知有冇關聯？」

在交談的期間，伊娃突然表示想起了一件立夫尼斯歷史上的事件可能是與紹利亞之劍的過去有關連的。

而在伊娃的提出了之後，現場的氣氛不知不覺間變得有些凝重起來。

「係......係咩嘢事啊？唔通伊娃你哋知道四百年前莉雅嘅事？」

在聽到伊娃這樣突如其來的問題後，奧斯拉頓時變得有些精神彷彿起來對伊娃反問道。

「點解奧斯拉突然間有咁樣嘅反應嘅？唔通佢口中啱啱提到嘅莉雅就係佢口中提過嘅上一任劍主.......」

諾晴見奧斯拉突然罕見地變得如此緊張及精神彷彿的反應時，就在心中開始推斷著““莉雅””這個人可能就是上一任劍主。

「咁係咩嘢事啊？」奧斯拉開始感到有些急促地追問道。

「係咯......我都有興趣想知吓啊。」

就在此時，諾晴亦同樣表示想知道，因為她想到如知道部份有關於這個世界的歷史，說不定可以從中間接這個世界的資料而有助於找出回到原本世界的方法……

「如果根據番我哋立夫尼斯大公國嘅歷史，喺四百年前嘅時候，當時只係國力好弱小嘅國家，而偏偏就喺嗰陣時，我哋國家俾一個叫做阿爾坦汗國嘅國家入侵......」

「阿爾坦汗國係？」諾晴不解問道。

「一個過去曾經建立喺尤加拉東面嘅一個大國，建立嘅王室喺嚟至於尤加拉以外另一個大陸嘅遊牧民族。」

安薩斯接著對諾晴簡略說明著。

在安薩斯解答了諾晴這次的疑問後，伊娃亦開始繼續講述著……

「而嗰時阿爾坦軍隊嘅士兵大多使用咗俾普通人強唔少嘅法術......」

「所以當初立夫尼斯對住呢隊完全唔能夠招架，最後喺就快攻到首都而亡國之前，突然有一名少女帶住一把發出好似晨曦光芒咁嘅光之劍出嚟戰鬥，而呢位少女嘅名就係......莉雅。」

「莉雅......！」

當奧斯拉再次聽到了莉雅這個熟悉的時候，亦不由自主地整個人也緊繃起來。

「奧斯拉......一提起““莉雅””呢個名就即刻咁大反應......睇嚟我頭先嘅推論應該係正確㗎啦......」諾晴此時在心中想著。


「而最後喺呢名少女同呢把光之劍嘅力量下，好奇蹟咁成功打敗咗對方嘅軍隊，拯救咗當時嘅立夫尼斯大公國，佢嘅故事亦俾後世所傳頌，而莉雅又被稱為““光之劍女英雄””，留存後世......」

伊娃約莫說出了莉雅這個““光之劍女英雄””的事跡。

「果然吻合啊......」

「奧斯拉......」

「莉雅就係我守護嘅上一任劍主，四百年前我哋所面對嘅所謂““阿爾坦汗國軍隊””，大部份就係惡魔化身而嚟嘅士兵......」

奧斯拉說出了當年敵人的真相。

「咁即係......歷史中所提及嘅光之劍就係四百年前嘅紹利亞之劍？」伊娃開始有點頭緒地問道。

「伊娃你講得冇錯，你剛才所述嘅歷史其實就係講緊我同上一任劍主......莉雅四百年前嘅事，當時又係惡魔又再次開始喺人界活躍起嚟，於是女神紹利斯就創造咗紹利亞之劍出嚟，並設定做只有半天使半人血統者先有使用佢嘅能力，希望可以幫助你哋人類對抗惡魔......」

「而莉雅嗰緊時同你一樣半被迫咁接受咗拎起呢把紹利亞之劍對抗惡魔嘅使命......因為佢都係有一半天使血統嘅人類，而佢嗰陣時就同你而家一樣......都係只有十五歲......」

奧斯拉開始把四百年前與阿爾坦汗國的戰爭，與紹利亞之劍上一任劍主嘅關係一一道來。

「十五歲就要被迫面對戰爭……」

諾晴為在奧斯拉口中，莉雅這名少女的遭遇感到悲痛及同情著。

「不過莉雅佢都堅強咁覺悟同接受咗呢個沉重嘅使命……不過可能都係同佢本身嘅遭遇有關……」

「莉雅本身嘅遭遇？」諾晴對此追問道。

「其實莉雅本來就係喺立夫尼斯嘅一條小村莊度過住平凡生活，但有一日，佢嘅村莊突然俾魔族襲擊同屠殺.......」

說到這裡時，奧斯拉的眼神亦變得尖銳及嚴肅起來......

已live 留名

Thx,多謝支持。