男友出軌，我決定送26頂綠帽比佢

食完野，繼續靈魂出竅。

禁下淘寶、禁下BeautyExchange、睇下今年最新星座運程......碌到無野好碌，去IG望下果個咩G奶擒拿手先。

2022年2月15日
在一個寒冷而抑鬱的冬夜
走進來一個大波妹
醫生 我喉嚨痛得死去活來
我肯定是得了性病

別怕 你只是中了Omicron
一生人至少會中一次
為了確保病菌沒有擴散
我揸了她的波和摸了她的lin
還讓她留院觀察一晚

第二天
我發現我也中了Omicron
我想
一定是大波妹傳給我的
她肯定趁我睡覺的時候
偷偷親了我一下
把沾有病菌的口水
放進我的口腔裡

既然我們同病相憐
接下來是該交配 還是交往嗎
都不是
我們是要交換病毒
大波妹脫下我的褲子
對著我的小雞雞說
來吧
你的唾液 肯定能治百病


一首鳩吹既鹹濕詩，有一大堆毒撚俾like，係正常不過既事。

最神奇既係，佢既女讀者同樣唔少，文藝姐姐、大胸美女、可愛妹妹、性感OL......好似收後宮咁一應俱全。

有個叫Rachaelnotrachel既女仔，應該係佢既頭號粉絲，每個post都有佢既留言。

Rachael : 多謝你既文字，陪伴我度過每個無眠長夜。
G奶：你中意就好
Rachael : 沖完涼 睇完文 食咗安眠藥 數咗一萬隻綿羊 都係瞓唔著點算？
G奶 ：DM我 陪你一齊等天光吧^^

睇黎G奶除咗征服小說既女角外，仲好俾心機，征服埋現實世界既女讀者。

不過都係既，無番咁上下功力，啲女又點會俾佢既文字charm到，願意同佢上牀呢？

我禁入佢個動態。

【在線服務，你問我揀黎答：輸入內容。】

我：你真係會呃女讀者架？

我會唔會問得太直白而且無咩禮貌 ...

G奶不但秒回，仲打咗水蛇春咁長既回覆。

G奶：識呃人係作者既專業操守之一。我會呃女讀者...既時間，睇下我既小說，中意就同我傾下偈，但唔會呃佢地既身體。

……

我以為咁就完咗個對話，點知過咗幾分鐘，G奶居然dm我。

G奶：新面孔喎。

唔知佢搵我傾偈，係咪想推銷佢本書呢？又或者係想漁翁撒網，執番件無知少女上牀？

正常黎講，網絡作家無時無刻都要打文，邊有咁多時間同讀者交流。

我：你記得哂所有女讀者既名？

G奶：唔理男女，只要係我既讀者，同我有過交流，我都會記得。

我：咁好記性

G奶：你咁靚女，我更加過目不忘。

我：點解你會寫甜文既？

寫得甜文既人，應該成個腦只得啪啪啪，起牀啪啪啪，食早午晚飯下午茶宵夜啪啪啪，番工啪啪啪，搭車啪啪啪，打機啪啪啪，瞓覺啪啪啪......啪到精盡人亡，啪到世界末日。

G奶：其他人寫既唔啱口味，咪自己落筆寫。有人睇，有收視，何樂而不為？

我：你寫同其他人寫既有咩分別？

所謂甜文，咪又係一輪前戲，中場以不同既體位拔出插入，達到高潮，完事。

G奶：簡單黎講，人地寫既係動作片，我寫既係愛情動作片。

我：咁你寫文會唔會一邊玩小雞雞架？

G奶：睇下咩角色啦。

我：你拍過好多次拖啦？

G奶：做咩對我咁有興趣喎...怕羞

我：見你寫埋咁多色情小說，好似經驗十足咁。

G奶：寫甜故，無非有三種方法。

一.上網求其搵部AV照抄/參考其他人寫既甜故，再加加減減拼湊成自己既故事。

二.發揮想像力，寫出極為離地既情節，例如：「佢折騰咗我成晚，我數一數地上既套，一共射咗九次」、 「佢錫咗我一啖，第二日我發現自己有咗」。

三.根據真實經歷改編而成，將自己變成故事中既主角。

G奶：少少經驗啦。

我：姐係幾次呀？

G奶：無特登去數，真係數，十隻手指應該數唔哂。

我：咁多，有無邊個女仔係你特別深刻架？

G奶：個個都好深刻印象。應該係話，每一個同我相處過既女仔，唔理有冇發生關係，我都會投放感情落去，記得哂佢地既愛好、習慣、性格、特點、講過既每一句說話。

我：咁你中學既時候，係咪真係有個中意食公仔點心蝦餃既女神，搬咗黎同你一齊住，會飛釘任你揸波，閒時露下肚臍大脾肉架？

G奶：小說黎啫，唔使太認真：）

我：咁你係咪好似小說咁，又有情人，又有女朋友，會同佢地去日本旅行，係酒店做不可描述既事情？

G奶：唔好研究我^^

G奶：不過其實我更prefer同陌生女仔去旅行，咁樣比較浪漫。

如果平常人咁講，應該會俾人話異想天開，幻想咁多，今晚早啲翻去瞓。但如果係作家，成件事又好似幾合理。

創作源於生活，生活發生既一切，都可以係寫作既素材。

所以，係作家既世界，生活同創作既界限會模糊，真作假時假亦真，有時甚至會分不清幻想現實。

G奶：講咗咁耐，你呢個問題少女又拍過幾次拖？

我：仲同緊我初戀一齊，四年啦：）

我望一望丁家岐，呢個時代，拍拖可以維持到三個月，已經要擺百日宴；維持到四年，真係一件好值得自豪既成就。

G奶：最中意咩體位？

呢個色情作家，都無黎正經既。做咩無啦啦講埋呢啲野。

我：我仲係處女黎。

G奶：做咩唔搞？

我：做咩要搞？

G奶：女仔都會有性慾，就正如女讀者睇我寫既文都會濕

咁我承認，每次同丁家岐錫既時候，下面都會水聲潺潺，返到屋企，除條底褲落黎一睇，全部都係透明既液體。

但性對於我黎講，始終係一道禁忌，係未跨得過既心理關口。因為扑完野，我就唔再係以前純良乾淨既乖乖女了。

我：有咪睇下片自己diy咯

可能作家就係有呢種能力，令人將平時難以啟齒既事，輕易就講出口。

我：男仔會唔會同時中意兩個女仔？

G奶：點解唔會？中意可以有好多種。

同G奶傾偈其實幾正，如果靜咗落黎，佢就會自己搵新話題，永遠唔會有冷場。

G奶：係咪因為你條仔做咗啲野，令你覺得無安全感？

作家果然係作家，咁識洞悉人心，咩都暪唔過佢。

我：佢有同另一個女仔係IG傾偈，不過咁又唔代表咩，可能係我諗多咗啫。

G奶：說話唔可以咁講，佢係你條仔，唔識避嫌，係佢既問題。

我：咁我應該點做？

G奶：必要時咪同個女仔決一死戰。

我：但我唔慣同人搶同人爭。

G奶：出黎同我食飯，我做你軍師，過幾招俾你。

我：你係咪想呃我出黎上牀呀？

G奶：你唔信咪算。

我：落堂啦，遲啲再傾。

望一望架鐘，吹咗半個鐘水。鬼叫我無聊時佢又得閒。

不得不承認，文字上，佢係幾有魅力既。

巴打好

高潮is coming soon

你黎咪有位~準備埋啤酒花生is ok

你個名好熟口面...

夢是另一個平行世界所發生的事

拔J無情 中出即飛

來了~轉季好眼瞓~終於有秋天的感覺~

好掛住你呀

就算唔轉季 我日日都眼瞓

推推

Lm

我愛樓主 樓主愛我

我：終於番到屋企...玩咗兩晚，好攰

G奶：Staycation?

我：係呀，無得去旅行，頂住癮先

G奶：我都好掛住日本

我：下次去日本，寄張明信片俾我啦。

G奶：請埋你去都得啦

聽落似引誘欺騙少女既伎倆，我先唔會信。但開關解封遙遙無期，吹水唔使抹嘴，同佢一齊FF下都開心。

我：財大器粗的傢伙

G奶：妳就粗！睇我寫文都知我專家嚟啦，唔好諗住同我一人一間房，我最多瞓地板

我：你真係會去日本實地寫作架？

G奶：對上一次，請埋個女優番黎，佢係我面前慢慢除衫，我一路望住瞇眼咬唇搓胸，一路寫文，寫到靈感如泉湧，一瀉千里，一發不可收拾。

我：好靚女架？

G奶：三四線小女優咋，瘦底清純樣，乖乖女，有初戀feel。

我：你中意清純type？

G奶：個樣啫。

G奶：做得呢行，內心一定唔會清純得去邊，因為咁樣會變咗係蠢，會俾人呃的。

我：咁請一次要幾錢？

G奶：要四千幾蚊，再貴d就俾唔起。

我：好燒錢呀

G奶：點都抵過搵港女拍私影既，唔識擺姿勢，脾氣唔好，呢度唔露得，果度唔俾影，除多件衫又要加錢。真係激鬼氣。

我：我以為你會中意性感大波妹

G奶：我初戀咪係...最後失敗收場

我：係咪你曳曳，口花花走去flirt其他女仔呀？

G奶：我邊有，最多咪昅下自修室女仔既裙底，幻想下同佢地做愛。

最曳果次，同大波妹去高級餐廳約會，趁啲侍應唔覺意，換咗佢地既音樂。

我：播咩歌啊？

G奶：有無聽過My Little Airport既浪漫九龍塘?

我：無啊，唱兩句黎聽下

G奶：我們終於去到了九龍塘~在城大旁的酒店爆房~你臉上沒有一點點的徬徨~我們都似是很開放~

佢把聲又幾好聽，難怪呃到女讀者上牀。

我：咁小朋友架你，實俾人鬧啦？

G奶：個經理望住我，塊面黑到想將我斬開十八碌咁濟...

我：你最後有無同大波妹去爆房呀？

G奶：那一夜，我在雅息士道失去了我的初夜...

我：咁點解會分手？

G奶：佢同我講，話只係當我係水泡，唔好認真，宜家玩完要飛我...

我：渣女一名，俾個抱抱你啦。

G奶：呢件都係我人生既一大憾事也。

我：真係睇唔出，你既故flirt女flirt到人地出哂水，食得既女都俾你吞哂落肚，仲要本本都係happy ending。

G奶：其實寫bad ending既收視會高啲，同埋印象深刻啲。不過既然現實咁殘酷，就留番啲美好幻想俾讀者啦。

完美既結局太平淡，帶點遺憾既結局，反而會令人刻骨銘心，例如患上絕症陰陽相隔、失憶之後移情別戀、因為誤會而老死不相往來......

人天生對未完結或者無結果既事耿耿於懷。

例如話，我細個暗戀過一個大哥哥，叫Holiday。

高高瘦瘦，成枝竹咁，著白T-shirt，孭住黑色Addias運動袋，自己一個落黎練射籃。

嗖一聲，穿針入籃。

嗖一聲，個波飛落我個頭。佢一支箭咁衝埋黎，摸摸我個頭，問我有無事。

嗖一聲，佢每日都會陪我玩，請我食牛奶樂，話我係佢妹妹，會好惜我。

嗖一聲，佢失咗蹤，冇再出現過。

我到宜家都好好奇佢去咗邊。

我：咁你仲有無掛住人呀？

G奶：晨早嫁咗人啦，仔都生埋，宜家變咗大肥婆，日日買餸湊仔煮飯買淘寶了。

我：而你就做咗大作家。

G奶：邊係，寫埋啲濕鳩愛情故啫。

我：寫甜故寫到可以出書，好勁啊你

G奶： 自資出書...有錢個個都可以做到，並唔係咩了不起既事。

我：咁賺得多唔多架？

G奶：我寫文又唔係為賺錢，收番成本價炸

G奶：上一次印實體書，係應讀者要求，佢地話想收藏。一口氣印咗800本，賣完就無，校對、印刷、搬運、送貨都係我自己一手一腳搞掂。

我：你投稿俾出版社咪唔使自己煩。

G奶：我寫既野，男既腳踏三四五船，女既風情萬種搖曳生姿，出軌偷情約炮咩都齊，有人會理解為渣男渣女，同仁義道德背道而馳，出版社唔會中意。

G奶：最受歡迎既網絡小說，一係就危害社會，一係就係啲有毒關係。

我：大人最驚小朋友睇呢啲書，話會學壞，不分是非，不過佢地自己又會睇，好矛盾啊。

G奶：價值觀本身無分好壞...

G奶：正人君子屬少數，無恥之徒何其多，皆因行苟且之事使人快樂。

G奶：使唔使送番本實體書俾你呀？

我：已經有啦，係酒店執既：）


我：其實你既小說有啲似劇本，不過劇本會有好多XX地既形容詞。

G奶：用語氣詞取代形容詞...都係我其中一個追求。例如你扑扑下野，一個吓字，已經可以表達到驚訝既意思。吓？咁短既？吓？你入咗去架啦？吓？咁就完啦？

我：我會記得下次扑野唔講呢個字

我：你篇小說最勁既地方，在於只寫日常對話，但係又會令人好想睇落去。

G奶：就好似同女仔傾計一樣，毒撚傾黎傾去，都係食左飯未？食咩飯？好唔好食？夠唔夠熱？碗飯幾多錢？隻米咩牌子？你聽到會有咩感受？

我：嗯，佢似係對碗飯有興趣多啲

G奶：咁咪錯技巧囉...想追一個女仔，唔係靠尷聊，而係要撩起佢既興趣。寫文一樣，寫讀者鍾意睇嘅嘢，佢地覺得有意思，先會追落去。

我：係呢，你覺得我易唔易追呀？

G奶：係個值得珍惜既好女仔

我：你又知？我地都未見過面

G奶：出黎同我食餐飯，我再答你呢個問題

我：我地先識咗一日，會唔會太快呀？

G奶：覺得同你啱傾，想帶你去食好野啫，唔使諗太多

天下沒有免費既午餐吧。

雖然我同佢幾啱傾，但唔代表我對佢完全冇戒心。可能係我有偏見啦，我始終覺得，所謂既網上情緣，都係呃蝦條。

我：疫情爆得好勁啊，不如遲下先啦？

G奶：我無所謂，你話事

我：仲以為我話唔去，你會即刻唔理我添

G奶：見唔見面都好，妳都係我珍愛既女讀者，訴苦解悶隨時搵我

我：唔使陪女朋友或者情人或者炮友咩？

G奶：都話我冇炮友

G奶：咁佢地都要返工既

我：你會唔會係條街左擁右抱架？

G奶：限聚令收緊至兩個人...抱條毛咩

我：多得疫情，我連Last Day都無埋：（

G奶：你今年畢業？

我：係呀

G奶：今屆畢業生係慘啲既...

我：簽名影相、寫紀念冊、全級集體去飲茶...一件都無做過，咁就各散東西，無得好好道別。

G奶：我當年都係一放學即走

G奶：反正畢業之後都可以再約見面，唔熟無咩兩句既就求其啦：p

我：唯有咁諗啦。

你就係大奶奶?G都唔係好大．

以後多啲露面~

再唔出現就俾奶蓋追住黎斬了

春睏 冬眠 夏乏 秋倦

有新讀者~你好哇

俾你搶咗我對白

我是小平胸~大奶奶不見了