(轉載) 女到中年, 搵男朋友真係咁難?

呢篇野係轉載自其他討論區, 不過我覺得有啲道理, 想比大家睇一睇


(唔係撩交嗌, 唔啱聽可以唔使回)
***********************************************

女到中年, 搵男朋友真係咁難?

呢排成日見到呢度唔少中女話好難搵到男朋友. 又話"只係"想搵個正正常常, 樣貌收入中等, 無不良嗜好既男人, 但都係搵唔到, 唔明點解. 其實, 答案都係不離果三樣.

1. 你既要求離地, 無視"市面上"仍然單身但又想結婚既男人, 點解仲係單身.
2. 你無正視你自身既條件唔match你既要求.
3. 你無行動.

事實上, 一個"正正常常, 樣貌收入中等, 無不良嗜好既男人", 在一個以三字頭女性的擇偶市場上, 並非"屈就", 乃是"筍盤".

先講要求離地. 以三字頭的適婚女仕來睇, 去到月入十萬, 有車有樓果啲所謂"筍盤", 除非你自問係超靚女超有身材果種, 否則佢鍾意你你都唔會考慮 (正如一個月入二萬既男人, 唔會走去追baby一樣). 另一邊, 唔好話少過香港收入中位數, 就算係中位數果批, 一個月入一萬四千七既男人, 係唔會有能力結婚買樓 (除非靠父蔭). 既然係"中位數", 即係話, 咁樣已經至少篩走大約一半適婚男人.

條件太好既唔會啋你 (係都揀二字頭), 條件太差既你唔會啋佢 (無經濟能力結婚), 拍緊拖既都唔會啋你, 果度已經講緊一大半人. 再扣埋有不良嗜好, 唔想結婚, 結過婚, 只係想搵SP, 賣保險, 騙財騙色既騙子, 外表太差, 住得太遠, 工作太忙, 性格不好, 生活習慣相差太遠, 要同奶奶住等等等等......之後, 你認為, "市面上"仲會有幾多個"正正常常, 樣貌收入中等, 無不良嗜好既男人"可以俾你揀? (已經未計最基本果樣, 你同佢係要"識"既)

中女, 特別係自問都算係"正正常常, 而且幾靚"果班, 成日覺得只不過係一個"正正常常"既男人都已經算係屈就, 但你諗真啲就會明, 呢班男人對你嚟講, 並非屈就, 乃是筍盤.

因為覺得屈就, 就會衍生出第二個問題: 覺得自己既問題唔係問題.

我見過有中女咁講, 我都只不過係肥啫, 無其他問題, 唔明點解搵唔到. 無錯, 呢個世界, 唔係個個討厭肥, 但鍾意偏瘦係主流, 呢個係現實. 正如有人話, 我都只係一定要搵番教徒啫, 無其他要求. 但相比起非教徒, 呢個世界仲有幾多個單身教徒可以俾你揀? 你硬係要令自己脫離主流擇偶條件既一群, 咁最後變得難搵, 係好合情合理既事.

又或者, 正常地, 一個女仔去到三字頭, 身邊差唔多年齡既男仔, 好既大部份都已經俾人mark晒. 剩番落嚟既, 大把二字尾既女仔爭住要. 如果你仲要係覺得搵個四字頭既男人係"屈就", 咁你覺得難搵, 又有何出奇?

當你去到三字頭, 但你仲係用緊二字頭既標準去揀男朋友, 除非你個外表仲可以扮二字中, 二字尾, 否則, 難搵係好正常既結果. 如果你仲想要埋果啲"正正常常, 樣貌收入中等, 無不良嗜好既"但只係大你幾年既男人, well, 咁你唯有繼續呃自己, 只係緣份未到.

**********************

另一方面, 去到三字頭既男人仲單身, 點解? 好多女人會幻想, 哦, 佢地大多數可能係遇人不淑, 拍咗幾次都唔啱, 浪費咗多年青春, 所以到三字頭都未搵到啱既人啫! 簡單嚟講, 就係將自己既遭遇, 代入對方身上.

無錯, 其中有少部份可能係咁. 但其他呢? 去到三字頭仲單身, 最大既原因係, 無經濟能力 (女人講樣, 男人就講錢, 唔好話無錢, 無經濟能力結婚既男人, 相等於或低於入息中位數既男人, 市面上比比皆是), 其次, 係性格唔好, 唔識同女人相處 (所以拍極都散). 然後, 無心結婚, 未玩夠, 個底太花 (例如玩過SP), 不良嗜好 (例如爛賭), 仲未計, 離過婚, 喪偶, 有小朋友, 裙腳仔, 算死草, 扮單身搵小三等等等等.

二字頭既男女, 大家心態上仲係比較單純, 而且性格未固定, 大家容易夾到. 去到三字頭, 大家入得社會大學太耐, 個防衛網已經變成萬里長城, 而且性格定晒型, 更加難搵夾到既人. 好既多數俾人揀晒, 想搵到好既就要有好既眼光.

所以, 三字頭既女人, 一定要改變自己既心態. 唔好再成日以為, 一個正正常常既男人係一種屈就. 如果你明白, 咁既年齡層, 一個正正常常既男人其實係一個筍盤, 你先會容易接受, 其實喺你心目中, 果啲"無法接受"既男人, 其實先可能係你既Mr. Right.

其實二字尾已經係啦
外表 OK
經濟條件 OK
性格好 錫你
其實三㨂二
三樣都 OK = 荀盤

港女潛伏期:
14-18歲時, 青春無敵, 只要你唔太樣衰, 基本上唔會冇男朋友, 因為一定有男仔追, 情竇初開半推半又一齊左, 呢個時候個處最容易比左人, 開心咪得

港女第一期:
18-22歲時, 青春仍在, 進入花花世界, 係Ocamp識到一個新既, 立即比較現任, 覺得佢好唔成熟同好多不足, 好自然就受唔住誘惑棄舊迎新, 然後一句come on James, 同時覺得「男追女」係必然, 亦發現「原來可以有更好既選擇」, 再收埋兵發現都真係冇野可以輸下. 拿, 個處一早就冇左嫁啦, 於是好容易同人做愛, 做愛次數極速上升

港女第二期:
22-25歲時, 離開校園, 投身社會, 知道錢既重要性, 覺得昔日既籃球隊隊長, 搞笑幽默開朗型男仔都是笑話, 公司遇上有錢男士, 即退化成拜金港女, 用「上進心」同「安全感」去量度男人, 平凡既男仔絕不會睇上眼，或者收佢做兵, 將自己睇高一線. 覺得男人其實都幾易得到. 當然做愛已經是家常便飯

港女第三期:
26-28歲時: 青春難免走下坡, 但依然以昔日把尺去量度男人, 心有不甘但仍然覺得The best is yet to come. 因為以前都係男追女!!!!!, 我只須要坐係度等就有自然人要!明明以前都係咁!!!!

港女第四期:
29歲或以上時: 發現完全唔夠後生女爭, 知道自己真的老了, 開始心急, 昔日平凡男初有小成, 開始後悔錯失潛力股, 覺得男女唔平等, 因為女人冇男人咁襟老! 完全忘記自己後生時所得到既風風雨雨.

有男朋友而又識左冇耐既, 由於以前累積左太多黑歷史，被問到往事會唔想提起。問多兩問就話「你係愛我既就要包容，唔可以介意我既過去」，跟住又點解男人遲遲都冇計劃結婚, 係咪佢唔愛我? 如果愛點解冇計劃結婚? 佢知唔知我唔等得? 知唔知結婚係對我一個好重要既保障同「安全感」? 萬一佢拖到最後同我分手搵第二個咁我點算? 點解佢咁自私唔考慮我既情況?知唔知我青春有限?佢係咪浪費緊我既時間？

進入婚後生活，心裡總是不甘平凡生活，不斷比較同性朋友老公優劣，眼裡只有沒有的，而不是已經擁有的。埋怨老公冇上進心同失去安全感，然後說「我冇諗過結左婚之後都要捱！」。

港女未期:
最後搵人埋單不逐及得不到任何男人時: 埋怨世上所有男人都是賤男, 覺得單身就係最好, 咀咒結左婚既總會離婚. 職場上要求所有同事加班勿拍拖遠離節日.


其實睇返港女成個人生都真係幾bitch下, 咩時侯都要嬴哂, 以自己利益為先

其實絕世筍盤陳豪成40先結婚
香港真係好多負能量
做男人、女人都好大壓力

算啦理人咁多做咩
個個人嘅人生時間表都唔同
佢地過得開心就OK

大家加油正面d

唔相信可以改變身邊果個做荀盤先會咁

因為沒人鍾意失敗 最後一係承認 一係否認

一個宇 眼高手低

不論男女

30歲都未搵到終生伴侶

九成都唔會結婚生仔

儲下錢自己一個過世算啦

或者間中搵個短期伴侶攝下時間


但老左 個人行動不便 你身邊個個人都有仔女阿孫

到時你有幾多錢都無用

呢個係我而家唯一生仔嘅動力 每個人都害怕老去

男仔放鬆d
啱嘅伴侶會令自己嘅生活更加開心&真係會有果種幸福感

女仔都放鬆d
如果有搵伴侶打算嘅
遇到合適嘅人就大膽啲去試

係香港離婚率近40%嘅環境下無話人一定要結婚
最緊要搵到啱自己嘅嘢（eg生活方式/另一半）

香港人已經好大壓力
呢方面大家都可以non-judgemental d^^
已有合適伴侶嘅好好珍惜
未搵到嘅就open-minded d去睇自己&件事
無打算搵嘅就忠於自己生活模式，過得開心就好

你估呢D班中女唔明咩 好多原因加加埋唔想面對現實 另一問題係鍾意比較
外表中等有人溝既 又會覺得自己屈就 再唔係就有個拜金老母

咪就係俾d狗公縱壞晒囉

我一路都唔明點解陳豪會被稱為絕世筍盤

唔好啦
到佢地馬死落地行時就會覺得自己係紆尊降貴
你地欠左佢，最後都係班男人食屎

都係一句, 我係a0毒柒都覺呢post好悶

我都覺得係圈子問題，大把柒/差過我都有個正正常常既女朋友

巴打好正面

冇錯，佢哋就係清楚明白先玩盡

玩下Hmd 成日都見到好多過30

記住一樣野, 你係求愛

即係你生仔係為咗自己年老有人照顧？

聽落有d 自私

又一仇女post