人愈大 發現一個人先係最好

一個人想去邊就去 食咩就食 唔洗就另一個人
亦都唔洗睇另一半嘅面色 處理佢嘅情緒
仲可以慳返D錢 留嚟養老

愈大就覺得拍拖好曬精力
由open up去到踏出第一步 已經要鼓起好大勇氣
對方又未必會接受
就算係埋咗一齊 到之後感情淡 又食之無味 棄之可惜
衍生其他問題 例如出軌、對厭、嗌交呢D 真係互相折磨
拍拖嘅開心往往同傷心都好難成正比
單身並不可怕 全力支持單身主義
唔需要怕寂寞 習慣一排就感受到自由嘅可貴

望住咁多個痴男怨女
一日N個 分手離婚蝦條post
單身先係最大嬴家 食住花生等睇戲
唔會受到任何傷害
請大家一齊加入單身主義行列 日日都開開心心

我睇你捱得幾耐！

嘿，第日你一個人坐係公園，人地呢就一家大細，你呢？就孤苦伶仃，到時你就知味道！

今日疑似享受，他日百倍奉還！

都係嗰句,唔好怕寂寞、想有人照顧而搵個人
人地拖低你生活水平
完全浪費人生

殺妻教授嗰啲已係好例子

生完之後 好易有家庭糾紛
個仔一陣怪返你轉頭 老婆又鬧你
聽過好多case 個老公寧願收工坐係車度都唔願返屋企
為生活而一齊落去 好可憐
到底係咪真係會有happy ending

你淨係睇啲壞嘅方面啫

例如你話要照顧人哋情緒好麻煩
但其實in return你都有人可以照顧你嘅情緒

其實係 好多都係怕寂寞
然後求其搵個人一齊/埋單
一開頭實開心 耐咗就會有好多問題浮現出嚟
講真啦 有咩一個人做唔到
自己嘅開心同快樂 唔應該靠另一個人比你
自己都比唔到快樂自己 仲憑咩同人一齊

聽過好多case？訓醒未呀！

係你專揀d婚姻失敗case聽入耳呀！特例當通例，笑死人咩！

我親戚就做big 4 既，前排買左1100呎3房2廳2廁1儲物房，黎緊打算生多個，本身有工人隨傳隨到既，生活美滿幸福喎，你係咪當睇唔到呀！下？

食緊早餐比你搞到嘔返哂出黎再食返。

你講呢啲都係人嘅問題啫
又唔係個個都係咁

除非你都覺得自己真係唔識同人維繫健康嘅關係啦

唔同意
你識照顧人 =/= 人地照顧番你
更多數既情況係會縱慣左
照顧人既人多數都係無咩人照顧

你當我係啦
但我單身嘅時候真係好peaceful
同人一齊個情緒起伏反而仲大
好容易比另一半影響
最起碼一個人唔會嗌交已經舒服好多

咁祝佢地生活美滿幸福啦
我諗香港唔係個個都住到1100呎又唔憂柴唔憂米

又唔好講得咁衰
唔抵得係一回事
但我相信有啲人真係唔識同人相處
所以會覺得拍拖好辛苦好吃力

睇得太多負面嘢
已經覺得冇咩嘢係自己一個handle唔到
可能咁講啦 有人可以聽我講嘢 照顧我
呢個係bonus 但係最主要嘅都係自己搞掂

唔想扮gay

婚後撚表示認同

有時都講緣份，唔係講遇到個好鍾意嘅人，而係遇到一個相處舒服，唔會將啲爛情緒渣都冇隔掉曬畀你嘅人

人係犯賤既. 當你有另一半既時候, 又要埋怨太多束縛, 太多遷就, 但唔會感恩另一半係你寂寞同難過時陪你一起走過, 或者係開心時點同你分享.

當你無另一半, 大時大節, 或者真係連朋友都再無時間陪你, 再唔係你鐘意寂寞, 而係寂莫鐘意你既時候, 日日叫春都叫天不應唔地不聞, 你就知寂莫其實都唔係真係咁好玩.

始終人係群體動物, 點都要同人交流, 唔係情緒好易出問題.
有伴但間唔中攞個 permit 獨處, 易過你無伴時想搵人陪.

當然一個唔適合既伴侶, 真係會令人想死...

無論感情幾穩定
到生離死別嗰下都係一次過食返曬
除非兩公婆一齊死

情緒垃圾桶會以為自己做緊社工咁