[不推文]玩咗交友app一排勁有感(62)

可能賣你資料姐

晚安各位

啱啱睇到有呢個台, 終於搵到有班人可以爐太好了
小弟23歲A0, 玩咗三年, Tinder, omi, CMB, HMD, Sweetring, Goodnight, 探探, 直到而家前2個仲有active玩
自問小弟個樣真係唔係好差, 一般樣, 有個人興趣charm, 社交能力都ok, 同咩人都吹得水, 身邊都好多女仔朋友, 絕對唔係毒L, 個個人都唔信我係A0. 玩嗰陣又唔算太過挑剔, 高峰期都一個禮拜10 matches（而家少咗好多, 冇乜碌了
但係玩咗咁耐, 都唔知點解可以喺感情上完全冇發展（成為fd有的, 但真係少）, 唔係講幾句就對方消失唔覆機, 一係就match+開場白完又唔覆+唔unmatch, 一係就一齊話換app傾但俾咗又唔搵我 (就算大家傾得好好, 有共同興趣都係冇機), 一係就中途已經出咗pool etc...
呢啲嘅體驗令我不斷懷疑自己, 諗緊係咪自己嘅問題, 越嚟越depress, 跟住就上網睇唔少嘅教學, 想搵個原因, 但明明自己完全一個錯/死忌都冇做過, 而且對話或者開場白都基本上都係網上啲教學話ok嘅內容, 但就係不斷失敗同失敗, 反問究竟自己係咪真係咁差, 係咪love disabled, 係咪一嚿垃圾... 然後玩到心淡del app
當我以為自己接受咗單身同失敗嘅現實, 心態開始平復返又download番嚟玩, 情況都係冇乜改變過, 心態就冇以前咁down, 唔傾就唔傾, 好似冇嘢咁, 但有時一到夜晚好似而家咁就會諗起開始負面, 除咗懷疑自己仲會同身邊嘅人比較, 例如諗緊點解我身邊啲朋友嗰個玩交友app可以識到另一半, 有啲仲可以散完之後好快搵到新, 有啲仲要樣衰/摺/毒過我, 真係好辛苦+攰

唔知有冇人會睇曬成篇嘢啦（想同咁多同路人講you are not alone）, 我真係想呻下, 但身邊全部都係成功例子根本冇人明白
同埋真心想問大家我究竟衰啲咩

晚喔各位

早喔各位

女朋友之前係Hmd識
散咗

A0毒撚想搵女朋友 呢排玩過探探 friendie，得探探有約過一個女仔出街，但其實個女仔都係應該係D醫美sales，探探真係勁多sales，friendie都多騙徒。

呢家轉玩omi感覺好好多。