想多請教2個大眼雞洗衣機排水問題

換左西門子大眼雞
第一次用大眼雞
想多請教2個排水問題
一般清洗過程中，在過水階段
會聽到排水泵會先響一聲
一口氣排一次水，水都差不多排清
之後一直轉動期間會聽到排水泵多次不停重覆起動是正常的嗎？大約10至15秒一次
不停重覆起動期間，排水管出口只有少量水流出

另一問題是
正常這個位置會拆下的嗎？（圖網上找的，因已被拆下）


因為安裝時，可能因為去水管長度問題
被安裝師傅拆下了，他把去水管在大約20cm高位置綁緊
之後直接放在地上，再接到我原有的高去水位
這樣可以嗎？

1. 你呢部係新機定二手機？
2. 排水操作部部機都有少少唔同 睇你的描述應該排到水 冇問題
3. 排水管個扣用黎fix 位 only, 排到水就冇問題
4. 你講左咁耐都講唔出部機有咩問題 其實係咪冇任何問題 純學術討論？

即係你驚個bump 以為有水不停重覆工作？點解唔睇manual？

去水位要睇你高水位定低水位，宜家d 水走到就冇問題

1. 新, 不過裝幾個師傅好流， 牆身肚臍蘇搞咗成半個鐘， 仲要整爆咗個肚臍蘇面板
2. 因為以前用日式機都係高水位有排水泵， 但就冇聽到排水泵不停響，第一次用 大眼雞 嘅見佢不停響又大聲
3. 因為我見得呢個扣環係用螺絲上住， 其他嗰啲（例如最頂）係就咁拍落去， 喺電器舖 睇過lg機背係寫住不可拆除， 所以有的困惑
4. 機內水位去到高嘅時候，大約1/3 機門高度
會有啲水係排水喉位流出嚟， 如果機內水位部部機繼續入水，會 一路入水一路出水，其實係唔係正常？

係呀
我有睇過menu呀，但係佢冇講過排水泵會唔會不停響

高水位黎
水就排到走嘅

我部洗衣又係安裝師傅鳩流流，裝到漏水。要我再番手

1. 不予置評 乜而家唔係買機送基本安裝架咩
2. 所有洗衣機高轉fing乾衣時都會不停抽水走 唔抽齋fing 轉頭咪又濕番晒 ... (有錯請指正）
3. 理論上係迫你上一個高位再去水防倒流 咁你個設計最後都上番一個高位先去水 咁問題應該不大
4. 唔明 你條去水喉漏水？

1. 佢整爛咗個面板仲要扮曬唔知冇見到, 跟住畀我喺𨋢口佢揼果啲垃圾度搵返

2. 聽你咁應該係正常，可能我自己唔慣姐

3.4 . 姐係入緊水嘅時候，去水喉出口有水流返出黎。會唔會係因為我個高水位條pvc喉其實唔係真係好高，大約3-40cm咁上下，所以機出黎條去水管喉最高點都係得3-40cm咁上下， 可能因為咁樣所以keep唔到高過1/3機門水？ 之後我自己搵條喉駁長咗條去水喉 ，係機背啲扣環到掛返高條喉， 好似就冇漏啦

有排水泵 keep唔keep水位唔關事

高地台30/40cm ? 咁唔夠wor
條膠喉可唔可以拉番高d
(不過佢拆得你ge 都應該係唔夠架啦）

房署個原裝係咁矮
可以嘅話想盡量唔改完裝喉
改左以後無房署維修

不過我睇說明書
見佢話0-100cm都得
而家駁長左條喉掛高係機背
再去返個”偽”高去水位
唔知咁得唔得

0-100都得係因為佢原先掛高左
你掛番高就得 但果條軟喉要駁番好唔漏水

新機直接claim保養咪得
你話部機好嘈好似排唔到水
唔洗係道估估下

完

去完水，開始脫水啲衫一路fing就一路有水出，個pump咪不停少少水少少水咁抽走，好正常呀