火鳳燎原集中討論區 (7)

對劉備好忠誠的，打漢中個陣仲要專登拎盾守住劉備

即係好似郭嘉，陳平咁，品行差先諗到奸計對付敵人。

最重要夠地痞 先可以有辦法氹掂同為老粗嘅劉備聽佢支笛
郭嘉都係夠放盪 先可以氹掂到同樣放盪嘅曹操

簡單啲講 呢啲人同老闆臭味相投

劉備之後入蜀搶寡婦都係法正水佢去

但同投降派聯姻真係好橋嚟

係好橋 而且寡婦當時大把人改嫁
法正係識比位劉備上

吳懿同吳班正史跟孔明北伐都幾有戰績。
兩個都升到上三將軍個位，吳懿係孔明死後仲做埋漢中太守

下集應該催淚，孫淑最後一次見火哥

雖然劉備娶吳氏 但應該只係純粹安撫劉焉元從派
對吳懿吳班應該係無咩器重
即帝位個時 吳懿都係得個虛位嘅關中都督

真正受劉備器重嘅應該係李嚴
不論治理定領軍都有實績
蜀科戰隊成員
(有說法係蜀科5人組分別代表劉備手下各個派系
李嚴可能就係代表劉璋手下武官一系)
漢中之戰期間以五千兵打敗幾萬叛軍平亂
因為咁而獲封有特殊意義嘅輔漢將軍
劉備臨死前有份作為托孤大臣
雖然同諸葛亮有主次之分 但係都有確實嘅權位
可惜之後就俾諸葛亮開府架空

劉備估唔到嘅係李嚴真係咁閪
人際關係衰到連諸葛亮將佢架空專權都無任何聲音出現
加上佢本人孤高嘅性格
令李嚴走上行奸謀權嘅不歸路

李嚴又自己拎嚟衰 諸葛俾佢地位都唔低
佢成日又走去串諸葛走去加九錫

最後北伐斷糧誤報比人做係抵佢死
明明鹵城之後司馬係天水都開始缺糧

黃權李嚴算係最器重

黃權劉備征漢中荊州都帶係身邊

張飛死之後黃權接頂佢 統領一路偏師

可惜被逼投降

唔係李嚴個尚書令其實係比黃權多啲

李嚴當初地位好明確 巴州東大門歸佢所管

其實點解大耳咁睇得起李嚴
托孤都提起佢

因為佢的確有料
內政治軍都有能力
蜀科 平叛 巴郡都有政績
諸葛北伐都有委佢督漢中

衰係衰太串
成日想同諸葛平起平坐
要求益州一分為二 將巴郡劃分為巴州比佢

咁結果上諸葛亮的確係剝奪咗李嚴嘅權力 (不論有意定無意)
本身李嚴尚書令同諸葛亮錄尚書事係平分尚書臺
但係因為李嚴被留係永安 失去係中央爭取嘅機會
到諸葛亮開府 可以直接發出政令之後
李嚴嘅尚書令就已經完全等同虛設

亦可能因為咁 諸葛亮之後對李嚴多處忍讓
加九鍚之言只係書信間言談
提議置巴州都只係純粹謀取權力
以上行為並無造成實質損害 所以諸葛亮就由得佢
甚至曹真伐蜀時表佢為驃騎將軍黎換取李嚴出兵增援

諸葛亮真正接受唔到嘅係四伐個時
但唔係因運糧不便引致退兵呢點
而係李嚴呢頭叫諸葛亮退兵 呢頭又扮唔關自己事
仲係劉禪面前搬弄是非
唔單止推卸責任 搵人做替死鬼 仲做謠生事
如果單純運糧不便呢點 其實諸葛亮多數唔會對李嚴點 (因為係天氣問題)
偏偏佢就想借機會拉諸葛亮落黎
結果諸葛亮忍無可忍 終於向劉禪建議廢李嚴為庶民

至於四伐時運糧不便問題係確實存在
諸葛亮都係問李嚴意見 李嚴叫佢退兵 當中唔能夠話李嚴有錯
蜀軍就算有係上邽偷割麥亦唔見得足夠打長期戰
(事實上魏軍都有郭淮逼羌人提供物資黎維持補給)
所以之後就出現五伐嘅"係你面前種田"奇景
諸葛亮如果長命d真係有機會

黃權真係好可惜 前期益州人當中最受重用應該就係佢
如果佢仲係蜀漢 益州人受起用嘅機會應該會大大增加
唔使等到蔣費時期先開始重視益州人
之後到滅蜀戰個時本地勢力都唔會一面倒支持投降

唔單止李嚴 成個蜀書十都係閪人
全部都係自己某d行為而招致惡果

玻璃心G8人大集合

益州人、東州人各懷鬼胎，自己利益大於復漢，梗係互拖後腿

李嚴出左場未？

留名

想問有無人有買火鳳單行本嘅電子書
推唔推薦

本身expect係老三靚仔版本 而家真look係有啲邪氣 幾襯佢史實嗰種性格描述

呢pair真係
由救人質到宜家都10幾年了

俾你估中咗