呢個係我第一次返PT
。返工之前，大家都俾我好多期望，同埋好多教誨，
首先daddy mammy、uncle john同埋auntie daisy就響我返工之前一日教我：「你一定要熱愛你既工作，要學識敬業樂業。」
仲有我最愛既李老師同陳老師就提醒我，「你一定要無時無刻都要專心響你既工作上面，唔可以偷懶
！」我作為一個乖乖仔，咁我一定聽佢地既話啦，
就咁樣，我就出門口，開始左我做PT既日子。
咁尋日第一日返工啦，我返1115-1615，咁我十點半就入去。
先生教我地唔可以遲到，如果唔係就唔乖架啦。
首先果個組長哥哥，一見到我第一日返工就叫我食飯先
，咁我拿拿臨用左10分鐘就食完，
仲有20分鐘，咁我諗住立即搵返組長快d報到，然之後開始做野
，因為食完野成個人都抖完氣啦
，係時候要全力工作 
。同埋我覺得，我返工係為左要服務人羣，
要為廣大馬迷服務，效率係好緊要，
我寧願快D食飯都唔想令佢地買唔到馬買唔到波唔開心
。雖然個組長哥哥好好人，但係佢同我講：「仲有20分鐘喎！」
咁我就話：「我真係食完飯啦。」
佢點都唔肯俾我做野住
，我真係好唔開心，個心唔係好舒服
，一來我想做野，你又唔俾我做，
二來我聽到D組長哥哥組長姐姐都響度細聲講大聲笑，
我唔知佢地笑緊邊個啦，
但係我好唔開心囉
，一間大機構D人唔係應該專業D架咩 
？到我真係開工啦，有個AUNTIE睇實我，
佢不單止好好人，又好肯幫我，
同時最感動既，係佢好PROUD OF佢自己既工作
。佢同我講，顧客、顧員同埋馬會都係一家人，
主任是我爸，組長是我媽，我聽馬會既話，電話投注是我家
。我好似明又好似唔明，佢用一句簡單既說話同我講：
「你要聽馬會既話，照馬會既指示做野，做馬會既好職員。」
我真係好感動。
我決定左要為廣大馬迷服務奉獻出自己既一份力量，
我要將有限既時間，投入到無限既為馬迷服務之中
。咁過左一陣，佢帶我去廁所，順便介紹佢D FD俾我識。
佢地一開始就話：「放心，我地會照住你既，有你著數！
」不過我就話：「去完廁所，我要快D返位，要為廣大馬迷戰鬥呀！」
咁我行出廁所門口果陣，我好似聽到D恥笑聲
。我唔知點解，但係我覺得好嬲
！我返工做野係天經地義！唔係去蛇王識朋友架
！呢班人都唔係全心全意為馬迷既
！不過咁，我就係知道每一個地方都有D咁既懶人，
所以我已經著左成人尿片，就算全日唔去廁所都唔驚啦。
因為，為廣大馬迷服務係我既光榮
！咁我返去我個位度啦，我見到個場景嚇左一跳
，乜 咁 多 人 唔 響 個 位 度 既 ?
我一返到黎既時候，個組長哥哥就提我要六個去一個，
但係依家完全係兩回事喎！
我同另一個組長姐姐講：「搞錯啊，佢地咁多個都唔跟規矩呀！
」組長姐姐就話：「OK我會處理」
話就話會處理，佢地班人返黎果時，個組長姐姐就完全冇出聲。
成班人都唔乖、唔跟紀律既，點俾到顧客好既服務呢？
我同個AUNTIE講：「搞錯啊，佢地咁多個都唔守規矩既？
」佢同我講：「算啦，唔使理佢地。
」我嬲嬲地，有少少想喊：「咁係呀嘛！
」我見到成班人響到陰陰咀笑
，話乜野個細佬仔唔識做，乜野「正義能」，「煩HEIGHT」（PS：我唔識講粗口，個音大致係咁）
我隔黎個妹妹（都係新人）仲要同個FD話：「我隔離個新仔正一小學雞，你同阿偉佢地講，包笑到佢地碌地
。」我更加唔開心。
去到收工，就梗係拍卡先啦，
之後見到好多人未拍卡就走去廁所，
我就同個主任姐姐報串（PS：我讀書果陣成日同老師講D同學抄功課）
，咁個主任姐姐就同我一齊行去廁所門口趕人，
我聽到成班同事話：「死傻仔！」
走果時聽到有個染金毛既飛仔，
同佢D FD話今日有個新人好「岸溝」
一聽就知道講緊我。
我真係好嬲！
我想講：我 冇 做 錯 到 ！
