[7月新番] 繼母的拖油瓶是我的前女友

無人講我講
曉月講電話嗰套nobra背心好誘人

說好的補完呢

想屌她閪窿

等等啦
寫咗2.8K字了
好多嘢要補充
去睇住同人文先啦

東頭又幾正
男豬點忍

男豬好撚man
好想睇小說 想問悶唔悶？會唔會好難睇得明

係愛呀

唔悶
劇情嚟講，有人認為5678卷拖，但1234卷甜死你
唔難明
我睇過文筆最好嘅輕小說
你可以睇下#744

原畫真係成堆支畜
不過又睇唔出有乜明顯分別

係man就一早強姦條女，再請東頭黎屋企3p啦

好似聖誕之吻個青梅竹馬

第二套識得變身嘅7月番

劇情補充ep6：https://lih.kg/xrjyggX

劇情補充ep7：
今集好多情緒細節嘅地方都被壓縮或者cut咗
另外如果淨係睇動畫嘅話可能會理解唔到結女同埋水斗由之前嘅集數累積落嚟嘅情緒
可以睇番我寫嗰啲補充

1，情書
結女好清楚就算世界末日水斗都唔會做主動表白嗰個
焦躁嘅情緒加上暑假第二日就結束嘅時間壓力，造就咗一封充滿深夜創作獨有嘅中二風格、令到結女萬分羞恥嘅情書
由於係深夜先寫好，筋疲力盡嘅結女唔記得咗做最後嘅心理準備，所以第二日先咁七手八腳
－－多謝你願意喜歡好似我咁嘅人……我先至要請你多多指教。
－－請你做我的女朋友，綾井。
結女生平第一次喜極而泣

2，恐嚇交涉
之所以要寫恐嚇信，係因為水斗以保護個人私隱為由唔肯向結女公開東頭嘅聯絡方式
優等生結女對呢種威逼他人嘅事有啲抗拒，但係曉月對此泰然自若
東頭因為社交障礙一開始唔記得佢哋兩個叫咩名，淨係記得結女係兄控義妹
另外東頭一開始以為被發現嘅秘密係佢從某種渠道入手咸書

3，流彈
水斗睡顏嘅珍貴錄像係曉月命令結女拍攝的，如果東頭肯承認自己鍾意水斗嘅話就會作當鼓勵send俾佢
「你試諗下，只要聽著呢條片入睡嘅話四捨五入就係陪睡嚟架喇！」
聽到曉月惡魔般嘅誘惑，結女就算曾經決心之後會del咗條片，都有少少心動
曉月對東頭耳語個段係叫佢想像下水斗突然由平時嘅模式突然緊抱自己，用低沉嘅聲線flirting嘅同時不由分說地奪去嘴唇
喺東頭面紅耳赤之際，隔離嘅結女亦被自己嘅想象力擊沉，要趴落枱先掩飾到自己嘅情緒

4，上賊船
曉月標榜結女身為義姐對水斗喜好一清二楚，而自己亦有經常接受戀愛諮詢嘅經驗，咁豪華可靠嘅陣容可以以秒為單位嘅時間攻略水斗
結女其實唔想惹呢趟混水，不過冇拒絕嘅理由，而且拒絕咗就更加難擺脫弟控嘅標籤，所以無辦法強硬地抗拒

5， 老師
係東頭被結女嘅演說打動，下定決心嘅時候，探出身體緊握結女雙手：
「我要點做先可以成為水斗嘅女朋友，請你教教我啦，老師！」
呢個時候結女先搵翻自己嘅理性，開始諗咁樣頭腦發熱地推波助瀾真係好嗎

6，伊理戶水鬥攻略會議
三人開咗個名為「伊理戶水鬥攻略會議」嘅Line群組
東頭同曉月開始玩炫耀同嫉妒巨乳嘅小劇場
同時開始討論水斗究竟真係咁草食系
結女估計佢應該只係擅長隱瞞
東頭問水斗有冇試過用工口嘅目光望過結女，被驚訝嘅結女反問佢唔會介意架咩？
東頭表示自己係唔會呷醋嘅類型，並追問結女
無辦法詐聾扮懵結女用試過沖完涼之後撞見水斗嚟應付東頭
想當然地，無提及當時(ep1)自己只有圍住一條單薄嘅毛巾
亦且亦隱瞞咗水斗鍾意係接吻嘅時候輕咬自己耳仔嘅喜好

7，哪來的偷窺高手
原作入面結女同曉月去圖書館偷窺嘅時候都有變裝
結女綁返中學時期髮型並戴上平光鏡，呢個造型令曉月十分興奮，並影咗唔少相
結女表示唔明白點解區區眼鏡就可以令人感興奮，無辦法理解會因此就不能自控地瘋狂影相嘅人諗緊乜嘢 來自ep4嘅回力標
曉月提議用放手機鏡頭係轉角位置嘅方式嚟係觀察，同時避免直接視線
結女有啲好奇曉月係如何習得咁嘅技巧，不過被曉月用扮清純嘅語氣拒絕透露

8，女性同胞對東頭水斗交流方式嘅睇法
東頭同水斗嘅距離感實在太近
結女同曉月都對水斗嘅泰然自若感到不可思議，尤其東頭嘅身材咁性感，而東頭本人又咁無防備
結女情不自禁地將曾經嘅自己同眼前兩人嘅身影重疊起嚟思考
相似嘅前景、相似嘅距離
自己當初做到戀人，而東頭就只係朋友，實在係唔自然
此時嘅結女認為水斗只係仲掛住一幅佢擅長嘅poker face面具

9，東頭鍾意水斗嘅地方
呢段動畫直接cut咗
成集除左告白個段都無講東頭鍾意水斗啲乜，搞到攻略個part東頭成個痴女咁
女廁入面，見到水斗無當過自己係女性嘅東頭大受打擊，令結女重新確認到眼前嘅女生已經無可救藥地墮入愛河
結女小心翼翼咁問東頭，究竟水斗呢個咁唔體貼嘅男人有咩吸引到佢嘅地方
東頭嬌羞地回答係水斗冷淡得嚟、間唔中又帶點溫柔、會令到自己迷迷糊糊嘅誘人聲音，結女心諗十分能夠身同感受
初戀嘅燦爛光輝差啲就燒死體驗過戀愛黑暗面嘅兩人，曉月更加表示要盡快撮合東頭，等佢明白戀愛唔係淨係得光明面

10，重量不重質
動畫嘅東頭真係成個痴女咁
原作入面曉月係佢東頭要拿捏到好似hi都又好似hi唔到嘅地步，畢竟太過露骨會嚇走人
而且亦都預判到水斗會毫無體貼地直接講出嚟，並教東頭遇到呢種情況就應該羞怯哋道歉俾水斗睇
只不過到咗實戰嘅時候東頭用朋友打鬧嘅名義推搪過去，嬌羞嘅面孔只有結女曉月二人見到

11，變身
小說入面有講明曉月帶咗佢哋兩個返屋企教東頭化妝
途中問起結女嘅打扮，曉月問結女點解會想花咁多心機打理咁靚嘅黑長直
一番斟酌後，結女小心翼翼咁回答係想同以往嘅自己作出改變
結女反思自己究竟有無成功脫變到呢？
係社交層面上，佢進步咗好多，可以識到曉月呢啲咁陽光嘅朋友，可以同班上嘅同學友好地打交道
但係同水斗相關嘅層面上，結女覺得而家同初中嘅自己好似只係原地踏步

12，水斗嘅反應
動畫入面感覺時間過得好快，由撒利亞會議到告白好似係幾日嘅事咁，但其實小說入面係差唔多兩個星期嘅時間
自從東頭開始化妝，水斗多多少少有啲反應，雖然個啲反應嘅白目程度令到結女認為水斗應該有一日會被女人捅死
「咁咪幾好，你又有幾會練習整理頭髮喇」
呢句話反映咗其實水斗係有將東頭嘅努力放在眼內

13，結女嘅保證
感覺呢一段日高里菜嘅表現差緊啲，有啲太過表現出結女優等生嘅聲線，缺乏佢心入面嘅複雜情感
如果東頭同初中嘅自己係完全同一類人嘅話，結女已經見識過呢種故事嘅結局
東頭同水斗係可以毫無掩飾、毫無芥蒂地交往，而唔係好似上一段關係咁實際上處處都互相顧慮
結女眼喺東頭身上見到身影，唔係過去一無是處、會令一切付諸東流嘅自己，而係嗰個仲未失敗、仲有機會走向幸福結局嘅自己
即使心中隱隱作痛，結女依然決定要幫眼前嘅女孩定下信心

14，告白前夜
結女同曉月傾完電話之後瞓唔着，打算去飲杯水嘅時候發現水斗燈都唔開坐喺客廳
水斗明顯知道東頭打算告白，一邊望住天花板一邊思考，用迷路小孩一般搖曳嘅語氣問結女
「假如....我識到新嘅女朋友嘅話....你會點諗？」
結女怒火中燒，覺得將呢個問題嘅決定權交俾自己係水斗嘅自私，亦係對東頭嘅唔尊重
「你咪照自己嘅諗法去做囉」
「啱嘅....對唔住」
水斗講完就走返返房，留低結女自己一個係客廳
結女覺得內心好似穿咗個窿咁
明明提出分手嘅時候換嚟嘅係一身清爽，直到而家自己先體會到失戀嘅感覺

15，呢個故事無配角登場嘅空間
告白場地附近嘅人煙少得出奇
曉月直到水斗登場之前都一直係到撳手機，並聲稱係度驅散跟閒雜人等
其實佢之前係圖書館嘅事後間唔中都會無緣無故地離開去轉移其他人嘅注意力，帶東頭上屋企嘅時候亦都有特登採取措施

16，見證結局
小說入面結女同曉月係匿埋喺有返一段距離嘅課室入面，所以一開始係打算目擊全程
東頭口窒窒嘅時候，曉月已經開始不忍直視，一邊呻吟一邊掩住雙眼
但係結女並無移開視線，想見證到最後一刻
「.....雖然應該會嘈交，但只要傾新書的話題果時大概就會唔記得咗」
直到呢一刻，結女都係忍唔住閉上眼
因為佢見識過水斗下一刻就會怕醜又直率咁望住對方雙眼，用溫柔嘅語氣講出....
「但係，對唔住」
同預想嘅台詞唔一樣，結女驚訝地睜開眼
「明明我冇呢個義務，但係我依然唔想連佢哭泣」
「呢個就係我最真實嘅諗法」
「對唔住，東頭，我唔可以俾你做我女朋友」
聽到呢度，結了背向牆璧緩緩坐低，再次喜極而泣
身旁嘅曉月無可奈何
「唉....到頭來咪又係整喊咗人哋」
「我...先至...嗚嗚...無...無喊....嗚嗚.....」
「你真係好鍾意佢喎」
「早就....，唔再...唔再鍾意喇.......！」
就算如此，自己依然佔據著水斗身邊嘅地位，結女對此不知所措

17，善後處理
當曉月安慰完結女之後，已經唔見水斗同東頭兩人了
結女因為聳恿完東頭之後，又對結果感到高興，所以無面目面對東頭，當晚亦都無係Line搵佢
係都第二日先鼓起勇氣同曉月一齊搵東頭道歉，心諗就算取代唔到水斗，都要好好安慰佢，再重新做朋友
但係由於目睹東頭水斗開開心心咁過日常生活，所以慰問會變咗審問會
件事會咁發展隨咗多得東頭特殊嘅價值觀，仲有水斗當時對佢嘅安慰，呢part應該留返下一集講
btw小說嘅最後，東頭嘅存在都係被某個戀愛ROM專知道咗

請問仲有邊套
早幾集水斗喺圖書館到都係睇緊變身

風都偵探

屌佢老母啲感動位做到咁求其

PowerPoint唔難畫

P9幾時執呀
越諗越嬲