杜Sir（節錄）：「⋯⋯未來冇人會知係點，但至少攪掂今日先，好好地拍你地嘅電影，好好地去面對依家嘅困難。
那些社會賢達，那些參與過電影一啲嘢嘅人，話香港電影冇㗎嘞，又話年青嗰啲一pat屎，話唔會再出到以前出名嘅演員或電影工作者，但我自己覺得呢個係好大問題，因為佢地諗緊舊時，我地諗緊未來。大家唔好為咗佢地嘅說話，令到你地覺得自己繼續落去係多餘或放棄，我會覺得以前就係以前，依家就係依家。成日話依家點，如果仲係以前，就唔會有手機同互聯網，成日講牛頓就唔會有愛因斯坦⋯⋯我地呢班老柴係應該支持，就唔應該講埋啲無謂嘅說話，收吓把口，好好地做好對香港有貢獻嘅事。」
文字節錄：電影朝聖Facebook
