有一類人覺得自己實掂，冇Plan過放榜，猶如裸考一樣。以小弟多年觀察，「天意弄人」係放榜必見情節，10人入面總會有1人意外墮馬。大家心態認為墮馬只會係其他人身上發生，但天意就係連你自己都估唔到自己都係墮馬果一個人
...... 所以，跪求大家要做好最壞打算，唔駛放榜全世界狗衝時，你仲係度那年十八
如果諗唔到點做，可以問小弟！小弟會陪伴大家度過放榜
相反，如果你冇溫書都拎到5/5*，亦都係天意弄人
記得當日唔駛四圍同人講你冇溫書都拎左條5/5*返黎，冇人想知，唔好講，講左＿＿＿
2 那有錢，你＿＿！
唔少巴絲打見到Asso/HD動輒都要十萬已經要叫定老母
其實政府學資處係有唔同計劃提供津貼/貸款俾副學位學生，即係平時聽到既Grant/Loan同埋Non-mean。有財政顧慮的話可以入條拎睇下，親自搵解決方法出黎。不過，始終人人情況唔同，呢D計劃未必可以解決晒所有問題。http://www.wfsfaa.gov.hk/sfo/tc/postsecondary/index.htm
3 我不入地獄，誰入地獄？
即使攪掂學費，有巴絲打仍然會懷著進入地獄既心情報ASSO/HD，覺得升唔到U的話就玩猿
究竟讀副學位咪真係有幫助? 定係同中六畢業冇分別
可以從收入角度睇。統計處2015年數據咁講：
高中畢業 收入中位數 女: 10400 男: 15000
大專(非學位)畢業 收入中位數 女: 14800 男: 17800
對男巴打黎講人工差距真係大，小弟估計原因係唔少高中畢業既男仔會去左做地盤。地盤人工高，但搵返黎既都係血汗錢，每日都消耗自己身體。讀ASSO/HD的確係令你多左筆債，但增加左你升學既潛力，長遠既收入亦會因為你經驗同學歷增加。兩樣都有好有唔好，條路點行，要自己揀。
4 雄心壯志決定自修
（利申: 從來唔覺重讀/RETAKE/自修既人係垃圾，小弟反而係佩服大家）
舊年同埋一班以前自修過既巴打絲打一齊幫今屆自修生。小弟對於大家應否自修沒有取態，過往有人自修後如願以償升U，亦有人最後選擇入HD/ASSO。提提大家升分背後真係需要好大付出，唔係講咁容易。除左要自律，仲要經常面對人地白眼，或者睇唔起，有時連自己都睇唔起自己，覺得自己垃圾，精神壓力唔細。自修既話，要搵多D同路人互相支持。如果你真係想自修的話，到時記得搵我，我會攪唔同既學術支援活動，會識到唔少同路人，同埋搵多D人同資源幫大家
5 好成績乜都唔洗煩
各位辛苦左咁耐既巴打絲打，如果放榜日收到好成績，我真係恭喜你！不過，請你記住除左自己努力外，仲接受過其他人幫助先拎到好成績，可能佢地答過你問題、借過筆俾你、考試時同你打氣。拎到好成績，記住唔好咁自私，趁有能力既時候記住幫多D面對緊困難既人，那管你同佢唔太相熟或者素未謀面。祝呢度既巴絲打都可以做到幫人果位。
篇野打左兩粒鐘，多謝睇晒既巴絲打
小弟會陪大家度過放榜呢段時間！各位如果有野想問就問啦！特別係自修相關既問題，小弟都有唔少例子可以分享
CD-ROM朋友可以係下面條拎留低想問或者想回應既野
https://goo.gl/Tc8k4K
利申: 小弟讀完Asso升UGC三大，冇試過retake，但幫過唔少retake朋友。唔係Ｒ補習
結果佢條仆街廿五分
