日版巴打嘅潮文
冇game玩諗住試吓馬娘
所謂萬丈高樓從地起,已經遲過人入坑,梗係要先睇攻略啦
見到篇文寫住遊戲基礎,應該係啲簡單嘢
一禁入去,哇屌成3版幾萬字
文中仲有一堆專有名字,又因子又種馬又phase random
中間教埋你計數,仲要整埋曲線圖表慌死你睇唔明
心諗屌你咩,呢啲叫基礎?唔講仲以為係邊個寫嘅博士論文
可能係我悟性太低,但我知道實踐大於理論,刷咗個首抽先
運氣好好一抽中咗隻3星馬,心諗冇死啦,直接問人開得局未
點知佢哋答我重刷,抽支援卡大過抽馬
唔係啩?玩馬娘唔抽馬走去抽卡?而家玩緊遊戲王啊?
然後佢哋越講越誇張,話ssr冇滿突唔用得,冇滿突成田美妙可以del game
雖然唔知乜撚嘢係成田美妙,但我知滿突係自己永遠都做唔到嘅事
既然做唔到,咁只好乖乖del game
本身養馬係有錢人嘅玩意
以為玩賽馬娘可以感受到有錢人養馬嘅快樂,我真係太膚淺
首先玩家要有足夠智力睇得明篇「基礎」博士論文,仲要有足夠財力課到隻隻ssr滿突
見到連登有咁多人玩真係覺得好感動,原來連登有咁多IQ200,富可敵國嘅人才