關於海外香港人下一代嘅身份認同／文化

作為一個喺加拿大兩歲小朋友嘅老竇，呢樣嘢係我其中一樣最關心嘅問題。我當然會想佢做香港人啦，起碼可以同我講返廣東話，一齊有共同嘅話題，一齊睇戲唱K等等。但係我會諗到有以下幾個問題，而且好難搵到解決方法。

第一：香港文化輸入嘅途徑。

文化主要分通俗文化同高尚文化，而我哋覺得所謂嘅香港文化全部都係通俗文化，例如茶餐廳、粵語流行曲、粵語電影、網絡文化等等。係咁多種文化當中，食嘢應該係最容易保存到，只要有人開茶餐廳或者粵菜等等，就一定會有人食，另外屋企亦都可以煮飯煮中菜。但係其他嘅文化就好睇香港嘅輸入，上一代啲老華僑之所以可以keep返個身份，好多都係日日睇TVB劇集同唱K，啲仔女跟埋阿爸阿媽咁做自然會學到廣東話。但係香港嘅情況再差落去，出到嚟嘅本土娛樂文化只會越來越少同埋越嚟越大陸化，你叫啲仔女睇香港電視，佢可能會變埋中國人。你當然可以逼佢聽Beyond陳奕迅，睇周星馳，但係佢哋好快會覺得老土，想逼都逼唔到。始終通俗文化係一定要有個潮流，過咗氣就冇人會理。講高尚文化，請問香港有咩高尚文化呢？你可以教仔女寫中文字、講廣東話、背唐詩、寫毛筆字、學埋二胡好唔好，但係呢堆嘢除咗廣東話之外，大部份都同中國人會做嘅嘢overlap 曬，當佢哋好熱愛呢啲文化，佢哋可能會係一個好愛國嘅中國人。

第二：當佢哋真係保留到香港人身份對佢哋未來人生嘅影響。

呢樣嘢其實我都係睇到加拿大呢邊土生土長又好香港嗰班人嘅狀態得出嘅諗法。喺呢邊長大嘅香港人，越香港嘅人就越少其他族群嘅朋友，你可以話自成一國有乜問題，但係如果考慮埋事業，你只係群香港人，你嘅collection會少好多，而且通常呢啲人英文會差過本地主流，所以好多成功嘅人都係讀番engine IT 會計等科目，傾向文科嘅人條路會難行好多，好多時都係靠華人圈子生存。撇開事業問題，我覺得佢哋好多都冇乜安全感，成日好似覺得自己會俾人歧視。當然以上可能以偏概全，而我哋呢一代亦都未必會行返呢條舊路，但係我總係覺得香港人骨子裏喺邊其實好難真真正正融入西方社會，表面上我哋嘅做事方式同西方社會好接近，例如跟規矩做事、處事務實等等，但係好多嘢都仲係好中國人，如果真係想後代可以喺西方社會過得幸福，夾硬keep番香港人嘅身份同文化未必係好事。

香港人表面上西化 骨子裏仍然好中國人

如果個腦塞滿香港文化 係好難融入人地社會

講嚟都多撚餘, 成篇嘢不知所謂
既然已經移咗民, 就應該順其自然,
讓子女自己選擇認為適合的生活方式
都唔知幾多香港人移咗民之後如魚得水
歡天喜地融入當地生活，不但子女成材有田有地...
所謂『身份認同』只係五毛吹毛求疵製造事端 企圖搞分化的伎倆

喺嗰邊大嘅就算多香港影響英文應該都唔會差架喎

同意，香港人梗係唔想香港人被消滅，樓主嘅concern完全合理。

我認為你可以做嘅嘢暫時係：參加、建立香港人嘅社群，揾啲志同道合嘅人先。

人喺海外 搞社區組織 討論區
https://lih.kg/3047660
- 分享自 LIHKG 討論區

靠佢地打國際線

小朋友五歲英國出世
仲香咩港人？
佢大個都鬼仔/鬼妹性格啦
肯陪我去飲茶都已經收貨啦

你自己如果唔係香港原居民嘅話，籍貫邊度？ 你會唔會太在意？

根本絕大多數香港人響香港嘅時間都係七十年或更少（3年零八個月期間香港只得五十萬居民），過兩代仲邊鬼個得閒理

其他唔講 香港人根本就同人哋眼中嘅中國人文化上冇乜分別，你又不得不承認自己骨子裏係有中國人嘅影子係度，格硬分得咁細同鑽牛角尖冇分別，都移得民，你就比佢好好地做一個正常人，屋企講廣東話睇多啲廣東話節目，煮下食下中菜廣東菜咁樣仲好啦。
一味追求香港人既身份認同一係你就等佢大啲掉佢返黎好似cctvb啲abc/cbc咁 不倫不類，識聽識講唔識睇。如果留係加拿大嘅話，同你係香港人睇到啲新移民口口聲聲話自己係中国人有咩分別你睇到啲大陸仔落到黎覺得自己係香港人一齊同你反中共你都會respect 啦，根本上你肯融入社會有相同嘅價值觀先係生存之道呀ching

有時覺得香港人比美國人更加資本主義,香港人咩都炒一餐.

每次諗起香港有啲咩文化就會覺得係大陸同埋西方國家溝埋

想問猶太人有點樣嘅身份認同方式？

香港人呢三個字只會越來越少人講 最後邊做你知我知就夠

佢哋有利益連祖國都可以出賣

加拿大仲叫做有渠道同多人接受
英國咁做分分鐘食中菜、睇廣東話電視都可以被批鬥
班人好想香港文化同生活完全係英國消失咁

身份認同其實真係咁重要咩?
點解要強迫佢哋認同某個身份接受某種文化先?
相反地如果你父母當年要你認同你係中國人日日播國歌升旗藍貓喜羊羊俾你睇你大咗又係咪會欣然接受?
或者調返轉講你自己都唔會希望成世所有嘢學乜睇乜做個咩人都係你父母幫你定型幫你決定啦係咪先?
監/想佢哋接觸某種文化根本多餘
我家姐個仔3歲已經識自己開youtube揀片睇啦
再大啲你覺得你仲控制到?

作為父母決定得為下一代移民
講到尾咪就係想佢哋第時可以有多一個選擇
唔駛好似我哋呢一代咁由細到大教育工作社會政治咩都要硬食
唔駛好似我哋呢一代咁為咗改變命運人到中年先至要離鄉別井推倒重來

父母嘅責任就係盡最大努力開多幾條出路俾仔女
至於將來佢哋點揀最後行條咩路呢個係佢哋自己嘅決擇
佢選擇認同自己係香港人固之然安慰
佢選擇認同自己係加拿大人亦唔係壞事
但係好話唔好聽最後佢選擇認同自己係支那人大咗同你講話要建設祖國回流大灣區擁抱大中華你都吹佢唔漲亦唔到你控制

你呢一代選擇得移民嘅
俾仔女可以接受西方普世價值下嘅教育
幫仔女攞到多一個國籍等為佢哋有乜事都多條後路多個選擇
其實已經算責任完成有突
仔女始終有一日會大
始終有一日要為自己人生做決擇
你作為父母嗰part你其實已經決擇咗㗎喇
將來嘅嘢你話得幾多事?
正所謂條路自己揀
移咗民就積極面對新生活
身份認同呢啲你自己有就得
喺自己屋企有得講廣東話咪講廣東話
睇香港嘢嗰陣咪俾佢睇埋一份耳濡目染吓佢囉
你可以做嘅就係咁多
佢鐘意接受咩文化呢啲順其自然啦

就好似呢兩隻五毛咁

漂流、實地與開放，香港人未來的攻守策略—羅貴祥 X 沈旭暉「流浮身：今昔港人身份的認同及流動」講座紀錄
https://lih.kg/2793783
- 分享自 LIHKG 討論區

樓豬一定係五毛搞分化

所謂『身份認同』只係五毛吹毛求疵製造事端 企圖搞分化的伎倆

#17

但係好話唔好聽最後佢選擇認同自己係支那人大咗同你講話要建設祖國回流大灣區擁抱大中華你都吹佢唔漲亦唔到你控制

到時可以學伊斯蘭高尚文化honor killing

樓主可以帶嗰細路多啲睇多啦A夢粵語版

身份證同沖淡係無可避免

但係有關真香港人既歷史就一定要留傳

香港配音嘅日本卡通
究竟係學習緊咩文化

呢度大部分人阿爺都唔係香港出世
不過後尾黎咗香港姐

香港人不嬲都咁睇啦