[Switch] 異度神劍3 Xenoblade Chronicles 3 集中討論區 [3] 幾時到7月29號

Pneuma · 2022-06-22T22:55:30+08:00

連接著「異度神劍」系列的未來，關於兩個國家6位少年少女們的故事。 Direct 新PV: https://youtu.be/J-VtElH02uM PV1： https://youtu.be/etyz0yBjGKk 故事簡介：在故事的舞臺「艾歐尼翁」中，主角諾亞等人所屬的「科維斯」和另一位主角彌央等人所屬的「安格努斯」，兩個國家之間的爭鬥不斷。與此同時，在戰場上對立的諾亞和彌央等六人遭到突然出現的神秘巨人襲擊。諾亞試圖拯救即將被巨人攻擊的彌央，就在那一瞬間兩個人的身體突然融合（靈銜連結），變身為體型巨大的「銜尾蛇」。變成銜尾蛇的諾亞等人擊敗神秘的巨人，撿回一命，但也因為這件事，六人成了科維斯和安格努斯兩個國家追殺的目標。諾亞等人在名為「范戴姆」的男人所給的建議下，為了尋找「真正的敵人」，以「大劍聳立的大地」為目標展開共同行動。戰鬥系統：玩家可以操作包含諾亞在內的六位成員。此外，共同行動的諾彭族「里克」、「瑪娜娜」等在冒險中成為同伴的角色也可參加，因此最多共有七位參戰。每位角色都有各自的特性，能讓玩家享受到充滿戰略性的戰鬥樂趣諾亞和彌央、蘭茲和聖奈、優妮和泰恩，每對組合在某個條件發動後就可以進行融合（靈銜連結），變身成體型巨大的「銜尾蛇」。每個「銜尾蛇」都擁有非常強大的獨特技能，如何選對時機變身成銜尾蛇是戰鬥的關鍵。官網： https://www.nintendo.co.jp/switch/az3ha/ Q&A 如果有漏咗嘢，歡迎大家補充 Q：可唔可以用任天堂NSO會員遊戲兌換券換？ A：可以 Q：睇唔明日文點算？ A：全區有中文 Q：幾耐先爆一周目？ A：估計80 - 100小時（根據前作經驗 Q：隻game有咩吸引？ A：獨特嘅世界觀、複雜且有深度嘅戰鬥系統、劇情過場演出、可以自由探索嘅地圖、集系列大成一共六位作曲家嘅音樂、沿用2代人設saitom 設計嘅大波妹s Q：使唔使玩左Xenoblade 1同Xenoblade 2先？ A：最好玩埋先，因為Xenoblade 3係連結左兩個世界未來嘅故事 A: (感謝tony0815巴打補充) Q：應唔應該補前作？ A：你入得嚟專門post問，應該都唔預期會有「補晒佢」以外嘅答案㗎啦，不過Xenoblade系列嘅系列傳統之一就係大份=遊戲時數極長(你預期就算主要推主線60個鐘都走唔甩，順手清下直線至少預8,90個鐘)，如果到七月底之間唔夠空閒時間玩咁耐，咁直接等3亦係一個選擇唔玩1、2應該唔會影響你玩3 (我估) Q：如果打算補前作，應該補1定補2先？ A：你可以參考下以下幾個問題(特別係第一條)嘅答案嚟做決定 1. 你鍾意睇青年王道嗰啲蕩氣迴腸劇情多啲？定係少年王道嗰啲日漫熱血劇情多啲？ (最緊要呢題) 【青年】揀1，【少年】揀2，【無所謂】1、2都得 2. 你討唔討厭現在深夜日本動畫嗰啲少少「鹹鹹哋」嘅風格？【討厭】揀1，【唔討厭】1、2都得，【直頭鍾意】揀2 3. 你係咪嗰啲會追求聲畫震撼嘅人？(XB2畫質、運鏡都新啲) 【係】揀2，【唔係】1、2都得 4. 你係咪嗰啲可以睇清楚遊戲彈出嚟嘅教學嘅人？【係】1、2都得，【唔係】揀1 5. 你係咪嗰啲會追求系統深度越深越好嘅人？【係】揀2，【唔係】1、2都得 6. 你討唔討厭遊玩嗰陣會遇到類似手游嗰種抽蛋系統？(唔需要課金) 【討厭】揀1，【唔討厭】1、2都得，【直頭鍾意】揀2 7. 你執唔執著於被劇透？(少少彩蛋都唔得嗰啲) 【執著】揀1，【唔執著】1、2都得 8.你會唔會極度在意預算問題？(XB2因為只有港日版有中文，所以2嘅實體版冇點跌價) 【會】揀1，【唔會】揀2，【玩電子版】1、2唔差太遠 Q: 有冇咩特別用詞？ A: (感謝Jacorman巴打補充) - XB1 = 1代, 原作Wii, 3DS / Switch都有重製 - XBDE / XB決定版 = 1代Switch重製版 - 相連未來 = 1代after story, XBDE新增故事 - XB2 = 2代 - 黃金國 = 2代主線故事前傳, XB2 DLC內容 - XB2 DLC = 黃金國 + 追加神劍 - 大猩猩 = XB1 / XB2 / XB3 遊戲早期一掌拍死玩家既生物 Q: 有冇DLC? A: 有 Q: Amiibo有冇用？ A: 全Amiibo對應，用Shulk有特別外型