其實識男/女友係咪最好有共同話題/共同興趣

夠愛就乜都得啦 唔愛既你地有咩共同話題興趣都冇用

咪係😂
你地會唔會愛上你既同事？日日講共同生活話題
會唔會愛上一齊上課既同學？日日傾功課/興趣班
都會飽和 亦都會悶😅

講真足夠愛，唔洗太多共同興趣話題，都沒問題
反而價值觀唔好差太遠，就真既
唔愛既話，幾多共同興趣都係一樣散
我同前度都鐘意同個一套動漫，玩同一隻game
咪一樣飛左我，曬氣啦…..

就係因為咁 好多人都會鐘意咗同事/出軌同事，咁咪反證左有共同話題/經歷係有關係囉

你唔明我講咩我既意思係 咁多個同事同學
人人都係共同話題/經歷 點解偏偏係鐘意某一個人？
係因為個個人係你眼中心中係特別的存在
=愛=偏愛=特別=好感 所以最後想反證係因為愛
所以淨係共同話題所以愛並唔100%成立
但愛 對方唔係你杯茶 唔同言語 唔同興趣你都會願意去了解 深化 去建立穩固關係（男女朋友）但唔愛 即使對方幾咁有共鳴 你都只會係好朋友 「知己」even後備

純粹想叫d人 唔愛唔好賴三觀不合 唔夾 無共同語言 興趣 依家d人速食/換晝極快/對愛情0責任心 都因為想太多 想要soulmates, 出軌之後賤野

有心既話可以一齊搵共同興趣 就算搵唔到 真係愛對方 兩個人坐係到煲下劇都會開心 唔愛既話 叫佢日日同你做你鐘意既野你都會覺得唔係個回事 分分鐘自己做仲開心

共同話題太一樣又會無話題

同埋共同經歷都緊要，有共同回憶先有感情

重點唔係有冇共同興趣，
而係會唔會踏出一步，
嘗試去理解同欣賞另一半嘅興趣.


唔使每次都做足,
間唔時,陪另一半做佢鍾意做嘅嘢已經好足夠.

問吓你父母有無共同興趣
10個有9個都話無
點解?
因為有共同興趣有千千萬個, 但係對方只有一個, 鍾意係個人, 唔係因為有共同興趣
有共同興趣唔代表價值觀一樣

我咁問係因為好多時識網友/交友app 識人都有咁既情況，無乜共同話題 唔知講乜好，好多時淪為問食左飯未/返工忙唔忙/放假有咩做 呢類咁表面既對答

都係講下新聞同返工啲鳩野
其實都係諗到咩就講咩
冇野講又唔洗突登搵野講 都幾舒服

三觀你老味咩

咁啲本身唔鍾意講自己興趣嘢既點算？
鐘意自high多過分享


仲有平時圈子分好開
朋友圈子 興趣圈子 親友圈子之類
我朋友圈子入面仲有人係唔鐘意某興趣