獨力照顧無法自理老人問題

立白洗潔精

23 回覆

8 Like 3 Dislike

立白洗潔精 2022-06-21 08:45:07

我想問問，屋企老人家行唔到，而且都要用尿片，又係好抗拒去老人院，
當初醫院社工建議出院後暫住42日果種老人院，佢拒絕，堅持要番屋企

問題就係，屋企只有我同佢兩個人住，我星期一至六要番工，能夠做到ge就只有朝早早d 起身整定早午餐放係佢附近位置等佢自己拎黎食

大小二便我亦都只能夠出門前幫佢換一次，然後擺係佢附近等佢自己換，當然我都預左佢換唔到而搞到周圍都係，我放工番黎再執屎執尿

佢亦都有糖尿病，高血壓，鉀高，腎功能差呢d 問題
佢第一日出院我就已經搞到一頭煙，但我預想到未來一段長時間都需要每日咁照顧佢同擔心佢，我都唔知自己頂唔頂得順

好好彩地搵到一個岩岩完約ge工人姐姐，但係需要一個月後先番到工，我好怕呢一個月內我搞唔掂而令佢情況更差，醫院院後d 社工都打過比我，就話嘗試再安排入暫託老人院，老人家番左屋企三日見到情況唔係佢當初想像咁好，態度亦開始軟化話去老人院

醫院姑娘都講過話就算安排到暫託院舍，都需要佢去打疫苗，我真係唔知佢依家個狀況走去打科興會唔會有大問題，但唔打的話就算有得入院舍佢都因為0針而冇得入

我依家都好迷惘，壓力好大

屎急行入田 2022-06-21 08:51:01

到最後都係需要去老人院
始終果度有人手照顧到老人家

立白洗潔精 2022-06-21 09:25:53

呢點我都明，亦都上網睇左好多資料，黎緊都會幫佢排津院，因為私院實在負擔唔到，下個月工人姐姐黎左可能會好d,但都會有d 野擔心ge就係工人姐姐做唔長，而且呢段時間我都需要去準備d 屋企，執執d 位置，添購一d老人家用ge設備，全部野都需要時間精力

但每日番工放工照顧佢就已經令我心力交瘁

立白洗潔精 2022-06-21 09:27:19

有時間我都會問下，只係上黎開post睇下有冇過來人/真係做緊社工/熟悉呢方面資料ge 巴絲可以比下建議我，講真我依家真係除左死頂之外，叫做盡力做，我都唔知自己邊一日會爆煲

春來 2022-06-21 09:31:19

有無排緊津助院舍？
如有，叫你個負責社工幫手開張
CCSV（服務劵）
有Day care或者上門服務
唔知幫唔到到你手
但都叫可以頂多陣

立白洗潔精 2022-06-21 15:49:39

未排，但肯定會幫佢排，之前未出院時都有醫務社工提議過d上門送飯服務，只係有個大問題老人家連床都落唔到，更莫講話行去門口開門比人送飯

春來 2022-06-21 16:48:01

如果床都落唔到
咁MSW叫暫託都相當合理
依家你個問題係個長者心態唔肯暫住安老院
應該無服務可以咁樣長期有個人睇住你屋企人
一係暫時請鐘點

東之子 2022-06-21 16:53:19

TroubleMaker 2022-06-21 17:20:56

肯定會幫佢排係咩意思？
你冇得自己申請，一定要個社工幫你申請先得㗎喎
正常呢啲野應該要出院之前安排好
出左院個醫務社工有幾落力幫你搞就真係睇佢心情喇

另外呢，排政府床位唔係咁易㗎
正常要排2－3年，唔好彩嘅排4－5年都有可能
你要考慮埋呢一段時間你要點照顧個老人家

仲有就係，唔係個老人家想唔想去老人院嘅問題，而係你獨留一個無能力照顧自己嘅老人家係屋企，會唔會構成虐老嘅問題

萬一你隔籬鄰舍見到個老人家咁慘「好心」幫個老人家報警嗰陣你要點算

有啲野唔係咁簡單㗎

利申:過來人

PlzGor 2022-06-21 17:23:58

加油呀

我都明白你感受，好多人睇唔開自殺或做傻事，辦法總比困難多，捱下就見到出路

密手成虧(訓廳中) 2022-06-21 17:38:18

打針個度如果老人家頭腦清醒就俾番佢自己決定

同佢講哂打唔打利弊

打有機會有副作用會死
唔打入唔到老人院你番工期間肚餓/口渴急屎急尿都無人幫到人，又悶又無聊。

老老豆豆明白你辛苦但都係捱一個月貨仔搞唔掂最多搵社康姑娘/百本幫手

畢竟如果老人家係清醒條命係佢ga 你唔應該幫佢落決定

立白洗潔精 2022-06-21 20:01:18

肯家會排個意思係等所有野塵埃落定我就會搵長者中心社工申請，今日我都搵過屋企附近ge長者中心社工傾，佢比我ge 建議係如果咁急想搵人睇住佢，唯有捱幾個月私院，等工人姐姐黎到我屋企而我又ready好晒佢屋企需要用ge設備，例如廁所加裝番扶手etc,

呢d 所有ge野我都需要時間精力去處理，奈何現有狀況真係唔得，我亦都搵左樂活易社工去幫我物色短期私院，有時我覺得我自己真係盡晒力，如果最後結果都係搵唔到，可能好似上面巴打咁講，將佢送多次入院

作為護老者真係好大壓力，尤其要邊番工邊處理個老人家d 大大小小事務

立白洗潔精 2022-06-21 20:02:58

依家真係死頂緊，有時候自己情緒都會好崩潰，控制唔到自己脾氣，會鬧佢，有d 說話會衝口而出，但冷靜落黎後我自己都會意識到講錯野，我都知老人家自己都唔想變成咁