經常缺乏安全感到底係自己嘅問題定另一半嘅問題？

我明白兩個人喺埋一齊都係講個信字，所以係咪當懷疑開始產生，呢段感情就注定走唔到落去？

但如果真係好愛對方，好想可以同呢個人繼續行落去，有冇咩方法可以去補救或者改變成日患得患失嘅心態？

對方有無做過啲咩令你失去信任？

溝通，無安感因為你地兩個之間未識點樣溝通，令兩者都互相給予需要既野，人唔唔生出嚟就識好好溝通，但好多人會覺得係唔夾，但無得話有最夾既人，佢地只不過經歷過變得識溝通、理解對方而已，與其尋找自己以為會有最合適既人，點解唔同現在既對方一齊進步，見證共同成長呢

自己
知道嗰個人比唔到安全感你 你仲選擇繼續落去 冇得怨
唔提升自己能力同自信箍住另一半又冇得怨

我知一定會有仆街中意周圍溝女 冷暴力
咁你咪唔好揀佢囉揀左就係要硬食 你改變唔到任何人

係你原生家庭嘅問題

雙方都有
我自己經驗係對方問題大d, 遇過有幾任係完全冇面對過安全感唔夠嘅問題，因為會確實係生活中大大小小唔同嘅事feel到
自己都要畀安全感自己，但唔好盲目完全信曬對方，例如真係發生咗啲事明顯見到佢係有問題嘅，就拎出嚟講，同對方溝通

你會check手機？

我覺得係嘅，只係好多時候想「溝通」嘅時候變咗好似我質問佢咁，佢又會逃避我嘅問題，好容易就不了了之
我都想好好學習下有效溝通嘅方法

[member]係我地有對方嘅ac pw，之前log in過嘅話人地send嘢黎會彈noti [member]

係唔小心睇到定而家都會check住？

其實講真，就算拍咗拖好耐甚至結咗婚，咁多年，message下同異性講少少踩界嘢調劑下生活在所難免

試下企返喺佢立場，佢可能信你唔會check佢message先會喺你度login，而家可能佢覺得咁少事你都嬲倒不如佢log out小心啲算，佢都一樣好冇安全感好似長期比人監視咁

大家成年人，出嚟做嘢（定你返緊學？）lunch/coffee/happy hour甚至business trips你冇可能樣樣知道到佢同邊個做/做過啲咩，真係要得個信字，你問下邊個結咗婚嘅人會check/睇住對方message？

要打算細水長流一路行落去要比多啲自由度對方，唔係個男人可能會覺得同你一齊好似坐監咁

利申：絲，已婚（我知我開好多膠po但好真心認真覆你）

咁係佢仆街啦 放心你冇安全感好正常

早啲離開佢

樓主大概咩年紀？

如果個ex 有你少少咁樣睇法就好，不過開始做錯個個係自己講咩都冇用

就睇下咩叫做真正做錯
如果純粹message下flirt下又完全冇打算做啲咩，咁大個人正常都控制到自己
例如啲仔/佬喺條街都會𥄫女/follow靚女ig調劑下

咁都count做做錯的話，結婚真係慘過坐監

係焦慮型依戀 同我一樣
可以做嘅只有將注意力放返喺自己到多啲
因為你越亂諗 越焦慮 只會越影響你地嘅關係
好多人都係因為咁 不斷地想check另一半喺邊到 做緊咩 而令到佢有壓力 最後分開
所以無論你點驚 點諗 都唔會有幫助
你要諗嘅唔係點比多啲信任佢 係比多啲信任自己

同埋 你點懷疑都冇用
我知你驚佢出軌 或者鍾意第二個而拋棄你
所以你點諗都好 做決定嘅始終都係佢
等事情發生咗再算 不如注意返自己 發展下自己興趣
唔好將佢放喺世界中心

啱呀。紀人憂天佢純粹會覺得你好煩，更加容易出軌
令自己進步，發展自己嘅外表/內涵/學業/ 事業，佢出軌最多咪搵過個

因為早排我都係咁
又係壓力 負面情緒自己食晒 跟住同另一半傾過
然後又係咁search焦慮型依戀點解決
到最近先諗清楚

的確係難嘅
冇架，就將個focus擺多啲喺自己度，唔好理佢咁多囉。因為check message呢啲嘢真係lose lose situation，你想check到定check唔到先

- 無論check唔check到，男方必定覺得長期被監控（特別係清白果啲），覺得喺段感情好受壓迫，長遠唔會想咁
- check唔到你會不停咁嘗試繼續搵‘證據’
- 真係check到：玩完
- check到少少flirt但唔係出軌：唔通你以後監控住唔比佢同呢個女性朋友講嘢咩，咁嘅要求都唔合理啦（除非係ex啦，可以咁要求嘅）

咁其實check message 唯一嘅結果係，佢覺得好煩，然後你會繼續好驚，對感情零幫助，你（或者睇到呢個message嘅大家）應該戒咗呢樣嘢

建議：戒check message + 多啲focus落自己度。廿中佢出軌你咪搵過第個囉，大把世界啦