[本地] [點止廣東歌一種] 香港流行音樂討論 (61)

連登仔要一出黎就屌打Eason 學友

我意思係 歌手都有分唔同特點 賣樣 賣唱作 賣唱跳 賣唱功 賣聲(音色）
會參加歌唱比賽明顯係對自己唱功有信心先會參加 個唱功水平本身就會高啲
所以係歌唱比賽表演一般其實唔代表唔唱得 可能只係其他人太勁
比較翻賣樣 賣唱作 賣唱跳嗰啲牙醫其實一出道都有一定水準

吳業坤當年好似又係三甲不入 咪又輕鬆屌打poki

一出道邊有人識 咪又係磨

我以為佢會谷下andy

好多都係經過啲歷練 進步咗好多 咪升咗上實力派

有無人識同唱得好唔好聽係兩回事
點解你講唱功咁鍾意撈埋其他唔關事嘅野嚟講？

坤哥當年咪又係俾人屌好多氣聲 聽佢唱原來他不夠愛我 咪又係聽到想死

如果我無記錯
當時話佢係將軍澳吳尊係想吹佢係靚仔
（我本人唔覺得 但嗰時嗰風向係咁）

緊係唔係 吳尊係唱歌難聽先俾個名俾佢

吳尊唔係鐘嘉欣咩

英皇三個新人都高質過Jeremy 同Poki

真

呢首畢咗業兩年都仲係好有共嗚

雖然歌詞有啲sad 但係好有朝氣 好有青少年個種陽光面對困難的感覺

每個年代都有屬於自己的校園流行曲，今年就讀中五的「留班同學」Dark，用第一首作品介紹自己後，再以《沒有穿校服的日子》希望紀錄這兩年被偷走了的校園生活，「首歌當然係自己嘅故事，但其實都想代表好多唔同嘅中學生去講自己嘅心聲，所以一部份係自己故事、一部份係所有中學生喺呢個疫情底下嘅故事。」他表示特別喜歡最尾一段的副歌部份，因為除了真的有自己的故事在其中，相信很多學生也有這樣的經歷，「『當老師處罰我 當女班長望我』當你係低form嘅時候，未初嚐戀愛滋味，唔好話女班長，有女仔望你都係好興奮。所以呢啲都好令我置身於好似返緊學或者校園的氛圍當中。」

MV方面，Dark再次「唔見人」，以動畫手法呈現，Dark透露一開始有想過真人拍攝，但因為這首歌也是「校園」題材，於是便想延續《留班同學》的概念，於是再次沿用動畫方式，不過畫風卻稍為改變，希望帶給大家新鮮感。至於MV中的動畫，原來亦加入了Dark的畫作，「係一男一女着住校服，但佢哋手同手之間牽連住一個口罩，上面有個疫情嘅生日蛋糕，就係代表呢兩、三年，我哋都要圍繞住疫情渡過，中學生又好、小學生又好、大學生又好，總之係所有學生。」除了自己畫作，歌曲的部份鼓聲，也是由Dark負責，「想多啲參與自己首歌，今次打鼓係一個小嘗試，希望將來嘅歌可以愈嚟愈多自己嘅參與，最想就係成首歌嘅結他都自己彈。」

另外，Dark亦親自邀請了自己幾位同學好友齊齊為歌曲錄音，因為他認為這是一首屬於大家的「校歌」，「因為我哋冇得返學校，冇得早會喺禮堂入面唱校歌，所以想作一首歌，希望營造一個大家一齊去到最尾嗰段，都係唱緊自己心聲，有個凝聚力，一齊去大合唱咁樣。」Dark又踢爆朋友前往錄音室時十分緊張，不停問：「會唔會俾人鬧㗎？」十分搞笑，Dark表示，「一開頭佢哋睇我錄，到錄佢哋部份時，佢哋有陣時會忍唔住笑，監製Mike Orange就同佢哋講：『認真啲啦。』不過我都好慶幸佢哋應承我幫手，同埋佢哋真係有聽我首歌去唱㗎。」

左二=黃研老豆真人

黃妍老公係邊？

903洗唔洗谷黃妍谷得咁撚明顯
失禁式播

咁黃妍都算新一代音樂人 體諒下啦