張建宗對粗口無反應新發展局長甯漢豪敢反擊成英雄

踏J尋梅

54 回覆

2 Like 69 Dislike

踏J尋梅 2022-06-19 13:21:08

【明報專訊】社民連三子接連在議會堂上搞事。近日更天天在說粗言穢語，讓莊嚴的議事堂變成幫會的堂口，實教人氣憤。不過，凡事都會有危有機。官場耳語透風謂，前日敢於公開在議事堂上反擊梁國雄的財經事務及庫務局副秘書長甯漢豪，已成為官場女英雄，不少政務官昨日均盛讚她的勇氣和辯才，連特首在昨日的早禱會上也當着一眾主要官員，大讚這位年輕政務官。

文章日期：2009年3月28日。

阿中小哥哥嚒嚒噠 2022-06-19 13:22:13

原來女人嚟架

踏J尋梅 2022-06-19 13:22:19

甯漢豪生於1964年1月7日，擁有香港大學文學士學位和美國密西根大學（安娜堡）傳理學碩士學位[1]。

甯漢豪在1989年1月加入香港政府政務主任職系。她曾在多個決策局及部門服務，包括前政務總署、前新機場工程統籌署、前公務員事務科（後改稱公務員事務局）及庫務局（後改稱財經事務及庫務局），現為首長級甲一級政務官（D8）[2]。

在2009年3月擔任財經事務及庫務局副秘書長（庫務）期間，立法會議員梁國雄批評安老院輪候時間過長，並以粗言斥罵行政長官曾蔭權。其時主持會議的劉慧卿未有行使主席權利，對梁國雄作出任何警告或制止，只在一旁勸喻重返討論。在此時刻，甯漢豪要求發言，指自己作為一個有子女的媽媽，不會用相關粗言教導子女，試圖平息事件[3][4]。甯漢豪因而為公眾印象深刻，其後更獲特首點名稱讚，調任其私人秘書。

2017年7月接替升任發展局局長的黃偉綸出任發展局常任秘書長（規劃及地政）[5]。

海派甜心 2022-06-19 13:23:58

吓反擊咗?

踏J尋梅 2022-06-19 13:25:58

隔牆有耳︰只許鬥噏　不准仆街 - 李八方

蘋果日報 2009/03/27 00:00

立法會粗口風暴一發不可收拾，社民連三子日日開會爆粗不亦樂乎，噚日開特別財委會審議預算案時，長毛又狂鬧「叫曾蔭權去仆街啦！」批評特首幫唔到基層市民。在座嘅財經事務及庫務局副秘書長甯漢豪忍唔住，向主席卿姐投訴有人講粗口，指議員有失斯文教壞細路。
卿姐唔想糾纏於口舌之爭荒廢正事，休會10分鐘勸大家收口就算。點知長毛卻食住上，反駁官員有口話人冇口話自己，指政務司司長唐英年曾經喺議事堂上，公然大講吊吊fing，煲呔句疑似狗噏亦十分粗俗，相比之下，仆街同臭四都唔算粗口，點解兩個高官唔道歉？
唐唐為吊吊fing認錯
俾人擺上枱，唐英年噚晚出席公開場合時終於認衰，承認自己曾經喺議會上唔小心講說話，但強調當時絕對無意侵犯任何人，同社民連爆粗鬧人性質完全唔同。佢又指長毛等人將兩件事混為一談係擾亂視聽，佢要求立法會日後要採取有效措施，避免官員再受粗暴對待。
唐英年有膽認錯，真係好過煲呔講過狗噏唔認數多多聲。按照最新國情講法，立法會秘書處幫煲呔狗噏「和諧」做鬥噏，呢隻國產「河蟹」，原來已經南下嚟到香港。
煲呔話下屬frustrated
煲呔噚日喺禮賓府會見「專業會議」幾個成員，據講對近日爆粗風暴十分痛心，席間主動提起話好留意事件，又指議員口出惡言令唔少官員好frustrated（挫敗），因為無論做乜都俾議員鬧到狗血淋頭，好冇癮。
身為特首，睇住下屬俾人鬧非常感慨，希望議員口下留人，否則大家關係搞唔好，亦唔係香港之福。煲呔忽然大吹和諧風，唔知係咪想好似內地官方咁，和諧一切反動聲音，將河蟹引入立法會，見到任何風吹草動或者類似草泥馬物體出現就出動河蟹，將社民連三子和諧咗就耳根清靜啦。
根據內地網民資料，由國家培植嘅河蟹好醒目，只會針對官方唔啱聽嘅聲音，對於鬥噏或者吊吊fing呢啲官方用語，八方相信絕對唔會被人和諧咗去嘅，總之佢可以狗噏，你同佢鬥噏就唔得。

mailto:pf_lee@appledaily.com