一開門 我老豆就勁大聲喝住我女朋友
問佢做咩收埋把刀係身度
我女朋友嚇到就喊 即刻舉高雙手好似投降咁
答我老豆 無阿Uncle
我老豆先笑住講 少女藏刀啊嘛…
另外有次係我老豆見我家姐男朋友
去飲茶 一開頭都好地地閒話家常
之後老豆就問我家姐男朋友做咩職業
我家姐男朋友答話岩岩畢業
聽完我老豆就好認真咁細細聲問佢
你好人好姐做咩唔好點解要走去做賊啊仔
我家姐男朋友呆左係度 唔知比咩反應
之後我老豆一臉正經咁同佢講
你偷左我女個心啊嘛…
仲有次中學個陣想操fit d
跑完步返屋企 叫我老豆幫手壓住對腳做sit up
點知佢死都唔肯幫我
之後追問左好耐佢點解唔肯
佢先答我因為個排成日同我嘈交
幫完我 驚遲d唔夠我抽啊嘛…
次次出街 老豆都成日撩d唔識既人 搞到勁尷尬
所以越大越抗拒同佢出街
今年父親節 諗住久違地同佢出去慶祝
可惜…再都無機會了 老豆上個月尾走左了
第一年過無佢既父親節 聽住小肥首負親
覺得自己好不孝 成日嫌棄佢 無好好關心佢
無多d陪佢 無同佢影多d相留低d回憶
宜家連同佢講父親節快樂既機會都了
父親節希望大家多d陪下關心下屋企人
唔好好似我咁無左先珍惜
爸爸 父親節快樂 你辛苦了
好風趣.. 腦筋急轉彎 哩啲老豆好正！
