輸咗錢就停一停，還一還債，再賭過20歲既我 - 輸學生哥積蓄全付身家 6萬
26歲既我 - 月入萬五，儲左30萬，買股票輸曬
29歲既我 - 月入三萬，第一次學同銀行借錢，借35萬，輸曬，分兩年還，每月還萬二蚊。發誓唔再亂買股票。
31歲既我 - 月入4萬，第二次同銀行借錢，借65萬，分3年還，每月還萬七。買牛熊又輸曬。
依家35歲既我俾你既忠告
1.) 輸晒錢要立即搵辦法增加收入，打多份工又好點都好，每月還幾多要立即固定，唔好再借外債。
2.) 心情會好低落，好後悔，但已成定局，要俾返身邊人信心既話就要積極D。
3.) 如果我冇亂賭錢落海既話到我35歲依家應該有超過200萬。淨係還銀行都還咗成百萬，自己儲蓄都冇晒。
女朋友等咗我6年都冇催過我結婚，知道我冇晒錢，連婚禮都俾唔起，最後都係婚姻註冊處$1000搞掂。覺得辜負女友太多
係呢個時候你先會識珍惜你身邊既人，原來開心快樂本來就係好簡單。唔需要駛太多錢，簡單生活食吓嘢，睇吓戲都已經係幸福。
回想自己賭輸果百幾萬真係好無謂。到頭來咩都冇得到，仲搞到人生慢咗十年。
我已經算係控制還債係收入50-60% only，但已好吃力。
奉勸各位賭仔收手，你擁有既嘢從來都係你身邊
起碼比我收入高好多
