唔知係咪因為咁，所以佢一直都極力避免同我有過夜既活動
去我屋企玩通宵 露營 去渡假屋 甚至只係觀星 行夜山 兩年黎傾親呢d活動最後都不了了之
岩岩一齊果時 覺得佢可能驚我呃佢蝦條啦，咁我都諒解，無話去迫佢
不經不覺就一齊左兩年，黎緊我就黎生日，佢就問我想點慶祝
由於我地平時係勁鐘意出去活動既type黎，兩年黎香港玩得既活動都基本上玩過曬，再加上有出過去拍拖打卡既情侶都知，你想有特色咁出街玩一整日，條數絕對係好甘的
咁所以我就提議去staycation, 除左對我地黎講有新鮮感之外又可以去避下暑（我驚佢夏天流流帶我去郊外乾煎成日
）不過佢過左幾日之後 都係話屋企唔比佢同男仔過夜
一方面我都覺得理解既，其實真係唔值得出去訓一晚而同屋企人嘈，但另一方面都真係幾唔開心
一來我知道佢細個d果陣都係自己出國讀書，仲會同人周圍旅行，我唔明點解佢屋企人以前就比佢做呢d野，而家成30歲人就係香港同人過晚夜都唔得
唔通佢自己出去外國同陌生人玩，仲危險過同個一齊兩年既男友訓一晚？
二來我會覺得 如果連生日出去訓一晚都唔得，咁我開頭講果d活動應該都係繼續唔做得
同埋如果連係香港訓一晚都唔得，我更加唔覺得佢會可以同我出去旅行
三來我以前都聽過佢話覺得有d情侶會因為太聽屋企話搞到有矛盾，所以佢唔鐘意d人係媽寶（sorry for大陸term, 諗唔到個本地d既形容詞）
當然呢d通常都係講生仔/ 同兩老住之類既問題
但睇翻呢件事，我唔知可唔可以imply佢連咁小事都比屋企人食住，第日要講d大事就更加無say
其實打出黎都純屬吐下苦水，歡迎圍爐
感建分/ 叫雞建議就免了 唔關扑野事
