LAP正仆街！香港人捐錢根本就落唔到隻狗到！
呢間所謂非牟利動物慈善機構都幾仆街，尤其係呃香港人善心袋起晒d捐款自肥，香港人捐10蚊落去有冇5毫落到隻狗?
【懶人包】【先文，後圖】
LAP爆出醜聞一籮籮，事發至今，管理層繼續深潛，亦拒絕回應10多位LAP托養人的聯署聲明內容及所有醜聞
1. 有LAP的天台狗托養家庭表示，LAP創辦人親自指控佢全家偷狗。托養家庭指聽從LAP指示到漁護處check晶片，結果LAP創辦人打去指控人全家偷狗，之後再到LAP職員打去再指控人全家偷狗，最後LAP要佢全家即時還狗否則報警處理。
2. LAP成日話籌款用黎買藥俾貓狗，被自己人踢爆原來俾過期足足3年以上既藥包括心絲蟲藥牛蜱藥frontline俾狗食，有晒證據。有托養家庭發現後表明唔會用過期藥，LAP叫佢地自己去西營盤中心換1粒冇過期既唔想去就自購。
3. 眾籌款項去向成疑，所有狗隻日常開支糧食尿墊寵物用品沖涼藥浴剪毛補充品藥物(LAP俾既過期3年以上)全部由托養家庭自費購買，眾籌款項被LAP袋起。
4. 有托養家庭直頭收唔到LAP俾既過期藥，LAP要佢即場買藥同其他狗用品，係LAP買藥有d比市價更貴，同一款藥唔同托養人買，仲出現海鮮價，托養人A買貴左，點知托養人B買得仲貴，頸繩亦可以叫托養家庭即場買$500條。
5. LAP係托養家庭托養天台狗期間，LAP無聯絡託養人關心天台狗情況，反而第3日開始會不斷遊說暫托家庭付$1800領養費直接領養埋隻天台狗。有天台狗懷疑有孕，LAP更遊說托養家庭全胎領養。
6. 有獨立義工已全額自費診治由獨立義工救出既天台狗，向LAP查詢問佢地點用眾籌錢幫天台狗，LAP要獨立義工交出隻狗俾佢地向公眾出領養收返$1800，否則拒絕用眾籌錢幫呢d被人救既天台狗body check，義工要接返隻天台狗走，就要反收義工$1800領養費，亦唔保證會批返隻被救既天台狗俾佢，同時LAP繼續眾籌，目的寫用籌款黎幫不斷被人救出既天台狗。
7. LAP係天台狗,身體同行為都有問題(例如分別有天台狗咬到其他狗耳同臉既肉都甩埋)都未得到治療同解決，就係冇同托養家庭溝通既情況下，上架天台狗同批出領養。事發近一個月，有聯署托養家庭fb開post講佢隻雪橇情況冇大傷大病，叫終於ready先可以被領養，仲呼籲大家去搵LAP領養左隻狗，可見聯署托養家庭係真心為狗好，對事唔對人。而LAP勁快就想出清晒d天台狗既做法，除左極唔尊重托養家庭既溝通，仲會導致大量棄養退回既cases出現。有資深LAP義工自己話，d領養人小小事就會棄養退回俾LAP。咁當然LAP又可以對新領養人收位位$1800，好識計數。
8. LAP除左極快想出清批天台狗，亦向領養人講，除左要付款$1800俾LAP，亦需自費狗的以後所有費用包括絕育(如狗被領養時未絕) 手術、所有康復治療。有d天台狗甚至因身體問題未能絕育，忽視貿然開放領養令天台狗有再度被繁殖可能。從LAP facebook 專頁可見，早已有不少天台狗被LAP從托養家庭收回(例如指控托養家庭偷狗事件)，再批出領養收人$1800，劃清所有洗費責任，穩袋大量天台狗籌款。
9. 有LAP托養家庭表示帶懷疑有孕天台狗到LAP指定診所做超聲波檢查，卻被LAP指定診所係無任何溝通同通知下，直接為天台狗打疫苗，托養家庭想阻止亦唔夠佢落手快，而打針後LAP指定診所先話叫托養家庭自己觀察狗隻是否懷孕，完全忽略亦無解釋隻狗會否因突然被打針而發生流產、生畸胎。
10. LAP指定診所為天台狗做絕育手術嘅手法非常「求其」，有LAP托養家庭反映狗狗做完絕育手術嘅傷口縫線隨便，過咗幾日仲不停流血好似滴蠟咁。除此之外,亦有狗隻在診所絕育不夠1 星期後,有月經的出現。有托養人表示LAP指定診所係天台狗手術後麻醉藥未過未行到，就即時要求托養人帶狗離開診所，完全無視天台狗麻醉藥消退時會否出現突發身體情況而托養人亦好難去拎得起一隻大型雪橇走。
11. 藝人黃良昇子Willie Wong自稱佢地俾左10幾隻天台狗LAP，但LAP表示批狗唔係Willie Wong俾。知情人士透露LAP根本冇去過天台現場救狗，批狗疑似黎自Willie Wong，而家LAP扮唔識佢。大眾都知仲有40隻天台狗係Willie Wong手，LAP管理層對外講極之想幫下落下明天台狗同時繼續以幫助下落不明天台狗名目眾籌，但冇任何途徑可以嘗試搵狗。明明LAP批狗就係黎自Willie Wong，而家扮唔識人話冇任何途徑，眾籌款項就穩袋，仲要托養家庭自費所有日常開支。
12. 眾籌所得款項疑早已遠超目標額10萬，亦冇出post說明，只有不斷出post叫香港人繼續捐，亦從來冇公開過財務報告，冇交待過眾籌籌到幾錢同具體用途，LAP只會不停話用晒係絕育同買藥包括心絲蟲藥牛蜱藥frontline（買過期3年藥？）俾狗食，事實係所有日常開支（包括藥物）全部由托養家庭自費。
13. 有LAP托養家庭表示見到LAP義工夾生將天台狗扯落樓梯。明知呢批天台雪橇後腳肌肉唔發達、行路唔順暢，甚至唔識上落樓梯都照夾生扯。到底LAP平時係點對d狗，心裹有數。
14. LAP team在醜聞暴光至今，完全潛水無向香港市民交代，然而，在各大facebook專頁有一大班打手出沒，既無法律責任代表LAP team，又嘗試扭風向死都要講返生，仲要有可疑人士挑剔講出真相既人。而係LAP專頁，有個自認係資深LAP既人，更語出驚人話LAP管理層淨係識睇英文，話管理層執狗屎，亦無需要（時間）「entertain」公眾。
而家係咪話執狗屎重要過公眾知情權、托養家庭清白、所有醜聞既交待？？？LAP又推d動物出黎擋，佢地既心態同做法真係令香港人極度反感。
圖
天台狗眾籌
1
2
3
4
5
6
LAP回應公眾
幫手推爆佢，推班淨係識睇英文既管理層出黎交代
