以下全篇純粹經驗分享，自行摸索得知，絕對可能有錯，見到請大方指出；另外因為肯定有唔少exception case，建議有唔明或唔確定既先Google，呢度問都未必真係答到你
ITIN係美國對於非美國人比既稅務編號
其實就算冇呢個編號美國照樣可以收海外人士喺美國收入既稅
對海外人士黎講拎呢個編號最主要用途係退稅
不過呢個唔係呢篇重點（事實上香港人係幾難有正當理由拎到退稅）
近年由於美國開始多銀行接受以ITIN申請戶口/信用卡，而且係網上唔駛親身
所以ITIN對於香港人就多左呢個用途
至於仲有冇其他用途就自行研究….我自己就只以此為目的
網上其實已經有唔少實例成功用ITIN開戶
本人都已經成功申請到信用卡，戶口遲d會搞埋
但由於流程相當複雜，全部完成後可能另外開po講
原因
不過首先可能有人唔明點解要開美國銀行戶口
而且信用卡就全球通行，走資可以開離岸券商或者本地銀行離岸開戶
其實原因都唔難明，亦係我個人遇到既問題
1. 本地銀行離岸戶口難於本地申請
除非你係尊貴客戶，唔係你個人喺香港其實都唔係咁易令citi/hsbc幫你開個美國戶口，注意係講緊你個人冇出境，如果你可以親身飛美國其實就好多選擇
據所知應該得華美銀行係可以比海外人士冇乜條件就申請到美國戶口，不過先唔講你信唔信得過佢
我自己就直接比佢reject左所以
2. 離岸券商存款較麻煩
唔係講緊你自己匯比自己，係講緊其他人比錢你
由於券商賬戶唔係跟你名，入錢都係備註欄先寫你個名
好多時人地比錢你係要求戶口要跟你名
呢個時候就做唔到，所以都係有返個自己戶口方便
3. 只接受美國信用卡
同日本一樣，部份美國網站只接受美國信用卡
例如呢度最多人知可能係EVGA
數量唔多但撞起上黎就頭痕
雖然有PayPal美國但其實真係最多只能用一次半次（實測），基本上不可靠
券商卡又有d未必支援3DS變相用唔到
方法
先簡述海外人士一般主流有兩種方法
1. ITIN代理
經代理申請，好處係全程有人跟進，比咩文件佢都會教哂你
成功率高
但費用通常要幾千港紙，非常昂貴，本篇唔作說明
2. 自行申請
自行申請通常都係以要求退稅黎申請
美國標準收稅率係30%
由於美國對於世界各國簽訂唔少稅務協議，所以對於唔同國公民既稅收率其實係有調整
但好多時都有理冇理先收30%，所以就可以申請退稅
不過注意，香港係冇稅務協議，但退唔到稅唔代表你冇得申請ITIN
退稅只係個申請ITIN手段，唔係目的
自行申請好處係所花費用最低只有寄文件到美國及少量印刷既費用，不過相對所花時間可能好長，而且係有被reject要再寄一次既風險
不適宜有迫切需要既人….不過其實又冇乜野人會有迫切需要既
本篇教學當然係自行申請
準備
由於係以退稅理由申請，唯一需要準備既就係製造退稅理由
對於香港人而言通常只有兩種途徑
1. Amazon賣書退版稅
簡單講係通過喺Amazon賣書，由美國人士買書預扣30%稅後
藉申報自己唔係美國人黎退版稅
不過麻煩在就係要揾到張美國人或自己有張美國信用卡買
而且據說呢個方法最近已不可行，本人唔係經呢個途徑，本篇唔詳述
2.離岸券商利息收入
只要有購買會發放利息既股票，就會被扣稅
注意係要有比股息既股票，如果你剩係買SQ或者TSLA之類咁都係冇
最簡單又大隻穩陣既當然係AAPL，VOO之類
另外有唔少券商會好似銀行存款一樣只要有閒置錢喺度，每月都會派少量息而且一樣會扣稅，通常實際來源係基金派息，一樣可用
不過建議以上股息收入最少要有5美金以上，太低有機會被reject
（個人使用CS Int以下均以此為準，請注意其他券商可能略有不同）
由於海外人士申請離岸券商一般都會有填寫W8-BEN表格，券商通常都會根據你填既公民資料幫你股息預扣稅
只要當年有哪怕最少1分美金收入，券商於下年3-4月左右就會發放1042-S表格
我地就係要以預扣稅扣多左既名義
表格分唔少部份但一般冇地方我地要再填寫
你只要知道上面有寫我地利息收入同已預扣稅額
呢份就係必須準備既材料，所以以目前6月由零開始架話只能等下年3月
但如果係一向有買美股既就多數可以自行揾返mailbox拎返份表出黎，注意就算係舊表都可以，好似3年內都用得
