唔出奇,作者係獵人fans,咒術同念能力嘅設定已經好似,直接用獵人嘅念系統嚟解釋都得
,虎仗強化系、伏黑實體化系、宿儺變化系、加茂家赤血操術操縱系,仲有黑閃 = 硬、咒力包住武器 = 周、天與咒縛 = 制約與誓約……
唯獨係差在咒術好着重天賦,但係念可以日積月累練上去,個人覺得呢個係咒術設定嘅一個硬傷,一個凡人點都贏唔到有天賦嘅人,例如而家嘅55555我真係唔知有咩方法殺死佢。而獵人嘅能力可以互相制衡,一啲唔起眼嘅能力者都有機會剋到強者,比咒術嘅設定好睇。
後期仲越嚟越多複雜嘅規則同能力,睇得出芥見下下係想學獵人嘅風格,但係故事劇情、人物抽寫、漫畫分鏡等等都唔夠冨樫勁。