有冇人準備結婚既時候分開

即係ready囉，未ready就唔好結

我果時都係咁，影晒pre wedding 買晒戒指
去到book埋場地定晒日子
跟住覺得自己原來未ready
突然覺得男朋友有某d部分 自己好難可以忍一世
又突然覺得自己未玩夠，唔想咁快結婚框死左自己
我都開晒聲想放棄段感情架喇

最後好彩我男朋友夠堅定 我迷惘左差唔多有十個月
我有咩難題 佢都解答我 願意等我 什至為我去改
一直都係我身邊
最後比原本婚期再推後左一年

我覺得你最緊要係諗清楚
結婚應該係最幸福 最確定嫁俾對方果一刻
連結婚果一日 都仲猶豫緊的話
如果我將來發生咩事
我都會好後悔當初嘅決定

你要咩自由？搵下個會更好嘅自由？定係偷食嘅自由？

其實好簡單 唔好再拍拖 再害人
食鹹魚又要屌口渴 就係你呢種人
咪成個港女咁 以為自己可以乜都著數晒

我覺得唔需要將結婚睇到咁複雜，係睇大家夾唔夾，睇嘢簡單啲就夠。遇到一個你真係好想照顧佢一生嘅人真係好難，你將婚姻睇成係束縛自然會成為你嘅束縛，好多嘢都係心態決定一切。

你想識朋友，你心態真係識朋友，就可以去識。
（當然如果你想識嘅朋友對你有意思嘅話就真係要保持距離，唔好令另一半猜疑）
你想去玩，只要唔係去欺騙，就可以去玩。

一段感情一定會有犧牲，一定會有更好嘅人出現，但係只要大家都做到知足，選擇愛身邊個位，拒絕更好嘅，專一其實好易做到

結婚溝通好，Ready咪結婚囉，唔好講咩社會定型，愛情本身就係排他，雖然一世都拍拖都可以做得到專一，但係我個人就覺得結婚係一種承諾，而結婚唔係Must，係要睇係唔係值得同當下哩位人結婚，拍緊拖都會慎重考慮，會唔會係佢，內心都渴望有一段一夫一妻一生一世嘅愛情，簡單啲，白頭到老。年齡唔係考慮，時間都啦係考慮因素，考慮嘅係哩個人係咪適合，係咪夾。

所以我覺得好多人係度計畫30歲前要結婚，其實咁樣係唔成熟，因為趕deadline ，同邊個結係無分別。反而我覺得係睇吓大家拍拖相處嘅時候，係愈嚟愈想同哩個人結婚，唔會諗拍咗幾耐，唔會諗青唔青春，因為係啱嘅人，慢慢就會發覺愈嚟愈夾。唔啱，有一日都會走。