［新整合分類］召集所有紋身及刺青愛好者18

幾靚

唔係紋開呢種 唔識比評價
但想叫你加油

多謝巴打 一定會繼續努力
由完全0基礎唔識畫畫到依家稍為ok同有開始幫人紋已經剛好3年
利申：唔係黎搵客，因為小弟係台灣住同埋學紋身講真做學徒都幾辛苦下但無論點都會繼續努力

多謝巴打嘅讚賞仲有好多張係依3年練習畫落黎嘅手稿，但怕洗到大家版唔敢放太多

問返你師父好啲喎師兄

寫實大撚把師傅都高質 唔明點解要揀個水準咁唔穩定既

你當初紋第一個客係咩感覺

咪係

呢到一講親寫實就會有好多大師出黎，希望佢地比到意見你

係 台灣 拜師？？

係香港紋咗3年可以開班啦

如果係由無畫開畫到而家呢個水準都只係3年，真係好勁

我以前有畫開畫（而家已經唔識畫），但無正式學過同無你畫得咁好，指教唔到啲咩，不過睇到可以再多練習人物臉部透視/比例/構造

第一幅圖個背景係咪可以對稱啲 兩條斜線同下面既弧形同曲線
手繪可以慢慢練，但用黎做紋身作品既話對稱就好重要，不過我相信呢樣用電腦好易執得靚靚仔仔

畫動物既野我就真係唔識，但個人覺得雀仔既軀幹望落有少少flat，可能係仲未熟悉佢地既肌肉構造？除此之外咁多張圖驟眼望都好靚 加油呀

我而家睇緊1樓嘅各大紋身師嘅作品慢慢比較

好靚丫

不過唔係紋開依種

純粹路過見好靚

佢自己個徒弟都好過佢

個啲就算啦

開名啦

多謝巴打回覆 其實小弟一直都會試問身邊任何人嘅意見，因為審美每個人都唔一樣，的確黎講作為師傅係一定會比普通人有更高對於美嘅判斷，但我自己亦希望嘗試去接受唔同嘅意見，陌生人（客人）可能比嘅評價反而更直接同帶出我地睇唔到嘅野
小弟講得1999請見諒

巴打你好
好記得紋第一個人係紋英文字！都已經好耐了！紋英文草寫+拉花
兩年前左右好似，岩岩開始練埋手寫字，草寫花體哥德書法個類都由個陣開始keep住練，我通常唔會去用電腦字體，因為出黎嘅feel係好死板，冇流動感，個陣練習都寫左好多張紙疊起黎都有厚度咁由a-b 大小寫 拉花嘅形態 流暢度 比例斜度 再根據客人嘅氣質去設計要比較硬派（西岸，美式）或係文青啲潦草啲，講起黎其實都好複雜！ 但簡單講就係 要寫出黎係有正統草寫feel（唔係太識表達sorry）
言歸正傳，第一次紋淆到傻，係紋我一位好朋友，個陣有師傅會幫手執手尾（紋衰左的話）單針嘅鋒利度，手速，擺幅，電壓，紋身機嘅特性基本上完全當係0概念，因為你練習紋人工皮但始終同人皮差太多（彈性，軟硬身體部位好多完全冇得比）
紋個一刻唯有輕力紋，盡量唔好爆針（紋太深，會傷皮下組織，墨水會混濁，散開）但紋太淺只傷表皮當然亦唔得，所以都幾淆底怕紋唔好，但冇辦法縮沙，始終將來都係要面對，因為好多技巧經驗都係由願意相信你比你做白老鼠嘅人身上得返黎！ 同埋要有假如紋衰左但之後日子變得更勁，有辦法去處理返嘅態度咁就得
個陣一開始紋，唔知點先入針到對嘅位置電壓又跟唔到手速好多野都好唔熟悉，幾絕望好驚紋唔好，因為好多野真係要靠自己領悟，師傅其實講曬比你聽，但實際情況操作起黎完全係兩回事 但都係個句！一定要經歷好多實際操作同埋挫折先會有進步！（當然前提係你對每個人都保持責任而唔係亂咁黎就算吸取經驗再改善進步）

多謝巴打嘅回覆，其實坦白講句，紋身冇乜可能咁短時間就可以開班教人.. 最基本最重要嘅畫畫，美感，你研習嘅風格有冇做到（到位）eg.美式old new 唔係卡通2d上色就得，而係有好標誌性嘅配色，結構來歷⋯⋯又或者日式傳統半甲包曬成身，全部都係要參考人體手繪落去，比例（因為日式傳統你當係武士嘅鎧甲咁）好多野都要做到（到位有feel）係需要大量嘅專研同練習，師傅仲需要大量嘅知識去應付任何問題，機器嘅結構，材質好，入針嘅技術，皮膚嘅位置，好多好多好多好多講唔曬 拜師黎講，正常黎講最少5年先會出師，當然你自己學幾個月紋一紋筆都未識揸就去開店自稱紋身師就另作別論
但以小弟黎講，小弟只算係岩岩開始踏入紋身技術嘅學徒仔，因為基本上依3年大部份時間都係練習畫畫，因為真係0基礎同冇乜天份但鐘意畫畫only真係紋身嘅時間可能都係年幾咁，因為每個模特兒隔嘅時間都好長，1-2年都唔係日日紋，一兩個月紋一兩個咁，始終紋身黎講，畫畫係真係最基礎要有嘅野！如果連筆都揸唔好，你紋身可以達到嘅高度絕對唔會去到邊，只會停濟不前！
至於幾耐可以開班，夠厚面皮唔負責任嘅你幾個月都可以開班教人，但小弟學紋身係真心興趣！同埋我對紋身嘅專業度係極之追求，所以好清楚自己嘅實力係完全唔夠，要繼續努力！賺到開班費或者紋好多人有錢賺邊個唔想但對於每個客有冇盡力去desgin，為佢嘅紋身負責任，令佢覺得依個紋身係帶比佢有一輩子跟係身都ok嘅意義，依d先係紋身師基本職業道德

horitsuki ?

下半身一定痛過上半身全部

香港無啦