有冇人分手後一年半載後復合返

我都係
圍爐？

你散左幾耐？我大半年了

How?

會啦，多謝你反而覺得輕鬆咗，等一個更珍惜我嘅人出現

可能只係得你單方面無覺得死纏爛打
你已經俾晒個底牌女仔知道你係想復合
你心態根本已經唔係朋友留喺佢身邊 只係想透過做朋友而去復合
你覺得對方會唔會感受到？有時死纏爛打未必係話要訊息轟炸，心理上面呢一種情況都可以算係死纏爛打

明白你係想同做朋友去復合，會擔心因為你唔搵對方對方就會忘記你

但希望樓主明白佢決定咗同你分手就已經係分手，唔會因為你繼續搵佢佢就會同返你一齊，你嘅分手原因唔係因為你唔搵佢。加上如果你一唔搵佢佢就會忘記你嘅話，咁你本身就係一個nobody=你繼續keep住搵佢係冇忘記你嘅，但都唔會同你一齊返。

你要同返佢一齊就只有重新吸引番佢先得，但係呢個方法絕對唔係繼續日日當佢朋友咁樣傾偈，你可以做朋友，但你就做返朋友應該做嘅事。你會唔會日日去同個普通朋友傾偈？

依家你個價值太低啦，你要比對方知道你放低咗，佢隨時會失去你，佢先會留意你嘅改變。你透過傾偈俾佢知道你嘅改變，對方都會覺得好大壓力或者覺得你只係喺度扮，唔會真心覺得你係改變左。

你心態上都要改變，改變係為咗自己唔係為咗其他人。明白呢一刻分手嘅你一定將所有責任攬晒上身，但係分手唔會只有一個人嘅錯，而家你係過度光環對方，貶低左自己。

復合第一步真係要先放低先，明白好難做到，都需要時間，加油

你講得好好
但當局者迷
果陣心態係以為會感動番佢
你岩 時間好重要
相信緣份