楊冪話自己唔放屁唔撩鼻屎，果然係靚女呀！
楊冪揸住棵西蘭花出場，佢話自己沒有鼻屎！
亦都唔放屁～
聽到小S都呆咗問佢係咪人嚟？
楊冪喺節目上繼續自嘲，話自己其實好多肉！
小S摸完嘅反應，好似誇張咗啲呀？
點解咁白？因為搽咗咁厚嘅粉底！
楊冪出名腳長，小S忍唔唔住問：「有沒有打陰影？」
一山還有一山高，楊冪再「自爆」大髀開刀抽脂，問你死未？
當「女神」遇上女神時…
林心如（資料圖片）
台灣女星小S（徐熙娣）主持嘅綜藝節目《姐姐好餓2》最新一集邀請咗楊冪做嘉賓，而喺節目預告中，楊冪多次自嘲，搞到小S都差啲招架唔住，不過遇強愈強，兩人仲愈講愈多，楊冪仲話自己唔會放屁𠻹！
眾所周知，靚女係唔會屙屎、唔會放屁嘅！睇嚟楊冪都知自己係靚女嚟，好有自信咁話自己唔會撩鼻屎，唔會放屁，搞到小S都就嚟反白眼問佢：「你是人嗎？」不過，其實佢哋都係講笑啫！
楊冪唔只講自己，連好姊妹林心如都「出賣」，踢爆林心如減肥內幕，再補多刀話：「看她好像也沒有甚麼效果！」小S聽到都忍唔住話：「Oh My God，原來你是笑裏藏刀的人！」
跟住楊冪繼續自嘲又自揭缺點，身材高挑嘅佢話自己手臂其實有好多肉，呢個時候小S走去摸，一摸完誇張Mode話：「怎樣那麼囊？」小S都出名轉數快問題又夠直接，當佢望住楊冪條長腿時就問：「有沒有打陰影？」點知一山還有一山高，楊冪再發功，「自爆」大髀開刀抽脂又話塊面咁白係化咗好厚粉底，自嘲功力同佢啲粉底一樣「非常深厚」，睇嚟「女神」小S遇上呢位女神，應該「鬥餐死」喇！
http://hk.on.cc/hk/bkn/cnt/entertainment/20170629/bkn-20170629114352753-0629_00862_001.html?refer=fn2
