1. 手工差 啲掃口粉勁柒 磚與磚之間有罅
牆身啲電掣位裝到突曬出嚟咁 啲封口位又係凹凹凸凸
仲有牆角油油有明顯裂紋
2. 地磚 牆磚要鑽嘢 畀佢整裂咗塊磚
3. 啲門質素參差 大門前後郁有虛位 佢話係防冷縮熱漲 但係郁到有聲
趟門直頭有嘢甩出嚟 門頂個接駁位又係有條罅
4. 廚枱個電掣位太貼枱面 用唔到 仲賴我哋要求張廚枱太高 要調返轉裝 到時又唔知會唔會整爆我塊磚
5. 仲有啲玻璃膠位 一條畀佢唧咗三條出嚟 左搭右 右搭左 好似整蛋糕咁 又係屌柒佢先肯搞
佢本身已經delay咗半個月 酒店 迷你倉都係錢
勉強住落發現好多問題 廚房鋅盤漏水都係啱啱發現 搞到都唔敢執屋 廢事有咩執漏又勁大塵 叫撚咗佢幾次嚟執都十問九唔應
而家連個鐵閘都未裝 話仲運緊 扣起咗條鎖匙 得條後備鎖匙 去問佢拎返條匙就話仲有兩期錢未畀 裝埋鐵閘就會交匙
想問下啲濕尻甩漏佢唔搞 或者搞唔掂係咪吹佢唔脹 我一定要硬食曬
問題唔係話好大 但加加埋埋就好撚燥 又唔知之後住落仲有冇其他問題 而且佢完全唔想理咁 又洗咗唔少錢 條氣好唔順
