我40幾歲至開始自學結他,玩咗四年幾但係仲係好多嘢唔識。但係有少少個人經驗希望都幫到你。
首先選木結他,若果想玩流行曲一般都會選擇鋼線結他,因為音色比較接近。若果經濟負擔得起可以考慮用二三千蚊入手一枝面單,若果真係預算在一千蚊內可以試吓Yamaha F310,因為平價入門結他品質比較穏定,我自己就係由呢枝開始結他之路。
同時弦線可以直接換 0.10 - 0.47 ,可以令你減輕初時玩結他產生手指痛問題。
網上自學資源,我一定推薦 Justin guitar :
https://www.justinguitar.com/
原因係內容詳盡細心,由淺入深,最重要係每一個學習階段都有建議練習內容,練習有方向令初學者容易有成功感。
Fingerstyle 入門,若果有興趣玩吓,我會推薦 Sky Guitar :
https://www.youtube.com/c/SkyGuitar/featured
佢會將唔同0既歌分成唔同程度,有詳細示範。可以揾啲一星級玩吓,包你愛不釋手。
暫時講住咁多,希望大家一齊喺結他路上加油。