撞車claim保險

你錯步驟啦第一時間落車問人地肯唔肯私了 佢肯而架車又唔嚴重既影相比車房初步報個價 簽野走人啦 真係請埋佢食飯咩 佢肯私了即pay報咩警保障自己？

佢唔肯先報狗姐 你睇返樓主 佢一落車就報狗啦

啱呀， 肯比咪唔報警lor

我果時係條友撞我車尾， 之後仲串過馬撚， sorry 都冇句，最後傾唔埋我先報警


我冇睇真樓主篇野， sorry
如果佢一落車就報狗， 姐係唔諗住私了

唔和解就快啲去睇醫生啦
反正頸痛腰痛呢啲不嬲過幾日先會感覺到
跟住順手講埋影響工作
幾多日開唔到工etc

樓豬咪講咗人地唔肯和解先報警囉

上返去爬文先啦清

咪就係,報咗警都可以和解的
兒登班車手真係
唔講以為撞人個p牌上咗黎留言：「媽咪,樓主唔比機會我和解呀」

過來人，想講你最後一定會跌錢。
2年前俾人撞尾，返廠claim全保整左14萬。
自己嘔折舊成萬蚊加墊底費$5000。
跟住判左對方錯，保險開始追錢，但呢2年我ncb全hold, 再加loading, 比平時每年交多8千，交左2年。
到今年都重未追返錢，但公證行已聯絡，最多只追到墊底費，如要追埋其他，要從其他途徑去追。

唔好on9聽人講，撞車等收錢，時間同金錢，輸到你喊。

除非佢唔想再揸車啦

你肯傾就賠整車錢算
唔傾？頸痛搵律師

其實落袋既錢唔係你想像中咁多，首先你要俾公證行估計整車價錢，其中會計算零件折舊(即係整車費用要打折)，最後扣埋墊底費，如果整車費用>最終報價，恭喜你！請你自掏荷包補返差價先會開始整車，跟手又要等對家完成判決先會開始索償程序，其間自己NCB會扣起一部份，變相來年續保會俾多左錢，最後你想向對家收返所有差價，真係未必可以收足100%

哦，你仆街喇。。。。
你同P 牌有意外。。。 係呢度。。。實係你錯架。。。呢度啲P 牌手車好撚勁架。。。你走先啦。。。🙏🙏🙏

呢度係咪好多人以為公正行好公正點會公正行報價少過車房，識玩爆玻璃都claim到成隻門啦

另外番原廠整梗係輸錢，你要番原廠整丫嘛，咪輸錢囉

全保就乜7都唔洗攪，係佢錯就墊底費ncb都會扣左你先，但有結果後全部都比返晒你

報咗警之後，差佬過幾個星期會打比你哋問係咪和解。

如果唔和解就開始調查誰對邊錯，定兩邊都有錯。

假如判對家輸，賠償額少過$75000，你咪透過小額錢債問對家拎返錢，相反亦然

佢識唔識
和唔和解都要報狗㗎啦

你係衰在無頸痛

公證行影相-整車-律師，完

唔係你撞人 唔好郁自己份保險，說算你買全保。

第一時間搵車房初步報價叫佢介紹公証行影相開file。 咁車行做野方便好多，冇必要唔好搵原廠，因為個價差好多好多。 維修費你要俾晒先，直到個官判左先可以開始claim對家保險。 仲要唔知claim幾耐。

過來人，搵食車，前年俾人撞，我全保，原廠報價4萬，我自己搵車房唔駛2萬。 等左兩年個官判左勝訴，諗住claim 佢保險，點知對家保險公司話佢遲交左保險唔肯賠，公証行都搞唔掂，跟住撞我條友破左產。 claim返零蚊。

總結： 俾人撞同撞人都係破財擋災！ 好燃嘥時間，仲要維修時成個星期冇車用。 祝各位司機路路平安。

未撞過車？佢即和解即收錢簽紙走人啦 仲等差佬黎搞曬自己時間咁好笑既？ 講緊嘅係佢唔肯私了就即場報警姐

搵囉保險做，一係 全香港車主埋單

或者俾保險捉到係呃病假報埋驚 再唔係就打輸quantum輸埋身家

正正就係你試過對家破產+Claim唔到對家保險
先更加突顯到claim全保嘅重要性