朋友第一身經歷！ KAS動物庇護中心沒有善待貓狗，義工痛心剖白: 你都係被蒙在鼓裏嘛？

https://www.facebook.com/groups/LoveAnimalHK/permalink/1919058964952473/

我曾經係KAS嘅義工。我認識呢個狗場嘅原因係2020年9月16日，有一隻狗狗跟咗我屋企人返屋企，我怕佢係失狗，佢好乖，於是hold起咗，最後聯絡了Kelly，佢第二日接咗佢，當下我好多謝佢幫忙。之後有一個人約我去KAS探隻狗狗，義工同我講個場好大需要，就係咁開始咗幫忙。非常感恩，當時有義工幫助狗狗好快有家！

(Fb post有當時的post)

我主要負責社交媒體Facebook, IG，因時間同工作關係，只能間中入場。我第一個寫嘅post係城門水糖BB (20/10/2020)，最後一個囡囡 (23/05/2022)。喺呢一年半當中基本上9成以上嘅po都係我負責，當中好多領養，救援，醫療po都係我寫，如相中嘅來來，蝦餃，燒賣，乖乖等等。就連KAS 2022 慈善領養月曆裡嘅每一句都係我嘅創作，我嘅心聲。

幾次有爭議性嘅事件，我喺社交媒體中都花咗好多時間為佢辯護，想方法幫佢拆解。雖然少能入場，我選擇相信佢講嘅說話。

同好多人一樣諗法，其實佢放棄原本嘅工作，一個人要搞一個狗場場真係好唔容易，即使有好多地方做得唔好，佢都改善緊啦，況且邊有狗場係完美？仲有成250隻狗狗，咁點算呀？

我認同架，所以呢一年半以嚟都係帶住呢個期望，我曾出力有叫身邊嘅人支持KAS。可惜有啲嘢係唔會改變，就係個心態。

城門水塘BB個po時有170隻毛孩嘅”嗰170隻毛孩點算？”到宜家已經係”嗰250隻毛孩點算？”繼續無限量支持到350，450隻？連基本嘢都照顧唔到，污糟，成日打交受傷，病又遲遲先發現，越嚟越多毛孩，咁係件好事？義工難以勸阻kelly減少收狗，但至少希望出領養速度能趕得上， 以免場內無法𠄘受負荷，導致愈多狗狗被忽略，釀成悲劇。

我同好多義工都係為咗狗狗有家，就算搵唔到屋企嗰啲都會喺場內住得舒舒服服，唔使喺街流浪咁慘，所以先咁落力。好多義工俾狗狗相，叫我幫佢哋出領養，入場多嘅義工知道毛孩喺場裡面完全無被好好照顧，好想佢哋可以走得甩。而場主主要叫我寫嘅基本上就係醫療，救援post，一個狗場需要錢營運，我絕對理解。但問佢攞狗狗資料出領養，成日都要三番四次追問先會俾，甚至到最後都無俾。搞一個狗場，忙，我明白，但關於其他事嘅信息就有時間覆，咁呢個我就唔明了。

我自己最著重就係狗狗有幸福，好多毛孩，明明知道一出post就一定有個幸福嘅家，甚至唔出post都已有人問，然後一句話係佢自己嘅毛孩，咁就無左個機會，人哋將毛孩交俾佢時係信任佢會幫毛孩尋家，就算未能搵到新主人都不至於生活得咁慘，長期困係房度，無人照顧，污糟邋遢。一隻毛孩有幾多年命？好多義工都試過幫口，當然無乜用啦，所以話9成名種被領養，所有義工都知呢個唔係事實。兩，三年對佢哋嚟講就係佢哋生命嘅¼，⅕嘅時間就咁俾kelly剝削咗去！

有不止一個宜家仲幫忙嘅義工同我講: “呢啲kelly唔放手嘅狗狗，由佢，改變唔到都無辦法，幫其他狗狗囉” 但真係唔好意思，見到毛孩過啲咁嘅生活，真係妥協唔到，好心痛。好多愛毛孩嘅義工都妥協唔到，所以做得耐嘅得咁少。

KAS好多毛孩都真係好乖，佢哋最需要嘅係愛同關顧，同埋佢哋可以有一個幸福嘅家！而唔係個場執到有幾靚而佢哋生活得唔開心。入場嘅義工有幾多時間係可以關心下狗狗嘅？有幾多唔夠主動狗狗係長期無人理？我諗入過場嘅義工都心中有數。

狗場個主角係狗？定係個場？定係個場主？

係抹黑定事實，大家只要去就ig搵到支持，反對嘅Ig，自己判斷。(link在最底）

真正認識我嘅義工，你哋知道我為人。

不過無嘢比領養更重要，所以懇請大家多多去KAS領養！毛孩係無辜的，有時就差少少就係差少少，因為我哋永遠唔知第二日發生乜嘢事，就好似大白咁，幫佢出完post，預備回家之前就到了彩虹橋。


https://instagram.com/report_kas?igshid=YmMyMTA2M2Y

https://instagram.com/support_kas?igshid=YmMyMTA2M2Y

推！！！

推

我個隻係一年前係KAS領養，入過去2次，環境未至於咁差，但loading問題我係同意你講法

推

啲NGO得啖笑啦

為乜自己諗

推！！！公眾既眼睛係雪亮 睇完咁多資訊 對與錯大家識分

得罪講句，成日唔明啲狗場自己養唔掂
但又要set到個門檻咁高，基本上唔係住私樓都唔畀領養
但住私樓咁有錢又未必會鍾意唐狗
咁點解唔降返低領養門檻
會慘得過困狗場咩？
最多養唔掂咪扔返返黎
但而家係直接閘住咗好多想領養嘅人

兩個月前啲老鼠多到…
唔太接受到啲狗狗俾老鼠恰返轉頭
啲老鼠仲要霸埋狗狗張床 隻狗就縮喺角落

根本係d所謂義工自己想養

佢搞唔掂 唔代表要set 低個門檻
佢係應該唔好收咁多動物
扔翻狗場 你講就容易
一黎動物要重新適應 二黎有啲人會選擇扔出街
最後受害既都係隻動物

同埋點解好多都要私樓先比領養
係因為好多地方公契都唔比養動物
一比人投訴 咁隻動物點呢？
哩個條件只係想減低動物受影響既機會

領養條件都係為動物本身而訂立
如果因為條件麻煩而閘住左你想領養
咁就要諗下你係咪真係預備好去養一個生命
養一個生命係好大責任同埋唔容易

得罪講句，成日唔明啲狗場自己養唔掂
但又要set到個門檻咁高，基本上唔係住私樓都唔畀領養
但住私樓咁有錢又未必會鍾意唐狗
咁點解唔降返低領養門檻
會慘得過困狗場咩？
最多養唔掂咪扔返返黎
但而家係直接閘住咗好多想領養嘅人

真係唔明 點解仲有咁多人撐Kelly
入過去狗場 都知佢係東張西望講既係大話
夜晚先多啲老鼠？日頭已經見到佢地無處不在
將啲狗狗困係個細籠度係等過籠？人地問佢其他時間係咪唔會有哩個情況出現，佢仲話係？
明明就係因為隻狗會同其他狗打交所以困住佢！
個兩隻poodle 話係佢既寵物，大佬你都比翻寵物既待遇佢哋啊，咁大隻困係個咁細既場度。。。。。。

咁自己慢慢攬到夠啦
成日話救急救急
村屋又話驚你放養，唔畀養
啱啱結婚又話驚你第日生仔會棄養

再唔係傾好晒啦，轉過頭又喊住話唔捨得
都係唔畀你養啦
都癡撚線

識人住私樓有車有養寵物經驗
都可以話前面有更好條件嘅人排緊
咁多人排緊都仲可以間狗場咁多狗？
唔想畀人領養就唔想啦
成日鳩噏啲理由

你唔畀機會人，點知隻狗畀人唔會更幸福呀？
仲要啲狗場明明環境都唔係好好
夏天熱到仆街仲要困籠多
會差得過喺狗場？

人都有分貴賤 畜生都要 唐狗就佢死佢賤

珍，對啲反動物撚黎講有你依個賤種支持真係好大幫助

推