二手車做PPF

近排買左架二手車，唔係D咩貴野
（只係小弟一直以黎嘅dream car, 所以都希望好好keep下）

架車係全原裝油，但車頭有少量石仔痕跡
想問下適唔適合就咁做PPF？
定係要點左油先做？

本身冇相熟嘅舖，見D廣告真係花多眼亂
(又D話直接做，有D就鍍完膜再做，有D就電腦膜，有D就人手但要拆車）
希望有巴打教下路，要點揀先唔會咁易俾人呃，同點為之正常價又質量ok?

鍍膜就唔洗做 垃圾黎

PPF 唔同鍍膜wo

長泊室内定室外?室外就唔好諗PPF

我睇fb d車膠膜黃晒，要撕番出黎再上鍍膜

多數室內

特別白色

要睇下咩車 每架車啲油都唔同 如果撕既話有機會會甩油

ppf有好多種 幾千至幾萬都有 視乎牌子或者張ppf既特點

如果部車本身D 油已經唔好，第時甩ppf 分分鐘連埋d 油一齊起
真係鍾意部車留D 錢整靚佢/翻噴好過啦
D 乜9 ppf 鍍膜好賺先有班人日日吹奏

就係大多資訊
怕PPF好快變黃
又怕第日撕返出嚟傷到原裝油就pk

真係唔知咩信得過，咩信唔過
（但唔保護下，D石仔一彈埋嚟又心痛）

個人覺得PPF 好浪費金錢：第一，PPF 唔係無敵，仍然有機會有石仔痕；第二， 如果要撕PPF會有機會傷漆，變相你最後都係要噴油

明白
只係怕做左水魚自己都唔知
正路張PPF貴，當然質素應該好D
但係唔排除有心人cheap貨當貴野sell
到時＄又洗左，車又keep唔得靚就

要黐啲頂級ppf 聲黐唔會變黃（暴曬另計）同埋呢啲好似有5年保養 黃左可以黐過 但呢啲黐一架車都3萬起

買車驗車嘅時候，個驗車師傅話全車係原裝油（係特別色），建議我盡量keep好啲，千祈唔好去做PPF，怕起返出嚟如果有問題就自己蝕。

自己就十五十六，唔知應該點好

其實心痛極都係層漆油，而且傷極都係同一個位，三五年噴一次油都唔會貴（除非你好憎噴油/D色太特別冇人識溝）

拎舊錢洗車仲好

就算做完咩鍍膜 ppf
落一落雨 或 揸番幾日
架車己經有d污糟

當然又可ppf 又可洗車啦

好矛盾，呢個價去keep車漆五年，唔知值唔值得？
（個人黎講叫貴，純粹打工仔一名。當然有巴打會話鍾意架車，洗多啲錢都值。但個人能力有限，有時都要諗過度過先）

感謝你提供資料，我會去google下
（有時唔識D牌子，盲中中去search，個個牌子都話自己又靚又襟用）

問題係 唔痴ppf 5年後只係正常老化,
ppf 就5年點都會黃 同大機率換新ppf 傷漆

其實有好多方法 如果你唔暴曬架車/飛車 你可以選擇淨係黐頭既ppf( bumper頭cum 或者黐埋沙板）咁負擔會輕啲 同埋普通ppf點都會捱到一年以上 見黃/花可以撕左再黐 黐半年至一年未必會甩油 （除非jdm嗰類舊年份既車） 基本上歐洲車都無乜野（唔暴曬）

而家好多時洗車都係自己做，正常一個星期洗一次，人到中年，當做下運動。
加上覺得自己洗， 個自愈感強好多。
（雖然唔知自己洗得叫唔叫乾淨，但起碼自己唔會對住架車粗手粗腳先。）

就咁睇，似乎大部份巴打都唔太建議次PPF

想問下如果只係做頭冚，bumper，會唔會明顯睇到出冇做嘅部份有色差/光亮度有出入？（以新造計）

唔知你架車啲油既狀況係點 要睇下上手有冇保養
你可以去做ppf既時候全車研磨 咁樣既話你黐完都唔會好大分別 （好細細細微既光亮度分別 唔會點睇得出）