［26］考緊26？你問我答（40）1001記得開post呀仆街仔

哈密瓜味雪糕

1001 回覆

4 Like 2 Dislike

哈密瓜味雪糕 2022-05-29 03:34:14

Q: 考電單車流程
A: 如果係從未考過車, 流程: 筆試 -> 強制試(老強) -> 路試 -> P牌
筆試成績46同26通用, 考過既唔洗再考
未考強制試之前只可以係封閉場地練車, 唔可以出街渣
pass左強制後就可以申請學牌 (L牌), 出街練車期間車頭車尾必須掛上「學」字並遵守所有學牌規則

Q: 筆試去邊到報?
A: 駕駛學院/街師傅代辦排期/親身去長沙灣運輸署排期

Q: 邊到有得學/報名?
A: 通常會分為政府指定駕駛學院同街師傅
政府指定駕駛學院: 香港駕駛學院 (香駕) 同新觀塘駕駛學院 (新觀駕)
而街邊見到既MEG係香駕, 新觀駕同A1既代理
街師傳: 李健, 鏗鏘, 傑師, 自咖遊, A1 etc......
另外如果想只單獨報強制試必須要親身去想報既駕駛學院報名 (沙田, 元朗, 鴨脷洲, 觀塘), 不可以跟MEG報

Q: 考車場地有邊D?
A: 強制試只有政府指定駕駛學院可以考 (沙田, 元朗, 鴨脷洲, 新觀塘), 就算搵街師傅代辦都只可以去呢4個場考
路試有沙田, 元朗, 鴨脷洲, 天光道同掃桿埔 (大球場), 其中沙田元朗鴨脷洲係香港駕駛學院私家考場, 只可以經佢地報同考, 街師傳報就只有天光道同掃桿埔可以考

Q: 邊到考好?
A: 主要睇自己交通方便, 住邊同返工地點
香駕私家場有私家斜路8字可以練同考, 路試難度同街場差唔多, 但價錢較貴
天光道斜路8字考場(敬德街)全日學禁無得練, 路線短但多學校
掃桿埔斜路8字場要同46學車爭, 路線主要難在樂活線大斜路起步

Q: 通常考車有咩車款?
A: 香駕/新觀駕: Honda CB125F, 街師傅: Suzuki GN125, Honda MSX125, 豪爵 HJ150 etc....

Q: 學牌出街練車要注意D乜?
A:只可以係以下時段駕駛
星期一至星期五——06:00-07:30, 09:30-16:30, 19:30-23:30
星期六——06:00-07:30, 09:30-23:30
星期日及公眾假期—— 06:00-23:30
其餘時間只可以係封閉/私家場地練車
學禁路段, 高架橋, 隧道, 快速公路 (綠牌路段) 不可進入

Q: 學車有咩建議?
A: 26學車唔似46有個師傅坐喺旁邊睇住, 主要係靠自練, 導師堂係人夾人, 最多只可以指點下你有咩甩漏, 教授少少技巧
街師傅連登三毒: 輝sir, K&K, 貴記

Q: 學牌出車好唔好?
A:

https://www.youtube.com/watch?v=KqPhK07mKWk

哈密瓜味雪糕 2022-05-29 03:35:05

利申小弟肥過1次，前幾日終於PASS咗強制。

每部車嘅性能唔同，狀態好同唔好嘅車，揸上手分別都幾大。
平日練嗰啲車通常廢啲。

起步：
平日車：部車廢到就算喺平地搵到摩擦點，都唔會點郁，所以要比油搵摩擦點。
考試車：唔比油搵摩擦點部車都會郁。咁就大獲啦，平日嗰啲練開比油先郁，呢部唔比都郁，搞到判斷唔到係已經夠力可以慢放極力子，定只係搵到摩擦點而郁，結果就死火了。所以hold極力子同聽聲好很重要。

結論：
無論係嘜嘢車，都要先比油，搵摩擦點，聽引擎聲靜咗 / 車郁就係時候hold極力子，再比多少少油(一嚟你要轉二波，二嚟搵到摩擦點，個轉數會降低，如果唔比翻啲油繼續放極力子，轉數繼續降低，就會死火。)，郁順，再慢放極力子。

觀念：
1. 搵到摩擦點，個轉數會降低，如果唔比翻啲油繼續放極力子，轉數繼續降低，就會死火。
2. 轉數低過1000轉會死火
3. 比油起步嘅油係約2000-3000轉，學院本書都係咁教。極限係約3500轉，太多油部車實彈出去。
4. 比油搵摩擦點，到咗摩擦點部車會極明顯靜咗

入彎準備、油門控制：
平日車：入彎前收油。因為轉彎係會用拉低轉數，而低過1000轉部車就會死火，所以要喺出彎前(3/4個彎)比油，否則部車冇力就會喀喀叫，然後死火。

考試車：第二次考嗰時，部車唔比油都好順咁轉彎，出晒彎先比油都得。
當然唔係部部考試車都咁勁啦。
第一次考嘅時候，就係一部唔比油出彎會死火嘅車。
第二次考嘅時候，有兩個考生部車就係咁，而佢地出彎又冇比足夠嘅油，結果出彎位部車喀喀叫仲死埋火。所以要練習出彎比油。

轉彎：
無論平日車定考試車都一樣，入彎前先將部車駛向外彎，再轉彎，空間感會大好多，視線運用好似廢話，但確係有用，增加空間感、轉彎嘅信心。

視線運用：
入彎前望住個彎嘅12點正，亦即係半圓彎嘅中間嗰點，直到車頭入晒彎(我通常係部車入晒彎，距離中間點1-2個雪糕筒嘅位置，先再扭軚出彎)，再望出彎處。
當部車過晒一半，3/4個彎位再比返少少油，太早比大油會出界。到黃格停車。

黃格停車：
出彎、車直就好開始收油，等行到一個雪糕筒位就開始慢踩腳制，拿極力子，落一波，放腳同時拿手制同時將部車扭左，停定，左右望，打燈，左右望，準備下次起步。

衝燈：
3/4個彎開始比油，多成個車位比油實比出咗彎先比油快。
個人習慣：
望住黃格嚟衝，衝過咗感應就收油踩腳制，踩完再望燈，
著就繼續慢慢踩盡腳制（唔好一下踩到盡，部車會chok、跣軚）、同時拿手制、就停一野拿盡極力子同時扭左，左右望，熄時，落車，推車。
唔著就繼續比腳制，有必要就用一用手制收慢再轉彎。

練定油方法：一開始練可以望住個轉數表比油，見到上3000轉先放極力子。

小弟只不過係PASS咗老強，如果有地方講錯，還請各位師兄指點

credit #616 小屎丸

［26］考緊26？你問我答（35）召喚[學牌]車神
- 分享自 LIHKG 討論區
https://lih.kg/vMkJafX

哈密瓜味雪糕 2022-05-29 03:35:45

重點重溫