呢套戲2016年上，個陣討論度好似都唔係好高
可能2016年正正係社會關注度低潮，網絡上對社會議題討論一潭死水
好記得個陣係開始吹飲喜茶同北上消費，好多youtuber玩深圳一日遊
但當年呢套戲比我感覺係，導演牙勝如果唔係搞事
就係嘗試歸納返早幾年發生既社運，再嘗試進行下一步推演
當然我唔會吹到佢預言埋2019年既事
但的確佢係利用緊反派既存在去塑造一個當年可能好多人睇唔清楚既對手
古天樂
當年有人話佢係扮joker扮得唔似，其實完全唔係個回事
推敲一個角色既塑造，係要睇佢成長背景，角色目的同角色所擁有既經歷﹑技能﹑知識
即係所謂方法演技
如果古天樂當初做左joker既野，佢就唔係方法演技
Joker既反社會人格係源於社會低層不斷受資本主義剝削而累積多年悲劇所產生既精神病角色
佢既存在幾乎係batman既另一面
古天樂飾演既少帥完全相反
佢角度設定老豆係超強勢力軍閥，話打邊就打邊
由細到大都係軍閥背景長大，佢唔係皇帝個仔要管理蒼生
但佢係天生就有一堆手下去同佢跟手尾，做任何事唔需要負責
而且將人命視作草菅，坦白講呢種人物刻畫到咁，佢有冇暗射紅二代大家心照
中國而家個執政黨可以視作係電影入邊既大軍閥，而古天樂個角色
就係咩都唔使做，已經繼承左呢個江山既人，有無上權力，當下面既人係垃圾
呢種角色簡單黎講，佢唔會有所謂成長，因為要風得風要雨得雨，做事係可以十分幼稚
同小學畢業既人差唔多
所以你見係《危城》入邊，一方面古天樂殺人個陣成個弱智仔咁
但其實另一方面佢好清晰知道自己既權力係可以做到無法無天
呢種人得權，其實係好恐怖
而最寫實個幕，就係城入邊既有錢人雖然知呢條友係仆街
但最後都要去奉承佢，不過一樣係死，仲要係一邊同佢食飯一邊比佢用骨捅死
都咪話唔諷刺，睇返2021﹑2022年，基本上，就算唔講香港，大陸好多地方都變晒危城
另一個反角吳京，當年佢同彭于晏分道揚鑣
牙晏認為學武之人應該要講義，佢眼中既義係俠義，路見不平就要拔刀
吳京唔係唔講，但佢想顧存大局，佢犧牲左眼前既義，希望去成全大義，就係養鏢局既人
「強國都有好人」呢句唔係錯，「返去搵完錢再養返香港人」呢樣都真係有人做緊
只不過，你犧牲左既野，幾時要還，永遠無數計
所以當吳京跟左古天樂老豆搵食，雖然一直有戰功，但因為佢已經失義
最後喪失自我淪為一條走狗
但其實佢心目中仍然係愛住彭于晏呢個師弟，所以最後一幕
佢用自己條命換左牙晏條命，雖然係好sureal，不過呢一幕係導演善良(商業判斷)既表現
呢度就不作討論
套戲上左6年，今年強國去到一個輿論壓力既臨界點
用呢套戲做支點，有部角色同現實某D人重疊左
陳木勝當年係用點既心態去拍呢套戲，背後有幾多政治隱喻
呢類問題都當年值得思考，而家仍然值得再思考
最後一套《怒火》將鋒B推到上佢人影視生涯高峰
可摸耳詳細講下
